5-11 нче сыйныф укучылары үзләренә ошаган кандидатка тавыш бирделәр.

Сайлау нәтиҗәләре буенча Алдынгылар Советы Рәисе булып 8 "А" сыйныфы укучысы Нуретдинова Сания билгеләнде!

Чын күңелдән котлыйбыз! Алдынгылар Советы синең җитәкчелегеңдә күп кенә кызыклы һәм файдалы фикерләрне тормышка ашырыр дип ышанабыз. Сиңа актив, иҗади һәм ышанычлы, бердәм команда телибез!

Барлык кандидатларга да кыюлыклары, битараф булмаулары һәм җаваплылык алырга әзер булулары өчен зур рәхмәт белдерәбез!

Бүген, 23 нче сентябрь көнне, гимназиябездә Алдынгылар Советы рәисе сайлаулары узды. Анда 5-11 нче сыйныф егет һәм кызлары, укытучылар катнашты. Быел Алдынгылар Советы сайлаулары 4 нче тапкыр үткәрелде.
Ике атна дәвамында кандидатлар сайлау алды программаларын тәкъдим иттеләр.

Укучылар сайлаулары өлкәннәрнекеннән бернәрсә белән дә аерылмый. Комиссия әгъзалары мәктәп мөһере белән бюллетеньнәр әзерләгәннәр иде. Аларны салу өчен урна да куелды.

Сайлау нәтиҗәсендә иң күп тавыш җыйган кандидат Алдынгалар Советы рәисе булып билгеләнәчәк.

23 нче сентябрь көнне гимназиябез укучылары Вахитов районы гомум белем бирү оешмалары спартакиадасы кысаларында үткәрелгән җиңел атлетика кроссы буенча ярышларда актив катнаштылар.
Ярышлар укучыларны даими спорт белән шөгыльләнүгә җәлеп итүгә, аларның физик әзерлек дәрәҗәсен һәм спорт осталыгын күтәрүгә юнәлдерелгән иде.
Ярыш нәтиҗәләре буенча кызлар командасы 8 нче урын, ә егетләр командасы 11 урын яулады.

2 «А» сыйныфында «Россия бөркетләре» программасы буенча «Ничек лидер булырга?» темасына бик кызыклы дәрес үткәрелде. Балалар командада эшләүнең бергәләп эш башкару гына түгел, ә иң беренче чиратта дусларга терәк булу, башкаларны тыңлау һәм бергәләп максатларга ирешү сәләте икәнен аңладылар.
Дәрестә 2 нче сыйныф укучылары командада эшләргә, бурычларны бүлешергә һәм бергәләп проблемаларның чишелешен табарга өйрәнделәр.
Дәрес «Орлёнок‑Лидер» трегы кысаларында үтте - ул балаларга инициативаны үз кулыңа алырга, җаваплылык һәм командада эшләү күнекмәләрен үстерергә ярдәм итә.

21 нче сентябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды.

Дәресләр «Табигый һәм ясалма интеллект» (1–5 сыйныфлар), «Нурмагомед Гаджимагомедов һәм Василий Мирзоев» (6–11 сыйныфлар) темаларына үткәрелде.

Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.

Бүген, 16 сентябрь көнне, гимназиябезнең актлар залында Алдынгылар Советы рәисе сайлаулары кандидатларының дебатлары узды. Укучылар чара барышында гимназиябез үзидарәсенең киләчәге турындагы фикер алыштылар.
Быел сайлауларда 4 кандидат көч сынаша: 8 «А» сыйныфы укучысы Нуретдинова Сания, 8 «Б» сыйныфы укучысы Кошаев Аскар, 8 «В» сыйныфы укучысы Төхвәтуллина Райлә, 9 «Б» сыйныфы укучысы Нигъмәтҗанов Камил.
Катнашучыларның һәрберсе үзләренең сайлау алды программасын тәкъдим итте һәм мәктәп тормышын тагын да кызыклырак, файдалырак итү буенча үз идеяләре белән уртаклашты.

15 сентябрь көнне көзге «Игелеклелек атналыгы» кысаларында гимназиядә традицион хәйрия ярминкәсе узды.
Чара укучыларны, ата‑аналарны, укытучыларны һәм гимназия хезмәткәрләрен берләштерде.
Ярминкәдә кул эшләнмәләре, сувенирлар, канцелярия кирәк-яраклары, тәмле ашамлыклар һәм башка күп әйберләр тәкъдим ителде.
Хәйрия ярминкәсендә катнашучыларга чын күңелдән рәхмәт белдерәбез!

15 сентябрь көзге «Игелеклелек атналыгы»ның икенче көне «Тугры дусларга ярдәм итү көне» девизы астында узды.
Педагог‑оештыручы Хатыпова Алия Илдаровна 1 «Б» сыйныфында «Хайваннарга сакчыл мөнәсәбәт белдерәбез» темасына дәрес үткәрде.
Дәреснең максаты — балаларда тере организмнарга гуманистик мөнәсәбәт нигезләрен формалаштырырга ярдәм итү, эмпатияне үстерү.
Нәни укучылар хайваннарга ничек ярдәм итәргә мөмкин икәнлеген, аларның ничек яшәвен һәм саксыз мөнәсәбәт күрсәткәндә нинди проблемалар килеп чыгарга мәмкин булуын белделәр.

5 «Б» сыйныфы укучысы Хәев Кәрим «ката» дисциплинасында 3 урын, ә төркем составында 2 урынга лаек булды.
7 «Б» сыйныфы укучысы Федагин Даниил шәхси зачетта 2 урын һәм команда чыгышында 1 урын яулады!
Егетләрне лаеклы җиңүләре белән котлыйбыз, уңышлар телибез! Бу нәтиҗәләр зур казанышларның башлангычы булсын!

Бүген, 14 нче сентябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды.
1–5 нче сыйныф укучылары өчен үткәрелгән дәрес Россиянең граждан авиациясе үсеше һәм формалашу тарихына, аның күренекле казанышларына һәм илне үстерүдәге әһәмиятенә багышланган иде.
6–11 нче сыйныф укучылары өчен дәрес разведчик эшчәнлегенә, Ватанның иминлеген тәэмин итүдәге роленә багышланды.

Дәресләр «Иң беренче эш — очкычлар. Россиянең гражданлык авиациясе тарихы» (1–5 сыйныфлар) һәм «Рихард Зорге» (6–11 сыйныфлар) темаларына үткәрелде.

Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.