Ученица 7 класса Мингазова Зиля приняла участие в конкурсе научно-исследовательских и творческих работ "Нобелевские надежды КНИТУ - 2015". Представила научную работу  (номинация «Дизайн», руководитель-учитель технологии Султанова И.А.), получила сертификат.

Бүген 9 нчы класс укучылары Үрнәктәге Арча агросәнәгать көллиятендә "Ачык ишекләр көне" ндә катнаштылар. Көллияткә кабул итү, уку шартлары, алырга мөмкин булган белгечлекләр буенча күп мәгълүмат тупладылар.  Шулай ук уку бүлмәләрендә, тулай торакта булдылар.    

13 нче май көнне Арча шәһәре стадионында җиңел атлетика буенча ярышлар булып узды. Безнең мәктәп командасы бу ярышта 2 нче урынны яулады. Шәхси беренчелектә дә призлы урыннар бар. Алар: Сәләхова Фәнүзә - 400 м га йөгерүдә 2 нче урын, Мөхәммәдиев Илмир - 3000 м га йөгерүдә 3 нче урын. Барлык катнашкан укучыларны җиңүләре белән котлыйбыз!

Мәктәп бакчасында көннән-көн кызу эш кайный. Укытучылар коллективы һәм укучылар көче белән бакча тәртипкә китерелә. Чәчәклекләрне, яшелчә утырту өчен  җирләрне  укучылар тырышып әзерлиләр. Чәчәк үсентеләре инде күптән әзер. Кәбестә, помидор, борыч үсентеләре авыл халкына сату өчен дә күпләп үстерелә. 

Экологик белем бирү көне уңаеннан мәктәптә "Бердәм экологик дәрес" үтте. Укучыларның экология буенча белемнәре баетылды, табигатькә сакчыл караш турында әңгәмәләр үтте, фильмнар күрсәтелде, плакатлар, рәсемнәр ясалды.

Бүген 9 нчы класс укучылары татар теле фәненнән Бердәм Республика Тестын эшләделәр.

Арчада Җиңү көне уңаеннан уздырылган парадта "70 еллыкка 70 бишле" акциясендә җиңү яулаган 3 укучы, спортта зур уңышларга ирешкән 2 укучы катнашты.  

9 нчы май - Җиңү көне уңаеннан Арчада уздырылган тантанада мәктәбебезнең "Туган якны өйрәнү музее" җитәкчесесе Шәфигуллин Н.Ф. сугыш чоры экспонатлары белән оештырылган күргәзмәдә катнашты. Әлеге экспонатлар бик күпләрнең игътибарын үзенә җәлеп итте. 

Бөек Җиңү бәйрәменә багышланган митингка укучылар алдан әзерлек эшләре алып баралар. Хәрби темага җырлар өйрәнәләр, стройда атлау күнекмәләрен ныгыталар. Бүгенге бәйрәмгә дә алар күтәренке рух, матур кәеф белән килделәр. Җирдәге тынычлык хакына фикерләрен әнә шулай белдерделәр.