2 июнь көнне 6б сыйныфы укучысы Зыятдинов Тимур XX Республикакүләм "Дети рисуют страну" рәсем бәйгесенең шәһәр этабы җиңүчесе булды.
Котлыйбыз, иҗади уңышлар телибез!

10а сыйныфы укучылары Азизов Кәрим һәм Мамедова Диана Рус телендә үз мәдәниятең турында иң яхшы инша язу буенча бөтенроссия конкурсының төбәк этабында актив катнаштылар.
Нәтиҗәләр түбәндәгечә билгеләнде:
- Мамедова Диана - 1 дәрәҗәдәге диплом;
- Азизов Кәрим - 3 урын.
- Котлыйбыз! Уңышлар телибез!

Рус телен үстерү чаралары кысаларында гимназиябезнең 10а сыйныфы укучысы Мамедова Диана "Көмеш каләм" бөтенроссия иншалар бәйгесендә катнашып, 1 дәрәҗәдәге дипломга лаек булды.
Котлыйбыз, уңышлар телибез!

26 май көнне гимназиябезнең актлар залында 9 сыйныфларның "Соңгы кыңгырау" бәйрәме узды.
Бу чара уку елын тәмамлау гына түгел, олы тормышка беренче адым да, мәктәп казанышларына нәтиҗә ясау һәм укытучыларга рәхмәт сүзләрен әйтү вакыты да.
Тантаналы чарада укытучылардан һәм гимназия администрациясеннән матур теләкләр, укучылар исеменнән ихлас рәхмәт сүзләре һәм ата-аналарның изге теләкләре яңгырады. Тамашачылар иҗади номерлар, истәлекләр һәм укучыларның ихлас эмоцияләре белән хозурлана алды.
Барлык 9 сыйныф укучыларын бәйрәм белән котлыйбыз! Киләчәктә уңышлар, ышанычлы дуслар, яңа белемнәр һәм якты вакыйгалар телибез. Соңгы кыңгырау зур җиңүләр һәм ачышлар башлангычы булсын!

Соңгы кыңгырау ул -  урта мәктәпне тәмамлап, зур тормышка, олы дөньяга юлланган укучыларны алдагы көннәрнең гаҗәеп матур да, тынгысыз да, соклангыч һәм авыр да булачагын искәртеп тора кебек. Бу чың аларның кадерле укытучылары белән хушлашу авазы да. Нәкъ менә “Соңгы кыңгырау” бәйрәме безнең күңелләребездә укытучылар, сыйныфташлар һәм мәктәп еллары турында якты хатирә булып сакланып калучы бәйрәм.
26 май көнне гимназиябездә соңгы кыңгырау яңгырады! Чыгарылыш сыйныф укучылары актлар залында бик матур бәйрәм концерты күрсәттеләр. Укучыларны гимназиябез директоры Гөлфия Гаязовна, укытучылары һәм әти-әниләре котлап, матур теләкләрен җиткерделәр. Бу мөһим көннәрен уртаклашырга укытучылары, әти-әниләре, дуслары, туганнары да кило ән иде.
Кадерле чыгарылыш сыйныф укучылары, сезгә күңел күтәренкелеге, оптимизм, үз-үзегезгә ышаныч, иҗади илһам, якты киләчәк һәм уңышлар гына телибез! Хәерле сәгатьтә!

22 май көнне гимназиядә 4 нче сыйныф укучыларының күңелләрендә иң якты, иң матур хәтирә булып сакланып калачак чыгарылыш - башлангыч сыйныф белән саубуллашу кичәсе үтте. Алар сабый чакның бер баскычыннан югарыга күтәрелделәр. Укучыларны әлеге истәлекле көннәре белән котлап, шатлыкларын уртаклашырга әти-әниләре дә килгән иде. Гимназиядә, чын мәгънәсендә, җыр-моңга күмелгән балачак бәйрәме узды.
    Хуш, башлангыч!     Бәлки әле, безне           Онытмыйча искә алырсың.                        Ә син безнең йөрәк түребездә                   Гүзәл мизгел булып калырсың.

19-22 май көннәрендә гимназиябезнең 8А сыйныфы укучысы Җиһаншина Камелия (җит. Шафикова Ч.А.) рус теленнән Халыкара олимпадада катнашты. Чара "Дуслык" сәламәтләндерү комлексында узды. Укучылар ике этапта телдән һәм язмача биремнәр башкаралар. Олимпиадада илебезнең 15 регионыннан һәм СНГ илләреннән 180 укучы катнашты.
Язма турда катнашучылар морфология, орфография, синтаксис, пунктуация һәм грамматика буенча биремнәр башкардылар.
Ә икенче тур укучыларга фонетика, лексика, фразеология, стилистика, сөйләм культурасы һәм ораторлык сәнгате өлкәсендәге белемнәрен күрсәтергә мөмкинлек бирде. Олимпиада нәтиҗәләре буенча Камелия призер булды.
Котлыйбыз, алга таба да фәнни-иҗади уңышлар телибез!

21 май көнне 1б сыйныфы укучылары «Әкият» курчак театрында «Волшебник Изумрудного города» әкиятен карадылар.

21 май көнне 2а сыйныфы укучылары "Әкият" курчак театрында "Правильное мышление" әкиятен карадылар.

20 май көнне гимназиябез ишегалдында Гимназистларны данлау көне үткәрелде. 2025/2026 уку елына нәтиҗәләр ясалды. Чарада предмет олимпиадаларында, конференцияләрдә, төрле бәйгеләрдә катнашкан укучыларга грамота, диплом һәм истәлекле бүләкләр тапшырылды.
Бүләкләнүчеләр арасында спорт һәм иҗат өлкәсендә уңышка ирешүчеләр дә, Алдынгылар хәрәкәте активистлары да бар иде. Шулай ук иң актив сыйныфлар һәм иң күп китап укучылар да билгеләнде.
Чара биюләр һәм җырлар белән үрелеп барды. Бәйрәм ахырында катнашучылар гимназия Гимнын башкардылар.