Мәктәп планы буенча һәм хәрби-патриотик айлык кысаларында 23 нче февраль - Ватанны саклаучылар көне уңаеннан авылыбызда яшәүче сугыш ветераннарын өйләренә барып бәйрәм белән котлап, хәлләрен белеп кайттык. 4 нче сыйныф укучылары сыйныф җитәкчеләре Хәсәнова Фәһимә Габдулла кызы белән Заһидуллин Зиннәт абый янында булдылар. Зиннәт абый укучыларга Курск дугасы янындагы сугышта катнашуын, анда үз күзе белән күргән мәхшәрләрне тасвирлап бирде.  Ветераннарыбызның барысы да укучыларга үзләренең теләкләрен җиткерделәр, рәхмәт әйттеләр.

Бүген,1 һәм 3 нче сыйныф укучылары сыйныф җитәкчеләре Мөхетдинова Алсу Назым кызы белән авыл китапханәсенә экскурсиягә бардылар. Китапханәче Лилия Кәлимуллина укучыларга китапларның ничек урнаштырылуын күрсәтте. Яңа китаплар,  рус телендә басылучы  "Путешествие в сказку" журналы белән таныштырды. 1 нче сыйныф укучылары күңелләренә хуш килгән китапларны күп итеп яздырып алдылар. 

С 21 по 23 февраля ученица 9 класса Шамсутдинова Ильзира участвовала в республиканской олимпиаде школьников по русскому языку. Всего участников из республики было 55. Ильзира на 25 месте. Мы поздравляем её и учительницу русского языка Хасанову Эльмиру Галимулловну. 

21 нче февраль - Халыкара туган тел көне. Шул уңайдан  бүген безнең мәктәптә "Җыр булырлык сүзләр биргән, Туган телем, рәхмәт сиңа!" исеме астында туган тел көненә багышланган әдәби- музыкаль кичә үткәрелде. Бу кичәдә укучылар туган телгә багышланган шигырьләр сөйләделәр. Мәкальләрнең дәвамын әйтү ярышында катнаштылар. Барлык чаралар да туган телгә багышланган җырлар белән чиратлаштырып барылды. Кичәне татар теле һәм әдәбияты укытучысы Гайнетдинова Алсу Газиз кызы һәм музыка укытучысы Габидуллина Лютция Әгъзам кызы оештырды.

Вчера, 20 февраля, в нашей школе прошел школьный тур Всероссийского конкурса чтецов "Живая классика". В нем приняли участие 14 учащихся 6 - 7 классов. Победителю школьного тура предстоит выступить в районном туре. 

Кичә, Колангы төп мәктәбе базасында 1999 елгы һәм аннан да яшьрәк укучылар арасында волейбол ярышларының финалы үтте. Әлеге ярыштан безнең мәктәпнең кызлар командасы 3  нче урын яулап кайтты. Кызларга һәм физик тәрбия укытучысы Хәсәнов Илнур Рафаил улына рәхмәтебезне белдерәбез һәм яңа уңышлар теләп калабыз!

"Гомерем минем моңлы бер җыр иде, 

Үлемем дә яңрар җыр булып..." исеме астында, бүген безнең мәктәптә, Герой - шагыйрь Муса Җәлилнең 109 еллыгы билгеләп үтелде. Бу кичәдә, мәктәбебезнең татар теле һәм әдәбияты укытучысы Гайнетдинова Алсу Газиз кызы шагыйрьнең тормыш юлы һәм иҗаты турында сөйләде. Шагыйрьнең балалар өчен язган, тоткынлыкта иҗат ителгән шигырьләрен укучылар укыдылар һәм яттан сөйләделәр. Әлеге кичә укучылар күңелендә әле озак сакланыр. 

Хәрби-патриотик айлык кысаларында мәктәбебездә план буенча төрле чаралар үткәрелә. Бүген, Җиңүнең 70 еллыгына багышланган "Солдат шинеле җырлары" дип исемләнгән патриотик җырлар конкурсы узды.  Әлеге чарага һәр сыйныф бик җитди әзерләнгән иде: җырлары да дөрес сайланган, башкару осталыгы да һәркемнең күңеленә һуш килердәй. Әлеге чараны оештыруда зур өлеш керткән музыка укытучысы Габидуллина Лютц ия Әгъзам кызына һәм сыйныф җитәкчеләренә рәхмәт белдерәбез!

Быелгы елда, Россиянең 71 регионында үткәрелүче "Россия чаңгы юллары -2015" Бөтенрусия акциясе Сочидагы Олимпия уеннарының 1 еллыгы уңаеннан оештырылды. Әлеге чарадан без дә читтә калмадык, укучылар һәм укытучылар коллективы чаңгыга басып кышкы табигатькә экскурсиягә чыктык. 

Бездә бүген зур бәйрәм! 1 нче сыйныф укучыларының тәүге җиңүләре- Әлифбаны тәмамлау бәйрәме. Сыйныф җитәкчеләре Мөхетдинова Алсу Назым кызы әлеге чараны укучыларга, аларның әти-әниләренә һәм килгән кунакларга күңелле булсын өчен, кызыклы итеп һәм күп көч куеп әзерләгән. Терекөмеш бөртекләредәй - 5 укучы, үзләренең аеруча актив, кызыксынучан һәм  максатчан булуларын дәлилләделәр. Үзләре хисчән балалар да әле, әлифба белән хушлашасылары килмичә ахырдан елап та алдылар. Менә шундый үзенчәлекле балалар укый бездә!