8 октябрь көнне 3б сыйныфы укучылары "Юл, әйдә дус булыйк" яшь инспекторлар республика фестиваленең муниципаль этабында катнаштылар.
Бәйгедә катнашу өчен укучылар "Бергәләп юл иминлеге өчен көрәшик" программасын әзерләделәр һәм видеоязма төшерделәр.

Өлкәннәр ункөнлеге кысаларында 5б сыйныфында "Хәтернең изге бурычы" исемле сыйныф сәгате узды. Укучылар әби-бабаларыбызның батырлыкларын истә тоту, ветераннарыбызга кадер-хөрмәт күрсәтү турында фикер алыштылар. Чарадан соң укучылар анкета тутырдылар.

Өлкәннәр декадасы кысаларында укучылар котлау открыткасы ясау буенча мастер-класста катнаштылар.Укытучы бәйрәм тарихы һәм аның традицияләре турында сөйләде.  Балалар бергәләп эшләделәр: алар үз эшләренә иң кадерле кешеләргә җылылык һәм мәхәббәт өлешләрен салдылар. Карточкалар ачык һәм төсле булып чыкты.

Дәрес барышында балалар үзләренең фантазияләрен күрсәттеләр һәм төрле котлау открыткалары ясадылар.

Бүген, 6 нчы октябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес укытучы һөнәренең әһәмияте, кеше тормышындагы роле, һөнәргә карата хөрмәт хисләре турында иде, «Нәрсә ул хөрмәт?» дип аталды.

6 нчы октябрь көнне,  тимер юл транспортында куркынычсызлык кульурасын булдыру максатыннан, Тимер юл вокзалына экскурсия оештырылды. Квест уены барышында укучылар үз белемнәрен тикшерделәр. Тимер юлга барып җитү өчен укучылар төрле биремнәр башкардылар. Укучылар үзләрен машинист, тимер юл хезмәткәре ролендә сынап карадылар.

Халыкара хайваннарны яклау көне уңаеннан гимназиябез укучылары "Минем сөйкемле дустым" акциясендә катнаштылар.
Дүрт аяклы дуслары белән төшкән фотоларын үзләренең социаль челтәрләренә урнаштырдылар.
Әлеге фотоларны сезгә дә тәкъдим итәбез.

Гимназиябез укучылары Халыкара укытучылар көненә багышланган котлау открыткалары ясадылар. Укытучыларга булган рәхмәт һәм хөрмәт хисләрен газеталарда чагылдырдылар.

Алдынгылар хәрәкәте Укытучылар көненә фотозона әзерләде. Көн дәвамында укытучылар, укучылар, гимназиябез хезмәткәрләре матур фотолар эшләделәр.
Шулай ук укучылар иртән-иртүк җыелышып, мөгаллимнәрне каршы алдылар, иң изге теләкләрен җиткерделәр.
Әлеге җанлы иртә көне буена җитәрлек яхшы бәйрәм кәефе бүләк итте. 

3 нче октябрь көнне Халыкара укытучылар көнен билгеләп үттек.
Укучылар видеокотлаулар, электрон открыткалар эшләделәр. Бүген радиода укытучыларга багышланган иң матур җырлар яңгырады.
Актлар залында бәйрәм концерты узды. Укучылар берсеннән-берсе матур шигырьләр сөйләделәр, җырлар җырладылар, кызыклы номерлар күрсәттеләр. Бүген сәхнәдән иң матур теләкләр укытучыларыбыз өчен яңгырады.
Укытучы һөнәре җир йөзендә иң изге һөнәрләрнең берсе. Нәкъ менә сез - укытучылар, тәрбиячеләр, балаларда мөстәкыйльлек, жаваплылык, илебезнең матур киләчәге өчен иҗади хезмәт итуче шәхесләр тәрбиялисез. Сезнең фидакарь хезмәтегез, югары һөнәри осталылыгыз, сабыр һәм ярдәмчел булуыгыз өчен тирән ихтирамыбызны белдерәбез.
Хөрмәтле укытучылар! Сезне ихластан һөнәри бәйрәмегез белән тәбрик итәбез! Сезгә исәнлек-саулык, тырыш укучылар, гаиләгезгә иминлек телибез. Сезнең хезмәт бәяләп бетергесез кирәкле, файдалы, җаваплы. Эшегездә зурдан-зур уңышлар юлдаш булсын!

Бүген, 2 октябрь көнне, гимназиябездә татар теле һәм әдәбияты укытучыларының шәһәр методик берләшмәсе утырышы узды.

Чарада татар теле һәм әдәбиятыннан контроль үлчәү материаллары төзүчеләр, берләшмә җитәкчеләре һәм укытучылар катнашты.

Чараны шәһәр мәгарифе идарәсе  методисты Раиф Кәримуллович Зиннәтуллин ачты.

Шулай ук гимназиябезнең укыту эшләре буенча директор урынбасары Чулпан Рәҗәповна Рамазанова  килгән кунакларны гимназия проектлары белән таныштырды.

Казан федераль университеты Филология һәм мәдәниятара багланышлар институтының гомуми тел белеме һәм тюркология кафедрасы доценты, филология фәннәре кандидаты һәм комиссия рәисе  Гөлназ Ринатовна Мөгътәсимова “Татар теленнән дәүләт йомгаклау имтиханнарын үткәрү үзенчәлекләре һәм нәтиҗәләр” темасына чыгыш ясады.

Семинарда 180 нче күп профильле полилингваль гимназиянең татар теле һәм әдәбияты укытучысы Илсөяр Хәйдәровна Вәлиева, 149 нчы лицей директоры урынбасары, татар теле һәм әдәбияты укытучысы Рафия Ринатовна Хөснетдинова да чыгыш ясадылар.

Семинар барышында 2025 елда үткәрелгән Төп дәүләт имтиханы, Бердәм республика имтиханнарына нәтиҗәләр ясалды.