Хөрмәтле укытучылар! Сезнең барыгызны да һөнәри бәйрәмегез белән котлыйбыз. Уңышларыгызга сөенеп, бәхет хисе кичереп яшәргә язсын сезгә. Сау –сәламәт булыгыз, хыялларыгыз һәрвакыт чынга ашсын!

Бүген “Мөстәкыйль балалар” республика проектында катнашучы укучыларыбыз районда үткәрелгән семинарда катнашты.

Көннән-көн автомобиль транспорты үскәннән - үсә бара. Ә юллар һаман элеккечә. Шуңа күрә транспорт хуҗасына да, җәяүлегә дә юл йөрү кагыйдәләрен белү бик мөһим. Бәла аяк астында йөри, диләр. Юл йөрү кагыйдәләре мәктәптә өйрәтелсә дә, фаҗигалар еш булып тора. Шуңа күрә юл йөрү кагыйдәләрен гамәли күнегүләр ярдәмендә өйрәтү бүгенге көндә бик актуаль. 3 нче сыйныфта “Уткүз патшалыгында” дигән уен-ярыш шушы максат белән үткәрелде.

Бүген район мәдәният йортында укытучылар көненә багышланган бәйрәм тантанасы узды. Әлеге тантанада  хезмәтләре белән зур уңышларга ирешкән укытучылар, мәктәп коллективлары бүләкләнде. Безнең мәктәбебез дә "Яңа уку елына иң хәзерлекле мәктәп " номинациясендә  3 нче урынны яулады.

Өлкәннәр көне һәм декадасы уңаеннан мәктәбебезнең яшь  тимурчылары аларны бәйрәм белән котлый, йорт эшләрендә булыша. Өлкәннәр дә аларга рәхмәтле: укучыларыбызның акыллы, тәүфикълы, сау-сәламәт булып үсүләрен теләп калалар.

Кадерле әбиләребез, бабайлар, апалар, абыйлар! Сезне өлкәннәр көне белән чын күңелдән котлыйбыз. Сезгә ныклы сәламәтлек, чиксез шатлык, балаларыгызның игелеген күреп яшәвөгезннө телибез.

Картлык шатлык түгел диеп,

Гөл моңаеп тормыйк әлө.

Сагыш - моңнарны таратып,

Елмаешыйк, көлик әлө.

Картаябыз димик әлө.

Бүген мәктәптә ТР Мәгариф һәм фән министрлыгы приказы (09.09.2015, №9257/15) нигезендә башлангыч мәктәптән төп мәктәпкә күчү буенча 5 нче класста рус теленнән диагностик эш уздырылды. Әлеге сынауда барлык укучылар да катнашты.

Сентябрь аенда 1 нче сыйныф укучылары ФГОС- тест үткәргән "Школа безопасности" Бөтенроссия конкурсында катнаштылар һәм грамоталар, сертификатлар белән бүләкләнделәр.

Көз булуга карамастан, көннәр искиткеч матур тора. Шунлыктан физик тәрбия дәресләре, төрле ярышлар урамдагы спорт мәйданчыкларында үтә.

Сарай-Чокырча башлангыч мәктәбе укучылары мәктәп бакчасында яздан көзгә кадәр тырышып хезмәт итәләр. Җәй буе мәктәп тирәсе, бакчасы һәркемне үзенә җәлеп итеп торды. Менә хәзер көзге эшләр башланды. Укучылар, кечкенә булсалар да, барлык эшләрдә дә актив катнашалар.