23 нче май көнне безнең мәктәптә 8 укучы өчен соңгы кыңгырау шалтырады. 3 кыз һәм 5 егет  ул көнне "Иске Чәчкаб төп мәктәбе"ндә соңгы дәресләрен укыды. Әлеге чара "Президент белән бергә!" лозунгы астында үтте. Бәйрәмгә килгән бик күп кунакларның ул көнне күзләрендә яшь тамчылары күренде. Күңелле дә, моңсу да булган әлеге хушлашу кичәсе, укучыларның күңел түрендә әле озак сакланыр мөгаен.  Хәерле юл сезгә, балалар!

Накануне праздника Великой Победы, прошел очередной районный семинар учителей русского языка, на базе ЦВР "Э.К.О". На семинаре чествовали учителей- ветеранов, участников ВОв.Также в рамках семинара прошла НПК, посвященная 70-летию Победы. Наши ученики выступили успешно и заняли призовые места. Шамсутдинова Ильзира заняла 1 место в номинации "Живем и помним", Хасанова Заррина - 1 место в номинации "Хроники семейного архива", Хузина Гузель - 2 место в номинации "Лирика". Мы желаем успехов нашим девочкам и их руководителю, учителю русского языка -Хасановой Эльмире Галимулловне. 

ТР Мәгариф һәм фән министрлыгы таләбе буенча, безнең мәктәптә бүген, сыйныф җитәкчеләре укучылар белән агрессив җәнлекләр, шул исәптән этләр белән дә үз-үзеңне тоту кагыйдәләре турында, әңгәмә формасында сыйныф сәгатьләре уздырдылар, инструктажлар үткәрделәр. 

Бүген, 13 май көнне, мәктәптә экологик белем көненә багышланган, республикакүләм "Бердәм экологик дәрес" акциясе узды. Әлеге  акция үсеп килүче буынның экологик белемен арттыру, табигый байлыкларга һәм тирә - юнь табигатькә җаваплы, сакчыл караш тәрбияләү максатында ТР экология һәм табигый байлыклар министрлыгы тарафыннан үткәрелә. Бездә исә, әлеге уңайдан бердәм сыйныф сәгатьләре узды. Әлеге дәресләрнең күбесе табигатьтә әңгәмә формасында уздырылды. 

Җиңү көне! Халкыбыз өчен иң зур бәйрәмне быелгы яз безгә 70 нче тапкыр бүләк итә. Шул уңайдан, 9 май көнне, район үзәге Кайбычта моңа кадәр тиңе булмаган, бик зур чара үтте. Әлеге чараның бер өлеше, ул - "Бессмертный полк" ("Үлемсез полк") акциясе. Әлеге акциягә безнең мәктәптән дә 6 укучы кушылды. Әлеге чара укучылар һәм укытучылар күңелендә дә матур хатирә булып озак сакланыр әле.

Бүген, 8 май көнне, авылыбызда зур бәйрәм - яңа һәйкәл ачу һәм Бөек Җиңүнең 70 еллыгына багышланган чара булып узды. Һәйкәлгә мәктәп һәм балалар бакчасы коллективлары "Үлемсез полк" ("Бессмертный полк") акциясенә кушылып зур колонна белән төштеләр. 7-9 нчы сыйныф укучылары исә, ике көн дәвамында "Вахта памяти" ("Хәтер вахтасы") акциясендә катнашачаклар. 

Кичә, 1 нче сыйныф укучысы Гирфанова Газизә, сыйныф җитәкчесе Мөхетдинова Алсу Назым кызы белән берлектә Казан Федераль Университетында 1 Республика "Җиңү җыры" әдәби конкурсында җиңүчеләрне бүләкләү тантанасында катнашып кайтты. ТР ның Фән һәм Мәгариф министрлыгы, ТР ның Журналистлар һәм Язучылар берлеге, ТР ның "Прогресс" яшьләр үзәге һәм "Ярдәм" милли ислам хәйрия фонды белән берлектә үткәрелүче, 8 - 14 яшьлек катнашучылар арасында "Шигърият" номинациясендә 1 нче дәрәҗә диплом белән бүләкләнүче нәни кызчыгыбызны тәүге зур җиңүе белән кайнар котлыйбыз, һәм киләчәктә зур уңышлар телибез! 

Ниһаять, озак көтеп арыганнан соң, язгы кояш безне үзенең җылы нурлары белән сөендерә башлады. Әлеге форсаттан файдаланып, без бакчада гөр килеп кишер чәчеп алдык. Озыыыыын түтәлләрдә, тиздән кишер үсентеләре баш төртер дип көтәсе генә калды.  

Мәктәптә 27 нче апрельдән 30 нчы апрельгә кадәр мәгариф бүлегенең 54 нче номерлы карары нигезендә Сингапур методикасы буенча ачык дәресләр фестивале үтә. План буенча һәр укытучы дәрес күрсәтә, үзанализ ясый. Дәресләрдән соң һәр көн үткәрелгән дәресләргә анализ бирү һәм тәҗрибә уртаклашу максатыннан түгәрәк өстәл оештырыла