Бүген мәктәптә 8-9 сыйныф укучылары өчен "Мәктәпләрдә наркоманияне профилактикалау" исеме астында Бөтенроссия интернет-дәресе үткәрелде. Дәрес барышын уку-укыту буенча директор урынбасары Садриева Р.З. оештырды. Дәрестә шулай ук укытучылар да катнашты. Әлеге чараның максаты: үсеп килүче яшь буынны 21 нче гасыр афәте булган куркыныч чирдән - наркоманиядән саклау, наркотикларга карата тискәре караш тәрбияләү һәм сәламәт яшәү рәвешен алып барырга өндәү.

Бүген мәктәбебезнең 4-9 нчы сыйныф укучылары инглиз теленнән Бөтенросиия фән олимпиадаларының мәктәп этабы эшләренең язмача өлешен башкардылар. Иртәгә, 28 сентябрь көнне әлеге фән буенча олимпиада телдән үткәреләчәк. Укучыларга уңышлар теләп калабыз!

Бүген мәктәп яны участогында кишер уңышын җыеп алу оештырылды. Укучыларның, укытучыларның  һәм мәктәп хезмәткәрләренең җәй буе тырышып куйган хезмәтенең нәтиҗәсе дә сөенерлек: кишер уңышы мул булды.

Бүген мәктәптә һәр атнадагыча иртәнге линейка уздырылды. Дежур сыйныф укучыларының атналык отчетын тынлаганнан соң, мәктәп директоры Хәмидуллин И.И. "Милләтләр кроссы - 2016" бәйгесендә җиңү яулаган укучыларны тагын бер кат котлап, аларга грамоталар тапшырды. Шулай ук иртәнге линейкада укучылар киләсе атнада үткәреләчәк чаралар һәм планнар белән таныштырылды, район һәм республика күләмендә үткәрелеп килүче конкурсларда актив катнашырга чакырылды.

Мәктәптә 19 сентябрьдән-25 нче сентябрьгә кадәр профсоюз атналыгы узды. 19 сентябрь көнне сайлауларны актив  уздыруда катнашкан профсоюз активы белән очрашу уздырылды. 24 сентябрь көнне җәмгыять белеме укытучысы Вилданова Л.Х. “Хезмәт: хокукмы әллә бурычмы”, “Балигъ булмаганнарның хезмәткә хокуклары” дигән темага профсоюз дәресләре уздырды. 26 нчы сентябрь көнне “XXI нче гасырда лаеклы хезмәт” темасына профсоюз әгъзалары белән җыелыш узды. Җыелышны Хәмидуллин И.И алып барды.

Бүген, 24 сентябрь көнне мәктәптә Бөтенрәсәй йөгереш көне – “Милләтләр кроссы - 2016” узды. Мәктәбебезнең барлык укучылары, укытучылары һәм хезмәткәрләре дә ярышта бик теләп катнашты. Әлеге чара ГТО нормативларын тапшыруга әзерлек эшләрен дә үз эченә ала. Кросста катнашучылар ике төркемгә бүленеп, кызлар-малайлар арасында аерым бәяләнде. Җиңү яулаучы укучылар: кече сыйныфлар арасында 1 урын - Самигуллин И. һәм Сираҗиева Г., 2 урын - Сабиров И. һәм Насретдинова А., 3 урын - Садриев Г. һәм Гиниятуллина А.; өлкән сыйныфлар арасында 1 урын - Садриев С. һәм Хайруллина А., 2 урын - Саттаров А., Хикматуллина К. һәм Шамсутдинова К., 3 урын - Мотыйгуллин Б. һәм Әхмәтшина А. Котлыйбыз!

Кичә, 21 сентябрь көнне 4 - 9 нчы сыйныф укучылары математика буенча россиякүләм үткәрелүче фән олимпиадаларының мәктәп этабы эшләрен башкардылар. Бүген исә 7-9 сыйныфлар физика фәненнән шундый ук олимпиада биремнәрен эшләделәр.

Бүген мәктәпләрдә 2016-2017 уку елында укучылар арасында үткәрелүче росииякүләм фән олимпиадаларының мәктәп этабы башланып китте. Мәктәбебезнең 5-9 сыйныф укучылары тарих фәненнән олимпиада эшен башкардылар.

22 август - 22 сентябрь вакыт аралыгында Татарстанда "Куркынычсыз тимер юл" айлыгы бара. Тимер юл һәм вокзаллардан ерак яшәсәк тә куркынычсызлык кагыйдәлерен белеп тору һәм төгәл үтәү үзебез һәм балалар өчен бик мөһим, чөнки яшүсмерләр арасында тимер юл объектларында тән җәрәхәтләре алу һәм үлем очраклары елдан-ел арта бара. Шушы уңайдан бүген укучыларга әлеге мәсьәлә буенча аңлату эшләре алып барылды, сыйныфларга куркынычсызлык кагыйдәләре язылган памяткалар таратылды. Үзебезнең һәм якыннарыбызның сәламәтлегенә, тормышына игътибарлы булсак иде!