Сәламәтлек,саулык - иң мөһим байлык. Сәламәтлек какшамасын өчен, үзеңнең сәламәтлегең өстендә даими эшләргә, хәрәкәтләнергә кирәк. Мәктәбебез укучылары даими спорт белән шөгыльләнә,класслар арасында төрле ярышлар оештырыла. Бүген 5 нче, 6 нчы класс укучылары арасында пионербол ярышы булды.

Каникул көннәрендә Арча шәһәрендә Бөтенроссия Спартакиадасының региональ этабында катнашу өчен район мәктәпләре укучылары арасында шахмат ярышы уздырылды. Безнең мәктәп командасы  составында уйнаучылардан Шәфигуллин Камил (3 кл.), Хәмзин Ришат (6 кл.), Солтанова Камилә (7 кл.) матур уен күрсәтеп, 1 дәрәҗә диплом белән бүләкләнделәр. Афәрин!!!

Бүген педагогик киңәшмә уздырылды. Көн тәртибендә 1 нче чирек йомгаклары, төп мәктәптә яңа стандартлар буенча укыту, хокук бозуларны кисәтү кебек мәсьәләләр буенча чыгышлар булды.

Бүген мәктәбебез укучылары Арча спорткомплексында үткәрелгән "Көзге бал" бәйрәмендә катнаштылар. Бу күңелле тамашада укучылар биеделәр, төрле сорауларга җаваплар бирделәр, үзләрен тапкырлыкта, зирәклектә сынадылар. Әлеге бәйрәм һәркемгә күтәренке кәеф бүләк итте.

Бүген мәктәптә тарих һәм җәмгыять белеме укытучыларының зона буенча семинары үтте. Укытучылар яңа стандартларны тормышка ашыру барышында хәл итәсе мәсьәләләр, куелган таләпләрне  тормышка ашыру юллары һ.б. турында эшлекле сөйләшү оештырдылар.

Бүген 3 нче класс укучылары белән (Класс җитәкчесе - Гыйбадуллина Н.Т.)"Игелекле гамәлләр кылыйк!" темасы астында ачык тәрбия сәгате үтте. Бу чарага укучыларның әбиләре дә килгән иде. Үзләренең эчтәлекле чыгышлары, сөйләгән хатирәләре белән алар әлеге кичәгә ямь өстәделәр. 

30 октябрьдә 1 сыйныф җитәкчесе Минһаҗева Ч.М. укучыларының әти-әниләре белән җыелыш үткәрде. Җыелышта балаларныңчирек дәвамында үсеш нәтиҗәләре, һәр фән буенча уку елы ахырына планлаштырылган нәтиҗәләр, укучыларның электрон көндәлек, мәдәни көндәлекләре белән эшләү үзенчәлекләре мәсьәләләре каралды; укучының уңышлар портфеле өчен анкеталар тутырылды.