Бүген "Иң зур дәрес" акциясе кысаларында 5 нче класс укучылары өчен әңгәмә уздырылды. Мөмкинлекләре чикле кешеләргә карата мәрхәмәтлелек, дустанә мөнәсәбәтләр, җылы караш булдыруда һәм тәрбияләүдә әлеге дәреснең әһәмияте зур булды.

Башлангыч сыйныф укучылары белән «Ил күләмендә иң зур дәрес” үткәрелде. Дәреснең максаты: хәерчелекне бетерү, ачлыкка каршы көрәш, сәламәтлекне саклау, тигез шартларда яшәү, климат шартларына каршы көрәш, балаларга сыйфатлы белем бирү. Матур презентация, уеннар, табышмаклар кулланып үткәрелгән бу дәрес укучыларга күп яңалык бирде. 

Бүген авыл мәдәният йортында укучылар өчен көзге уңыш бәйрәме үткәрелде. Көндез 1-5 нче класс укучылары бәйрәм итсә, кич белән 6-9 нчы класс укучылары өчен бәйрәм оештырылды. Укучылар әлеге бәйрәмдә үзләренең җырга-биюгә, сүзгә осталыкларын күрсәттеләр.

Бүген Г.Камал исемендәге Сикертән төп гомуми белем мәктәбендә якташыбыз Мөхәммәт Мәһдиевнең  иҗади мирасын өйрәнүгә багышланган  фәнни-гамәли конференция үткәрелде. 8 нче класс укучысы Садриева Альбина (фәнни җитәкчесе - Садриева Н.З.) "М.Мәһдиев әсәрләрендә туган як темасы" бүлегендә уңышлы чыгыш ясады һәм 1 нче урынга лаек булды. Укучыбызны җиңүе белән котлыйбыз!

Бүген мәктәптә 6-7 нче класс укучылары өчен психологик тренинг үтте. Аны педагог-психологлар Сафина Зөлфия Шәүкәтовна, Сәмиева Гөлнур Фануровна, Зөбәерова Айгөл Фаилевна уздырды. Төркемнәрдә һәм уен формасында  үткәрелгән әлеге тренинг укучыларга бик ошады.

Профориентация эше мәктәптә тәрбия бирүнең төп юнәлешләреннән санала. Ул дәресләрдә, класстан тыш кичәләрдә тормышка ашырыла. Укучыларның һөнәрләргә карата кызыксынуын, сәләтен, эшче һөнәрләрнең популярлыгын арттыру максатыннан  бүген 7-8 нче класс укучылары һөнәри юнәлеш буенча тест эшләделәр.

Культурный Дневник школьника» — значимый культурно-образовательный проект Татарстана, реализуемый Министерством культуры, Министерством образования и науки под патронажем Президента Республики Татарстан Рустама Минниханова. В этом году дневники получили в дар 160 тысяч школьников республики с 1 по 4 классы. И в нашей школе сегодня были вручены учащимся начальных классов "Культурный дневник школьника".

Беренче чирек тәмамланырга да санаулы көннәр генә калды. Укучыларның тәртибенә, дәресләргә йөрешенә, өлгерешенә, чисталык торышына һәр атнада уздырыла торган линейкада күзәтү ясала. Бу атнада "Иң күп 5 ле алучы класс" исемле күчмә кубок  3 нче класс укучыларына (класс җитәкчесе Гыйбадуллина Н.Т.) тапшырылды.

Бүген мәктәптә "Ләйсән" балалар бакчасы коллективы, балалар, әти-әниләр тарафыннан эшләнгән көзге композицияләр күргәзмәсе булды. Укучылар әлеге гүзәллеккә үз тавышларын бирделәр. Шулай итеп, иң күркәм эшләр, җиңүчеләр билгеләнде.

Бүген мәктәп бакчасында җир казу, җыештыру эшләре төгәлләнде. 7 нче класс укучылары бакчада бик тырышып эшләделәр.