27 нчы апрель көнне гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Дәрес хәзерге заманның төп күнекмәләренең берсенә - командада эшли белүгә багышланган иде. Дәрестә күмәк нәтиҗә, уртак эштә катнашучылар арасында үзара ярдәмләшү һәм ышаныч төшенчәсе турында фикер алыштылар. Дәрес "Командада эшләүнең әһәмияте нәрсәдә?" дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.

17 апрель көнне “Гагарин декадасы” тәмамлану уңаеннан мәктәп яны территориясендә “Гагарин өмәсе” үткәрелде.
Гимназиябез директоры Шәмсиева Г.Г. кышкы чорда мәктәп яны территориясен кардан чистартырга ярдәм иткән 8б, 9б һәм 10а сыйныфы егетләренә рәхмәт хатлары һәм бүләкләр тапшырды.

26 апрельдә татар халкы бөек татар шагыйре Габдулла Тукайның тууына 140 ел тулуны билгеләп үтә. Безнең республикада Тукай туган көне - туган тел көне дип игълан ителгән.
Менә инде күп еллар халкыбызда матур традиция яши - татарлар яшәгән төбәкләрдә шагыйрьнең туган көнендә шигърият бәйрәмнәре, төрле күркәм чаралар үткәрелә.
Безнең гимназиябездә дә бөек шагыйребез – Г.Тукайның туган көненә багышланган бәйрәм концерты узды. Укучылар шагыйрьнең әсәрләрен башкардылар, сәхнәләштерделәр һәм җырладылар. Г.Тукай айлыгы кысаларында үткәрелгән бәйгеләрдә җиңүчеләргә мактау грамоталары тапшырылды. Чара “Туган тел” җыры белән тәмамланды.

Гимназиябез командасы ел да Бөтендөнья татар яшьләре үткәргән чараларда бик теләп катнаша. Укучыларга заманча, туган телебездә оештырылган уеннар, акцияләр бик ошый.
21 апрель көнне гимназиябезнең “Зирәкләр” такымы (җит. Җәләева Г.А.) квест уенында катнашты.
26 апрель көнне Казан кирмәнендә Гавами урыннарда “Мин татарча сөйләшәм” акциясе узды. Чара барышында мәктәпләр бәйгесе җиңүчеләрен дә бүләкләделәр. Быел исә “Казан квест” уенында катнашып, гимназиябез такымы 1 урынга лаек булды.
Укучыларны җиңүләре белән котлыйбыз, иҗади уңышлар телибез!

25 апрель көнне Бөтенроссия "Эколята көне" кысаларында "Эколята - безнең дуслар" исемле рәсем бәйгесе узды.
Яшь рәссамнар табигать сакчылары - Эколяталарны рәсемнәрдә сурәтләделәр.
Чара балаларда әйләнә-тирә мохиткә сакчыл мөнәсәбәт булдыруга һәм иҗади сәләтләрне үстерүгә ярдәм итте.

25 апрель көнне Бөтенроссия "Эколята көне" узды. Чара кысаларында табигать сакчылары һәм дуслары - әкият геройлары Эколяталар катнашында иң яхшы әсәр бәйгесе үткәрелде.
Бәйгедә катнашучылар иҗади эшләр башкардылар. Аларда Эколятлар экологик проблемаларны хәл итәргә ярдәм иттеләр.
Бәйге укучыларда экологик культура формалашу, иҗади фикерләүне һәм табигатькә аңлы мөнәсәбәтне үстерүгә ярдәм итә.

25 апрель көнне Бөтенроссия "Эколята көне" кысаларында "Табигать сакчылары - Эколяталар остаханәсе" бәйгесе үткәрелде.
Бәйгедә катнашучылар кошлар өчен җимлекләр һәм сыерчык оялары әзерләделәр.
Чара яшь буында экологик культура һәм табигать турында кайгыртуның гамәли күнекмәләрен формалаштырырга ярдәм итте.

Г.Тукай юбилеена багышланган чаралар сериясен дәвам итәбез. Гимназиябездә бөек шагыйребезнең тормыш юлы һәм иҗатына багышланган стена газеталары бәйгесе дә үткәрелде.
Габдулла Тукайның тууына 140 ел тулу уңаеннан үткәрелгән стена газеталары бәйгесенә килгән эшләр белән сезне дә таныштырабыз.

24 апрель көнне "Метроэлектротранс" муниципаль унитар предприятиесе бөек татар шагыйре Г.Тукайның тууына 140 ел тулуга багышланган чара үткәрде. Әлеге чарада оештырылган күргәзмәдә 1а, 1б, 3б, 5а, 5в, 6б сыйныфы укучылары ясаган рәсемнәр дә урын алды.
Бәйге нәтиҗәләре түбәндәгечә билгеләнде:
1 урын - Бушенев Ярослав (5в),
2 урын - Голованова Мария (5в),
3 урын - Рәхмәтова София (1а).
Күргәзмә нәтиҗәләре буенча катнашучыларга генераль директор Габделхаков А.К. исеменнән грамоталар бирелде, шулай ук истәлекле бүләкләр тапшырылды.

Г.Тукайның тууына 140 ел тулуга багышланган бәйгеләр дәвам итә.
Тукай айлыгы кысаларында гимназиябез укучылары "А.С. Пушкин һәм Г.Тукай йолдызлыгында" республикакүләм иҗади бәйгедә катнаштылар.
Г.Тукай шигырьләрен укучылар номинациясендә 9а сыйныфы укучысы Рахмонбердиева Камилә 1 дәрәҗәдәге дипломга лаек булды. Сәнгати иҗат, графика номинациясендә Прокопишина Инесса (җит. Галиәхмәтова И.Ф.) шулай ук 1 дәрәҗәдәге диплом белән бүләкләнде.