Бүген мәктәптә парлы биюләр конкурсының икенче этабы - Латин Америкасы биюләре конкурсы үтте. Конкурсның әлеге этабына һәр сыйныф Латин Америкасының бер биюен әзерләгән. Ча-ча-ча, танго, джайв, румба, самба, кантри, биюләре безнең укучылар башкаруында бик матур килеп чыкты, костюмнары да бик матур, күз явын алырлык иде. Шулай итеп, конкурсның соңгы этабына старт бирелде, бу- парлы халык биюләре конкурсы. Нәтиҗәләр 3 нче этаптан соң ясалачак. Укучыларга, һәм аларны әзерләгән сыйныф җитәкчеләренә зур рәхмәт белдерәбез! Афәрин!

Бүген Ленинград блокадасының тулысынча азат ителүенә - 70 ел. Әлеге уңайдан мәктәптә "Батырлык дәресләре" үткәрелде. 1-2 нче сыйныфлар өчен әлеге дәресне 2 нче сыйныф җитәкчесе Мөхетдинова А.Н. үткәрде. Ул әзерләгән презентациядә шәһәр халкының ачлы-туклы яшәвен, "Дорога жизни" нәрсә аңлатканын, Таня Савичева көндәлеген күрергә була иде. 5 - 7 нче сыйныфлар өчен дәресне тарих укытучысы Габидуллина Г.И. үткәрде. Ул башта укучыларны Ленинград шәһәренең тарихы белән таныштырды, аннан соң "Секретные материалы" циклыннан "Освобождение" ("Азат ителү") документаль фильмын күрсәтте. Соңыннан фикер алышулар булды. Калган сыйныфларда шулай ук дәресләр үтте, аларны сыйныф җитәкчеләре үткәрде.

23 нче гныйнвар көнне, безнең мәктәптә 6 команда: Иске Чәчкаб, Кайбыч, Подберезье, Меми, Чүти, Бәрлебашы мәктәпләре командалары катнашында, 2002 елгы һәм аннан да яшьрәк укучылар арасында бадминтон ярышы узды. Әлеге ярыш, 1-2 урынны яулаучы командаларга югары лигада чыгыш ясау мөмкинлеге бирү өчен үткәрелде. Команда составында 4 укучы: 2 малай һәм 2 кыз. Безнең мәктәп командасында игезәк бертуганнар Рамил һәм Ранис Гаттаровлар шәхси беренчелектә 1-2 нче урыннарны яулап, командага 1 урын алып килделәр. Укучыларыбызны әлеге уңышлары белән кайнар котлыйбыз, аларга югары лигада сынатмауларын һәм яхшы нәтиҗәләр телибез!

Бүген мәктәптә барлык хезмәткәрләр белән "Охрана труда" буенча укуларның чираттагысы  уздырылды. Әлеге укулар, мәктәп хезмәткәрләренең куркынычсызлык кагыйдәләрен белү һәм үтәүләрен өйрәтү максатыннан үткәрелде. Укуларны мәктәп директоры Хәсәнов А.А. оештырды. Бүгенге тема электр куркынычсызлыгына багышланган иде. "Укучылар" ның белемнәре киләсе укулар вакытында махсус комиссия тикшерәчәк.

Мәктәбебездә "Игелек кыл" акциясе кысаларында тимурчылар  үз эшләрен дәвам итәләр. Авылыбызда ялгыз яшәп, ярдәмгә мохтаҗ булучылар күп түгел. Шулай да укучылар өлкәннәрнең өйләренә  хәлләрен белергә баралар.  Кыш көне исә карларын көриләр. Бу көннәрдә укучыларыбыз сыйныф җитәкчеләре белән берлектә үзләре шефлык иткән әби-бабайларга барып ишегалды, өй тирәләрен кардан чистарталар. 

Төп мәктәптә яңа стандартларга күчүгә әзерләнү максатыннан мәктәбебездә ачык дәресләр үткәрү, тәҗрибә уртаклашу дәвам итә. Бүген математика укытучысы Галиуллина А.С. 5 нче сыйныфта "Ялгыз һәм аралаш вакланмалар" темасына ачык дәрес үткәрде. Дәрес тема буенча белем һәм күнекмәләр бирү, фәнгә кызыксыну уяту, математик чаралар ярдәмендә бүгенге җәмгыятькә яраклашырдай шәхес тәрбияләү, әлеге фәннең тормышта әһәмиятен аңлауга юнәлеш бирүгә корылган иде. Дәрестә төрле метод берләшмә укытучылары катнашты. Дәрес бик эчтәлекле узды. Ахырдан дәрескә үзанализ һәм анализ ясалды. 

Сегодня в 7 классе, учительница русского языка и литературы Хасанова Э.Г. провела открытый урок русского языка на тему "Причастие. Значение и синтаксическая роль".  С целью подготовки внедрения новых стандартов в основной школе, урок был построен с учетом требований ФГОС. Совместно с обучающимися была сформулирована тема, цель урока, на каждом этапе урока проводилась рефлексия. Урок был нацелен на формирование УУД. Подводя итог был дан самоанализ и проведен анализ урока.

Бүген, мәктәбебезне тәмамлап үзебезгә кайткан яшь укытучыбыз - тарих укытучысы Габидуллина Гүзәл Илшат кызы 5 нче сыйныфта "Эллада Аллалары һәм геройлары" дигән темага яңа стандартлар буенча тарих фәненнән ачык дәрес үткәрде. Дәреснең максаты- укучыларны Элладаның борынгы Аллары һәм геройлары белән таныштыру, алар турында мифларны өйрәнү иде.  Дәрес эчтәлекле, методик яктан дөрес төзелгән, һәм бик кызыклы узды. Гүзәл Илшатовнага киләчәктә зур уңышлар телибез!

Кичә безнең мәктәптә 2 коллектив- "Ульянково төп мәктәбе" һәм безнең мәктәп коллективы кышкы спорт төрләре буенча ярышты. Әлеге ярышлар педагогларның кышкы спартакиадасының зона туры буларак үтте. Әлеге очрашуда 9 спорт төре буенча көч алыштык. Очрашу бик күңелле узды. 

Мәктәпнең еллык укыту-тәрбия планына таянып, бүген мәктәпкә "Кайбыч" полиция бүлекчәсенең балигъ булмаганнар белән эшләүче инспекторы Гомәрова Резедә Рифкать кызы укучылар белән очрашуга килде. Аерым башлангыч сыйныф һәм  5-9 сыйныф укучыларын җәмәгать урыннарында, мәктәптә  үз-үзләрен тиешле дәрәҗәдә тоту үзенчәлекләре белән таныштырды. Укучыларны аңлаешлы итеп РФ һәм ТР ның Законнары үтәргә өндәде.