Бүген 1 нче һәм 2 нче сыйныф укучылары белән толерантлык темасына әңгәмә үткәрелде һәм "Без төрле,ләкин без бергә!"дигән темага презентация каралды.

Террорчылык. Нинди куркыныч, тетрәндергеч сүз. Ул кешедә курку хисе уята, чөнки сугыш, бәла-каза, гаепсез кешеләрнең үлеме белән бәйле. Террорчылыкның кайчан һәм кайда булуын беркем әйтә алмый. 2004 елның 1 сентябрендә Беслан шәһәрендә булган вакыйгалар һәр кешенең күңелендә мәңгегә уелып калыр. Шушы вакыйгаларга бәйле рәвештә терроризм һәм экстремизмны кисәтү максатыннан мәктәбебездәдә әлеге теманы яктырткан дәресләр, сыйныф сәгатьләре, яшьләр акцияләре, түгәрәк өстәлләр, диспутлар, уеннар үткәрелә. Мәктәбенең 3 нче сыйныф укучыларын да “Террорчылык – җәмгыятькә янау” үткән сыйныф сәгате битараф калдырмады. Халык фаҗигасе, кеше кайгысы укучылар йөрәгенә барып җитте, күңеленә үтеп керде.  “Без тынычлык телибез!”- дип тәмамланды класс сәгате.

Атна дәвамында укучылар арасында пионербол уены буенча ярышлар уза. Бүген ул башлангыч класслар арасында үткәрелде. Башлангыч класслар буенча нәтиҗәләр түбәндәгечә: 1 урын - 3 кл., 2 урын - 4 кл., 3 урын - 2 кл. Уеннан укучылар күңелләре күтәрелеп, яхшы кәеф белән таралыштылар.

Бүген мәктәптә зонадагы мәктәпләрнең математика укытучылары семинары узды. Аны мәктәпнең математика укытучысы Абдуллина В.И. оештырды. Ул "Төп мәктәпкә федераль дәүләт стандартларын кертүдә заманча дәрес" дигән темага чыгыш ясады һәм дәрес этаплары,структурасы, дәрескә таләпләр, укучыларның практик эшчәнлеге хакында үз фикерләрен белдерде, тәҗрибәсе белән уртаклашты. Курса-Почмак мәктәбенең математика укытучысы Хаерова Г.С. курсларда алган белемнәр хакында сөйләде,технологик карта төзүгә таләпләр белән таныштырды.

Бүгенге тормыш дәрәҗәсе - кешенең тырыш хезмәт җимеше. Хезмәт кешене кеше иткән. Һөнәрләр турында уйланырга, эзләнергә, хыялланырга, үз алларына максат куеп яшәргә өйрәтүне күз алдында тотып, китапханәдә укучылар белән әңгәмә уздырылды.

Башлангыч класс укучылары белән атналыкта төрле чаралар уздырылды. "Математик поезд" дигән интеллектуаль уен һәркемгә дә ошады. Башлангыч класс укучылары үзләре дә әлеге уенда зирәк һәм тапкыр булулары белән аерылып тордылар.

5 нче класс укучыларының әти-әниләре бүген балалары белән бергә уйландылар, эзләнделәр, нәтиҗәләр чыгардылар. Алар өчен татар теле фәненнән (укытучы - Юнысова Р.К.) ачык дәрес күрсәтелде. Дәрестән барлык әти-әниләр дә канәгать булып таралышты.

Бүген мәктәптә ата-аналар җыелышы уздырылды. Көн тәртибендә чирек йомгаклары, укучыларның дәресләргә әзерлеге, хокук бозуларга каршы профилактик чаралар уздыру, терроризмга каршы көрәш, укучыларның ашханәдә туклануы кебек мәсьәләләр турында сөйләшү булды.