14 сентябрь көнне 7 «В» сыйныфы укучылары (сыйныф җитәкчесе — Гимадиева Р. Р.) «Россия Федерациясенең Баш прокуроры кубогы» исемендәге ук ату буенча V Бөтенроссия ярышларын карадылар. Ярышлар «Ак Барс Арена» стадионында узды.

14 нче сентябрьдән гимназиябездә көзге «Хәйрия атналыгы» башланды. Беренче көн «Тынычлык көне» девизы астында узды. Ул патриотик тәрбиягә, Россия халыклары бердәмлеге елына, сугыш һәм хезмәт батырлыгы елына багышланган иде.
4 «А» сыйныфында «Дөньяда игелекле булып яшәү күңеллерәк» темасына дәрес үткәрелде. Укучылар «Ике бүре турында» кыйссаны бик кызыксынып тыңладылар, аннары «игелек» сүзе белән синквейн төзеделәр. Укучылар төркемнәрдә эшләделәр: кәгазьдән җиде төсле чәчәк җыйдылар. Чәчәк таҗларына теләкләр яздылар.

11–14 сентябрь көннәрендә Анапа шәһәрендә үткәрелгән автомобиль спорты буенча Бөтенроссия ярышларының «автомногоборье» дисциплинасында Россия Федерациясенең 11 субъектыннан килгән 12 команда катнашты. Ярышлар Россия халыклары бердәмлеге елына багышланды.
Автомобилистлар юл хәрәкәте кагыйдәләре буенча белемнәрен күрсәттеләр һәм махсус трассада фигуралы идарә итү техникасы буенча көч сынаштылар.
Ярышлар нәтиҗәсе буенча Татарстан Республикасы командасы беренче урынны, шулай ук гомуми исәптә икенче урынны яулады. Команда составында гимназиябезнең 10 «А» сыйныфы укучысы Изибеков Сергей да катнашты.
Котлыйбыз, уңышлар телибез!

12 сентябрь көнне 3 «Б» сыйныфыннан Әлимовлар һәм Хәмидуллиннар гаиләләре «Гаилә белән стартка! Гаилә белән сайлауларга!» фестивалендә актив катнаштылар.
Фестивальдә 5 майдан эшләде:
* «Шәһәрчекләр» — шәһәр спорты буенча мастер‑класслар;
* «Флорбол» — флорбол буенча өйрәтү дәресләре һәм команда уеннары;
* «Йога һәм гаилә зарядкасы» — ата‑аналар һәм балалар өчен күнегүләр комплексы;
* «Спорт көрәше» — спорт көрәше буенча таныштыру дәресләре;
* «Баскетбол» — баскетбол буенча өйрәтү дәресләре һәм команда уеннары.
Фестиваль бик күңелле узды, гаиләләргә дипломнар тапшырылды.

13 сентябрь — Фашизм корбаннарын искә алу көне. Бу көн тынычлыкның кадерен искә төшерә һәм тыныч тормышны саклау кирәклеген аңлата.
11 сентябрь көнне гимназиябездә тәрбия эшләре буенча директор киңәшчесе Җәләева Гөлүзә Азат кызы башлангыч сыйныф укучылары өчен «Тынычлык тәрәзәсе» иҗади остаханәсен үткәрде.
Чараның максаты — балаларга тынычлыкның иң гади һәм аңлаешлы әйберләрдән торуын күрсәтү: өй, гаилә, мәктәп, дуслар.
Остаханә барышында балалар тәрәзә макетларына «Минем тыныч көнем» темасына рәсем ясадылар.
Нәтиҗәдә барлык «тәрәзәләр» бер рәткә куелды — шулай итеп «Тынычлык тәрәзәләре урамы» барлыкка килде.
Мондый чаралар балаларга үзләренең иҗади сәләтләрен үстерергә һәм тыныч тормышның мөһимлеген аңларга ярдәм итә.

8 сентябрь көнне, Грамоталык көне һәм Россия халыклары телләре көнендә, гимназиябез укучылары «Россия — халыклар йорты» Бөтенроссия диктантына кушылды.
Акция кысаларында гимназия укучылары рус һәм татар телләрендә текстлар яздылар.

Бу укучылар өчен сынау гына түгел, ә мөһим мәдәни вакыйга булды. Текстлар аша алар күпмилләтле илнең бердәмлеге идеясе белән якыннан таныштылар. Туган телнең кыйммәтенә төшенделәр.
Барлык катнашучыларны диктантны уңышлы язулары һәм Грамоталык көне белән котлыйбыз!
Сүзгә мәхәббәт һәм төрле телләргә хөрмәт безнең гимназиябезнең мөһим үзенчәлеге булып калсын!

Гимназиябезнең башлангыч сыйныф укучылары «Дуслык күпере: Татарстаннан бөтен Россиягә кадәр» республика акциясендә катнаштылар. Укучылар өчен бу көн тылсымлы әкият дөньясы буйлап сәяхәткә әйләнде.
Укучылар «Өч кыз», «Камыр батыр» һәм башка әкиятләр укыдылар. Яраткан геройлар образлары аша балалар яхшылык белән яманлыкны аерарга өйрәнделәр, шулай ук татар халкының гореф‑гадәтләре һәм кыйммәтләренә төшенделәр.
Көн дәвамында укучылар викториналарда катнаштылар, әкият геройларын рәсемгә төшерделәр, халык уеннары уйнадылар һәм команда белән биремнәр үтәделәр.

Әкият — бөтен илнең балаларын берләштерүче универсаль тел. Бүген безнең «Дуслык күпере» тагын да ныгыды!

Хөрмәтле хезмәттәшебез Эльмира Рөстәм кызы Хөснетдинованы зур профессиональ казанышы белән котлыйбыз!
Эльмира Рөстәмовна — Казан шәһәре Вахитов районының «Г. Тукай исемендәге 1 нче татар гимназиясе» муниципаль бюджет гомуми белем бирү учреждениесе укытучысы. Ул 2026 елда Татарстан Республикасы Электрон мактау тактасына кертелде. Бу — аның югары һөнәри казанышлары һәм намуслы хезмәте өчен бирелгән югары бәя.
Таныклыкта аның һөнәренә тугрылыгы һәм ирешкән нәтиҗәләре аерым билгеләп үтелгән. Эльмира Рөстәмовна һәр көн укучылар белән эшләүгә күп көч куя, бөтен күңелен биреп хезмәт итә. Гимназиябез исеменнән Эльмира Рөстәм кызына алдагы эшләрендә уңышлар һәм иминлек телибез!

Бүген, 7 нче сентябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Дәрес Ленингад шәһәре халкының батырлыгы һәм ныклыгы турында, авыр вакытта да кешеләрнең кешелеклелек сыйфатларын һәм җиңүгә ышаныч саклап калулары турында иде. "Батырлык һәм хәтер. Ленинград блокадасы башлануына 85 ел" (1-5 сыйныф), "Николай Иванович Путилов" (6-11 сыйныф)дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.

Уважаемые родители и законные представители будущих первоклассников!

Приемная компания по зачислению в 1 класс на 2026-2027 учебный год продолжается.

С 6 июля 2026 года  начинается вторая волна по приему заявлений в первый класс

Заявления принимаются в следующие сроки:  с 6 июля по 5 сентября 2026 года – для детей, не проживающих на закрепленной за школой территории.