Бүген, 1 нче сыйныф укытучысы Габидуллина Л.Ә математикадан "Кимүче. Киметүче. Аерма" дигән темага мәктәпкүләм ачык дәрес үткәрде. Әлеге дәрестә укучылар алуның компонентлары ничек аталуын белделәр, теманы, дәреснең максатын үзләре ачтылар. Ныгыту өлешендә мәсьәләләр эшләделәр. Укучылар дәрестә бик актив катнаштылар, укытучының сорауларына бик теләп җавап бирделәр. 

Мәктәбебездә волонтерлар отрядлары бар. Болар- 5 нче, 7 нче һәм 8 нче сыйныф укучылары. Алар, авылыбыздагы исән калган сугыш ветераннарына ярдәм күрсәтәләр, өйләренә барып  хәлләрен беләләр.  Хәрби-патриотик айлык кысаларында, бүген әлеге укучылар сыйныф җитәкчеләре белән берлектә ветераннарны бәйрәм белән котлап, хәлләрен белеп, күчтәнәчләрен тапшырып кайттылар. Әлеге бабайлар укучыларның килеп йөрүләренә бик шат,  мәктәп исеменә һәрдаим рәхмәт сүзләрен җиткереп торалар.

Мәктәптә узучы хәрби-патриотик айлык кысаларында, бүген "Аҗаган" хәрби-спорт уены узды. Әлеге уенда 4-9 нчы сыйныф укучылары катнашты. Оештыручысы физик тәрбия укытучысы- Хәсәнов И.Р.. Укучылар ике командага бүленеп ярыштылар, ике юнәлештән төрле биремнәр үтәп мәктәпкә килделәр. Биремнәр арасында яралыга беренче медицина ярдәме күрсәтү,   яралыны елга аша чыгару, газлы коридор аша үтү, җыр җырлау, "Сочи-2014" Олимпия уеннарының нәтиҗәләре турындагы сораулар да бар иде. Мәктәпкә килгәч командалар маршрут буенча флаг эзләргә чыгып киттеләр. Уенда ике команда да тигез очко җыйды, нәтиҗәдә дуслык җиңде!

"Җыр булырлык сүзләр биргән,

Туган телем рәхмәт сиңа!"

21 нче февраль- Халыкара Туган тел көненә багышланган кичә шундый исем астында үтте. Бу кичәдә мәктәпнең татар теле һәм әдәбияты укытучысы Гайнетдинова А.Г. укучыларны  шушы көннең килеп чыгу тарихы белән таныштырды, укучылар  туган телгә багышланган шигырьләр сөйләделәр, җырлар җырладылар. Туган телебез- татар теленең иң камил, бай тел икәнлегенә тагын бер тапкыр инандылар. 

Февраль - традиция буенча  мәктәптә хәрби-патриотик айлык буларак игълан ителде. Әлеге айлык кысаларында төрле чаралар планлаштырылды. Шуның чираттагысы бүген үтте.  Музыка укытучысы Хисамова Р.М. "Хорлар бәйге"сенә старт бирде. Аның максаты- укучыларны хор сәнгатенә җәлеп итү, коллективлык сыйфатлары тәрбияләү. Әлеге бәйгенең беренче этабы- Хәрби патриотик җырлар конкурсы. Шуңа бүген, мәктәп стеналары эчендә, патриотик - сугыш һәм батырлык турындагы җырлар яңгырады. Жюри катнашучыларның тышкы кыяфәтен, башкару сыйфатын исәпкә алып 1 нче этапка нәтиҗә ясады. "Сто дней до приказа" җырын башкарып 5 нче сыйныф укучылары - 1 нче урын, "Солдатта булган диләр" җыры белән 2 нче сыйныфлар - 2 нче урын, "Герман көе" җыры белән 3 нче сыйныфлар - 3 нче баскычны яуладылар. Укучыларга киләсе этапларда да зур уңышлар телибез!

12 нче февраль көнне МБГБУ "Олы Кайбыч урта гомумбелем бирү  мәктәбе"ндә "Ел укытучысы-2014" конкурсының зона ярышлары узды. Безнең мәктәптән әлеге конкурста башлангыч сыйныф укытучысы Булатова Гөлия Алкиновна катнашты. Укытучы, жюри каршында, үзенең укучылары белән әдәби уку дәресеннән "Матурлык" әсәренә анализ, "Нәрсә ярый, нәрсә ярамый" темасына ачык сыйныф сәгате уздырып, уңышлы чыгыш ясады. 

Бүген мәктәбебездә 2 нче  сыйныфларның   АВС ягъни инглиз әлифбасы бәйрәме  узды.  Әлеге чараны инглиз теле укытучысы Насретдинова А.Г. оештырды. Бәйрәм шигырьләр, җырлар, төрле бәйгеләр  белән үрелеп барды. 2 сыйныф укучылары әле инглиз телен өйрәнә генә башласалар да, бер дә югалып калмады, бик актив   һәм җитез булды. Бәйгенең җиңүчесе булып, инглиз телен яхшы үзләштерә башлаган укучы – Сәйфетдинова Зәринә танылды. Укучылар күңелле ял итте, грамоталар белән бүләкләнде.

Бүген, 7 нче сыйныф җитәкчесе Хәсәнова Э.Г., үзе җитәкләгән сыйныфта традициягә әйләнгән чараны- "Гаилә бәйрәме"н үткәрде. Әлеге чараны укытучы, һәр чыгарылышы белән ел саен үткәрә. 5 укучының әти- әнисе зур теләк белән бүген дә мәктәпкә җыелдылар. Араларында 2 генә әни юк, аларының да сәбәпләре җитди- яңа туган балаларын калдыра алмыйлар. Чараның беренче өлеше эшлекле өлеш булды  - сыйныф җитәкчесе методик доклад белән чыгыш ясады, икенче өлешендә исә, тәрбияви мәгънәгә ия булган уеннар үткәрелде. Укучылар музыкаль номерлар белән чыгыш ясадылар, Шулай ук, укучыларның  кичләрен гаиләдә эшләнгән кул эшләреннән күргәзмә дә оештырылган иде.

Бүген мәктәбебездә, 1 нче сыйныфларның зур бәйрәме- "Әлифба бәйрәме узды".  Әлеге бәйрәм укучылар әлифба китабын тәмамлаганнан соң, һәр елны үткәрелә. Быел, укучылар әлеге бәйрәмгә нык әзерләнеп, сары автобуска утырып килделәр. Тукталышларда төрле биремнәр үтәделәр: белемнәрен тикшерделәр, җырладылар, шигырьләр сөйләделәр. Әлеге чарада әниләре дә катнашты, алар "Әниләр тукталышы"нда төрле сорауларга җавап бирделәр, балаларга бүләкләр дә әзерләгәннәр иде. Сыйныф җитәкчеләре Габидуллина Л.Ә. әлеге чараны бик күңелле итеп оештырды. 

Бүген мәктәбебезнең укытучылар һәм укучылар коллективы,  Россиякүләм "Чаңгы юллары-2014" акциясе кысаларында чаңгы ярышларында катнашты.