Укучыларыбызның  ГТО нормаларын тапшыруы дәвам итә. Әлеге нормаларны укучылар физик тәрбия дәресләрендә генә түгел, тәнәфесләрдә дә тапшыралар. Спорт залы буш булмаганда коридорда да эшләргә туры килә хәтта!

20 ноябрь - Бөтендөнья бала хокукларын яклау көне. Әлеге көн уңаеннан сыйныфларда тәрбия сәгатьләре үткәрелде. 1, 3 нче сыйныфлардагы тәрбия сәгате "Минем хокукларым - минем бурычларым" дигән исем астында узды. Сыйныф җитәкчесе Мөхетдинова А.Н. әлеге чараны уен-әңгәмә формасында оештырган иде. Дәресне йомгаклап укучылар рәсемнәр  ясадылар.

Бүген бездә парламент дәресе үтте. Дәресне тарих һәм җәмгыять белеме укытучысы Габидуллина Г.И. оештырды. Әлеге дәрес, Татарстан Дәүләт Советының 20 еллыгына багышланып  "Парламент дәресе- Законнар биредә туа" дигән тема астында, 7-8 нче сыйныф укучылары өчен әзерләнгән иде. Гүзәл Илшатовна укучыларны Татарстан Дәүләт Советының тарихы, структурасы һәм эшчәнлеге белән таныштырды. Чара ахырында Дәүләт Советы бинасына виртуаль экскурсия оештырылды. 

Быелгы уку елыннан мәктәбебездә, мәктәптән тыш эшләр үзәге "Э.К.О." түгәрәкләре - "Оригами" (җитәкчесе Шакирова Р.М) һәм "Крючок белән бәйләү" (җитәкчесе Шәмсетдинова Ф.Г) эшләп киләләр. Әлеге түгәрәкләргә укучылар бик теләп йөриләр. Әле ике генә ай шөгыльләнсәләр дә эшләгән эшләре шактый җыелган. Шимбә көнне үткәрелгән ата-аналар җыелышында укучыларның эшләгән эшләреннән күргәзмә оештырдык. Әти-әниләр балаларының башкарган эшләреннән кәнагать  калдылар, түгәрәк җитәкчеләренә рәхмәт сүзләрен әйтеп киттеләр. 

Уку елының 3 нче ае дәвам итә. Әлеге 3 ай эчендә, шимбә көнне безнең мәктәпкә 3 нче кубок кайтты. Бу юлы 2003 нче һәм аннан да яшьрәк укучылар арасында район беренчелегән үткән баскетбол ярышларындагы җиңүебез өчен. Олы Кайбыч урта мәктәбендә 15 нче ноябрь көнне үткәрелгән ярышларда 7 команда катнашты, безнең команданы тулы составта 5 нче сыйныф укучылары тәкъдим иттеләр. Сибгатуллин Рәсим "Иң яхшы уенчы" буларак аерым кубок белән бүләкләнде.  Укучыларның яхшы әзерлеге өчен физик тәрбия укытучылар Хәйретдинова Лилия Рифкать кызы һәм Хәсәнов Илнур Рафаил улына, укучыларның үзләренә зур рәхмәтләребезне белдерәбез, һәм яңа җиңүләр көтеп калабыз.

Бүген мәктәптә 1 нче чирек нәтиҗәләре буенча мәктәпкүләм ата-аналар җыелышы узды. Иң элек җыелышка килгән ата-аналар, балалары укыган сыйныфларда сыйныф җитәкчеләре, фән укытучылары белән очрашып балаларның белемнәре һәм тәрбияләре буенча төрле киңәшләр алдылар. Сыйныф җитәкчеләре "Путь к успеху"  программасы буенча анкеталар үткәрделәр. Аннан соң мәктәпкүләм җыелышка җыелдык. Биредә "Аралашу культурасы. Ата-ана белән баланың аралашуы - тәрбиянең уңышлы бер шарты" дигән темага методик доклад белән 7 нче сыйныф җитәкчесе Гайнетдинова А.Г. чыгыш ясады. Директор, мәктәп завучлары да төрле мәсьәләләр белән ата-аналар алдында чыгыш ясадылар.

Мзктәптә укучыларның ГТО нормаларын тапшыру буенча максатчан эш алып барыла. Каникулдан килгәннән соң беренче эш итеп укучылар әлеге нормаларны тапшыра башладылар. Кичә башлангыч сыйныф укучылары, ә бүген исә 5-9 нчы сыйныф кызлары үзләренә тиешле нормативларны тапшырды. 

2 нче ноябрь көнне Олы Кайбыч авылында 2003 нче елгы һәм аннан да яшьрәк укучылар арасында шахмат буенча ярышлар узды. Кайбыч районы беренчелегенә узган шәхси команда ярышларында 11 команда катнашты. Мәктәбебез данын 4 нче сыйныф укучысы Хәсәнов Баязит һәм 5 нче сыйныф укучысы Гаттаров Рамил яклады. Укучыларыбыз әлеге ярыштан зур җиңү белән кайттылар. Хәсәнов Баязит - 1 нче урын, ә Гаттаров Рамил Баязитка гына оттырып -2 нче урынга лаек булып, кубокны безнең мәктәпкә алып кайттылар. Афәрин укучылар! Без сезнең белән горурланабыз!

Көзге каникуллар дәвамында мәктәбебез укучылар тавышыннан тынып тормады. Каникулларга планлаштырылган чаралар график буенча үткәрелә торды. 7, 8 нче ноябрь көннәрендә 9 нчы сыйныф укучылары рус теле һәм математикадан мәктәп эчендә пробный ОГЭ (ТДИ) тапшырдылар. Әлеге сынаулар барлык шартларын китереп, реаль имтихан форматында үтте. 

6 нчы ноябрь - Татарстан Конституциясе көне. Әлеге дата уңаеннан, 7- 8 нче ноябрь көннәрендә мәктәптә чаралар үткәрелде. Тарих һәм җәмгыять укытучысы Габидуллина Г.И. укучыларга әлеге көннең Республикабыз өчен әһәмиятен, төп Законнарның мәгънәсен  аңлатып чыкты. Ахырдан бергәләшеп Татарстан Дәүләт Советында виртуаль экскурсиядә йөрделәр.