17 ноябрь көнне гимназиябезнең 7 сыйныф укучылары “Күн туп” (“Кожаный мяч”) – мәктәп футбол лигасы” бәйгесендә катнашып, III урынга лаек булдылар. Чара “Радиоприбор” клубында Казан шәһәре гомум белем бирү оешмалары арасында үткәрелде.

14 ноябрь көнне 5а сыйныфында юлларда сак йөрү, юл йөрү кагыйдәләрен төгәл үтәүгә багышланган сыйныф сәгате узды.  

Гимназия укучылары "Татарча диктант-2024" акциясендә катнашты

14 ноябрь көнне гимназиядә татар телендә грамоталылыкны тикшерү буенча бөтендөнья «Татарча диктант» акциясе башланып китте. Диктантны язуда 9 сыйныф укучылары үз көчләрен сынап карадылар.

Ел саен уздырыла торган "Татарча диктант" акциясе грамоталы язуны арттыруга, әдәби татар телен белүгә, орфографик һәм грамматик хаталарны үз-үзен тикшерүгә юнәлтелгән.

Акциядә катнашучылар диктант язуда бик тырыштылар һәм татар теле грамматикасы буенча яңа күнекмәләр алдылар.

14 ноябрь көнне гимназиябезнең баскетбол командасы «КЭС-БАСКЕТ» Мәктәп баскетбол лигасы чемпионатының район этабында катнашты. Бәйгедә Вахитов районыны мәктәпләре командалары актив көч сыныштылар.

Егетләребезгә уңышлар теләп калабыз!

13 ноябрь көнне гимназиябезнең 5-6 сыйныф укучылары шәһәркүләм «Кожаный мяч-Школьная футбольная лига» ярышының йомгаклау этабында катнаштылар. Чара «Радиоприбор» спорт клубында узды.

Укучы егетләребезгә алга таба да уңышлар телибез!

13 ноябрь көнне әдәбиятка кызыксыну уяту һәм дөньяга караш формалаштыру  максатыннан, 5А сыйныфы Советы “Әкияттә кунакта” исемле әдәби кунакханә үткәрде. Укучылар көзге каникул вакытында төрле китаплар укыдылар. Ә чара барышында бер-берсен һәм тамашачыларны шул китаплар, әсәрләр белән таныштырдылар. Бәйгедә сурәткә карап язучыны танырга, әсәрне рекламаларга, биремнәрне тиз һәм төгәл үтәргә кирәк иде. Укучылар өч командага бүленделәр һәм үзара көч сынаштылар.

Нәтиҗәләр түбәндәгечә билгеләнде:

1 урын - «Инквизиторы» командасы;

2 урын -  «Дом случайных фамилий» командасы;

3 урын -   «Мертвая царевна» командасы.

Укучыларга иҗади уңышлар телибез!

12 ноябрь көнне актлар залында 10-11 сыйныф укучылары өчен “Үзеңне куркыныч астына куйма” акциясе узды. Чара Юл һәлакәте корбаннарын искә алу көне кысаларында үткәрелде.

Акциядә "Юл хәрәкәте иминлеге" учреждениесе профилактика бүлегенең әйдәп баручы белгече Мозаффарова Зөлфия Вагизовна да катнашты. Ул юл-транспорт һәлакәте статистикасы турында мәгълүмат җиткерде. Шулай ук  балаларны үз тормышы һәм юл хәрәкәтендә катнашкан башка кешеләр тормышы өчен җаваплы булырга чакырды.

Укучыларга юл иминлеге турында видеоязмалар күрсәтелде.

Чара барышында “Юл йөрү кайдәләре балалар күзлегеннән” рәсем бәйгесенә йомгак ясалды. Зөлфия Вагыйзовна укучыларга бүләкләр тапшырды. Рәсем бәйгесенең район турына Малаткина Эльвинаның рәсеме җибәреләчәк.

Чара бер минут тыңлык белән тәмамланды. 

11 ноябрь көнне яшь шахматчыларның спорт осталыгын арттыру максатыннан 5-6 сыйныф укучылары арасында “Ак ладья” шахмат ярышы узды. Бәйгедә гимназиябез данын Бобров Б., Филоретов В., Кудряшов Н., Прокопишина И., Шамсутов К. яклады.

Укучыларга алга таба да фәнни-иҗади уңышлар телибез!

10 ноябрь көнне наркоманияне профилактикалау һәм сәламәт яшәү күнекмәләрен формалаштыру айлыгы кысаларында 3а сыйныфында “Сәламәтлек кадере” темасына сыйныф сәгате узды.

Укучылар сәламәт яшәү рәвеше, көндәлек режим, файдалы гадәтләр тулында фикер алыштылар.

Бүген, 10 нчы ноябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес И.В. Мичуринның 170 еллыгы, аның илебез һәм дөнья фәненә керткән өлеше, селекция һәм генетиканың әһәмияте, бу юнәлешкә караган фәннәр  турында иде.  “Селекция һәм генетика” дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.