14 февраль көнне 1б сыйныфы укучылары Алимов Хәлим һәм Абдуләхәтов Камил математика фәненнән "Эрудит" олимпиадасында актив катнаштылар.
Нәни укучыларыбызга алга таба да иҗади уңышлар, фәнни ачышлар телибез!

2-6 март көннәрендә шефлык итүче урта һәм югары сыйныф укучылары нәни укучыларга открыткалар ясау буенча мастер-класслар үткәрделәр.
Укучылар әниләренә, әбиләренә, апаларына бик матур котлау открыткалары, бүләкләр ясадылар.
Нәни укучыларга остаз абый-апалары белән бергәләп эшләү бик ошады.

2-6 март көннәрендә "Бөркетләрнең зур сәяхәте" проекты кысаларында башлагыч сыйныфларда "Бизәкле Марый сандыгы" исемле иҗади дәрес узды.
Чара барышында укучылар төбәкнең үзенчәлекләре, мәдәнияте, гореф-гадәтләре белән таныштылар, Марий Эл гербын рәсемгә төшереп, матур флаг ясадылар.

Бүген гимназиябездә Халыкара хатын-кызлар көненә багышланган радиоэфир узды.
Халыкара хатын-кызлар көне Алман коммунисткасы Клара Цеткин исеме белән дә бәйле. Ул хатын-кыз реформатор дип санала. Ул 1910 елда Халыкара хатын-кызлар конференциясендә бөтен дөньяда эшләүче хатын-кызлар бердәмлеге көнен гамәлгә кую тәкъдимен чыгара.
Россиядә хатын-кызлар көнен беренче тапкыр Петербургта 1913 елның 2 мартында билгеләп үтәләр.
Россиядә хатын-кызлар көне рәсми рәвештә 2002 елда РФ Дәүләт бәйрәмнәре исемлегенә кертелде.

Укучылар арасында Халыкара хатын-кызлар көненә багышланган бәйгеләр узды.
Урта һәм югары сыйныфларда “8 март белән, хөрмәтле укытучылар!” плакатлар һәм открыткалар бәйгеләре үткәрелде.
Укучылар берсеннән-берсе матур эшләр тапшырдылар.

28 февраль көнне гимназиябезнең 2 "Б" сыйныфы ата-аналар активы "Ата-аналар иминлек өчен" республика бәйгесендә катнашып, лауреат булдылар. Чара Казан шәһәре Идел буе районының 186 лицеенда үткәрелде.
2 "Б" сыйныфы коллективына зур рәхмәт белдерәбез! Уңышлар телибез!

27 февраль көнне "Бөркетләрнең зур сәяхәте" проекты кысаларында башлагыч сыйныфларда "Батырлар һәм атлар: башкорт рухы символлары" исемле иҗади дәрес узды.
Чара барышында укучылар төбәкнең үзенчәлекләре, мәдәнияте, гореф-гадәтләре, башкорт орнаментлары белән таныштылар,ат сурәтен милли бизәкләр белән бизәделәр, башкорт халык бөтиләре ясадылар.

23-27 февраль көннәрендә "Бөркетләрнең зур сәяхәте" проекты кысаларында башлагыч сыйныфларда "Батырлар һәм атлар: башкорт рухы символлары" исемле иҗади дәрес узды.
Чара барышында укучылар төбәкнең үзенчәлекләре, мәдәнияте, гореф-гадәтләре, башкорт орнаментлары белән таныштылар,ат сурәтен милли бизәкләр белән бизәделәр.

1 сыйныф җитәкчеләренә "Россия бөркетләре" эмблемасы төшерәлгән уникаль папка-сумка тапшырылды.

Бу бүләк укытучылар эшчәнлегендә бик яхшы өстәмә ярдәм һәм проектта актив катнашу өчен өстәмә стимул булачак.

Яңа папкалар укытучыларга файда китерсен, балаларны уңышларга һәм югары максатларга ирешүгә рухландырсын!

Ватанны саклаучылар көне уңаеннан "Алдынгылар хәрәкәте" активистлары - 6а сыйныфы укучылары, 2а сыйныфы белән берлектә открыткалар ясадылар.
Әтиләр һәм бабайлар өчен ясалган открыткаларга укучылар матур теләкләр, котлау сүзләре яздылар.