Бүген 4 укучыбыз, укытучыларның август конференциясе кысаларында уздырылган, мәктәп формалары күргәзмәсендә катнашып кайттылар. Алар әлеге күргәзмәдә безнең мәктәпнең укучылар өчен сайланган формалары белән таныштырдылар.  

1 сентябрь - Белем бәйрәменә әзерлекне башлап җибәрдек. Бу уку елында мәктәбебез тагын 5 укучыга тулыланырга тора. Алар белән җырлар, шигырьләр өйрәнәбез. Нәниләр репитицияләргә бик теләп йөриләр.

Мәктәп бакчасы балаларның шат тавышыннан тынып тормый. Биредә һәр көнне эш кайный. Хәзер чират 5 нче сыйныфка күчкән укучыларда. Алар бүген кишер чүбен утыйлар. 

Мәктәбебездә ремонт дәвам итә. Быел без зур эшкә керештек - спорт залын ремонтлыйбыз. Тәбәләрен агарттык, инде хәзер кем стена, кем тәрәзә ә кемдер идәннәрен буйый. Әлеге эшне төгәлләгәннән соң сыйныф бүлмәләрен ремонтларга керешербез. 

Кичә "Чишмәкәй" лагере үз эшен тәмамлады. Балалар әлеге көн уңаеннан зур концерт куйдылар, аннан соң сабантуй уеннарында катнаштылар. 3 сәгатькә сузылган әлеге уеннардан укучылар бик кәнагать калдылар. Соңыннан линейка булды, лагерь эшчәнлегенә гомуми нәтиҗәләр ясалды.  "Хыял" отряды 2 балл аерма белән "Дуслык" командасыннан өстен чыкты. 

25 июнь көнне мәктәбебез канат ярган 2 укучысын олы юлга озатты. 1 егет һәм кызыбыз, имтиханнарын уңышлы гына тапшырып, кулларына төп мәктәпне тәмамлау турындагы өлгергәнлек аттестаты алды. Әлеге кичәдә әти-әниләр, укытучылар һәм районнан килгән вәкил - архив бүлеге мөдире Хәйруллина Әлмирә Габделхәй кызы катнашты.  

25 июнь көнне «КОРСТОН” да математика елын йомгаклау тантанасы булды . Монда узган 2013-2014 нче уку елы – математика елында эшләнгән эшләргә нәтиҗә ясалды, лаеклылар бүләкләнде. Безнең мәктәптән математика укытучысы Галиуллина А.С. катнашты. Ул укытучыларның икенче дистанцион олимпиадасы призеры дипломы алды.

Бүген безнең укучылар кызыклы сәфәргә чыктылар - Буа шәһәренә күңел ачырга бардылар. Иң элек "Арктика" боз сараенда шугалакта шудылар, аннан соң бассейнга су коенырга керделәр. Әлеге сәфәр укучылар күңелендә озакка сакланыр әле.

Бүген безнең "Чишмәкәй"дә "Әкиятләр дөньясы" на сәяхәт оештырылды. Көн дәвамында,  әкиятләр турында КВН, "Һәр рәсемдә әкият" дигән темага рәсемнәр конкурсы үткәрелде. Әлеге көнгә нәтиҗә ясап, ике команда "Өч кыз", "Доктор Айболит", "Кәҗә бәтиләре" әкиятләрен сәхнәләштереп күрсәтте. 

Бүгенге көн, Совет илендә яшәүче һәркемнең күңелендә канлы хәрефләр белән язылып сакланадыр  мөгаен. 1941 елның матур җәй иртәсендә немец фашистлары туган илебез туфрагында шакшы эзләрен калдыра. Әлеге датаны без дә - бүгенге Рәсәйдә яшәүчеләр дә онытырга тиеш түгелбез. Әлеге уңайдан мәктәбебездә төрле чаралар оештырыла, мәсәлән,  "Чишмәкәй" лагерена йөрүче балалар сугыш ветераны Газулла абый Хәмидуллин янына очрашуга барып,  ветеранның сугыш башланган көн һәм сугыш турындагы хатирәләре белән кызыксындылар. .