Мәктәпнең өлкән сыйныф укучылары бүген “Чиста яр”- “Чистый берег”  акциясендә катнаштылар. Тирә-юнебезне чистартуга үзләреннән өлеш керттеләр. Алар Кошман суы елгасы һәм күл ярларыннан чүп-чарлар җыйдылар. 

Бүген мәктәптә чираттагы ремонт эшләре башланды.

 Бүген бездә 9 нчы сыйныф укучыларына аттестатлар тапшыру тантанасы булды. Тантанада әти-әниләр, укытучылар, район вәкилләре, авыл җирлеге башлыгы катнашты. Мәктәп еллары һәр кешенең тормышында иң истәлекле, иң кадерле, иң бәхетле еллар булып истә кала. Укучыларның тормышы, тәртибе һәм укуы өчен янып-көеп йөрүче, һәр адымнарын күзәтеп, ялгышлардан саклаучы, балаларының шатлык-борчуларын бүлешеп яшәгән әти-әниләр өчен дә, якты кояш кебек, күңелләрне назлап җылыткан, авыр чакта ярдәм кулы сузган, сабыр сүзе белән юаткан укытучылар өчен дә.Мәктәбебезнең чыгарылыш укучылары - җаваплы, мөстәкыйль фикерле 3 егет. Аларны без чын күңелебездән мәктәпне уңышлы тәмамлап чыгулары белән котлыйбыз, саулык-сәламәтлек, уңышлар телибез!

Бүген лагерьның 20 нче көне. Иртәгә лагерь үзенең эшен туктата. Шуңа да балалар белән бүген тәрбиячеләр Сабан туе үткәрделәр. Ял итүче балаларыбыз татар милли уеннарда бик актив катнаштылар. Бүләкләр дә беркемне дә битараф калдырмады. 

Бүген лагерьга йөрүче балалар Кошман авылындагы Искәндәр чишмәсенә сәяхәткә бардылар, әлеге чишмәнең килеп чыгу тарихын тыңладылар, тирә-ягын җыйдылар. Төшке аштан соң хәрәкәтле уеннар оештырылды, балалар бик яратып татарча мультфильмнар карадылар.

Бүген "Кояшкай" ял лагерена йөрүчеләр суда куркынычсызлык кагыйдәләре буенча инсруктаж үтте. Шулай ук ял итүчеләр тәрбиячеләр белән бергәләп китапларны "дәваладылар".

Хәтер һәм искә алу көнендә лагерьда ял итүчеләр сугышта катнашучылар хөрмәтенә салынган һәйкәлгә веноклар, чәчәкләр куйдылар. Сугышта һәлак булганнарны искә алып 1 минутлык тынлык оештырылды. Аннан соң алар сугыш ветераны Җиһаншин Хәсән, тыл ветераннары Шәрәфиев Мансур, Шәрәфиева Сахара белән очраштылар. Ветераннар балаларга сугыш башланган көн, сугыштагы михнәтләр турында сөйләделәр. 

Лагерьда балалар ял итеп һәм уйнап кына калмый, шул ук вакытта төрле яклап белем ала, аларның дөньяга карата булган күзаллаулары да үсә, киңәя. Бүген дә менә алар белән "Дару үләннәренең шифасы" темасына әңгәмә үткәрелде, үги ана яфраклары җыелды. Шулай ук балалар Кошман авылындагы мәдрәсәгә бардылар. Мөслимә ханым алар белән "Ислам сәламәтлек сагында" темасына әхлакъ дәресе үткәрде. Төшке аштан соң исә, "Гүзәллекне күр әле" дигән рәсем конкурсы булды.

Кайбыч районы мәдәният йортына Казан дәүләт "Әкият" курчак театры алып килгән  "По  щучьему велению" спектаклен балалар бик яратып карадылар, үзләренә рухи байлык алдылар.

Бүген лагерьга йөрүче балалар Кайбычыбыз сандугачы Галия Кайбицкая музеена экскурсия ясадылар. Музей директоры Сафина Эльмира үткәргән музей буенча сәяхәт балаларга бик ошады.