Яшүсмер чак – кеше тормышындагы иң актив чор. Тормыш тәҗрибәсе җитмәү, җинаять җаваплыгын, законнарны белмәү еш кына үз-үзеңне кулда тота алмау да үтә аяныч нәтиҗәләргә китерергә мөмкин. Ә хокук тәртибен бозганда закон нигезендә җавап бирергә туры киләчәк. Шушыларны аңлату максатыннан 6-7 нче класс укучылары  белән "Яшүсмерләрнең хокук бозулар өчен җаваплылыгы"  темасына класс сәгате үткәрелде.

Мәктәптә көрәш, волейбол  түгәрәкләре актив һәм нәтиҗәле эшли. Яшь көрәшчеләребез барлык ярышларда да актив катнашалар һәм призлы урыннар алалар. Бәйрәм уңаеннан мәктәп спортзалында хатын-кызлар арасында уздырылган волейбол ярышында кызларыбыз да матур нәтиҗәләр күрсәтте. Иртәнге линейкада 11 нче март көнне көрәш ярышында катнашып,  мәктәп данын яклаган 13 көрәшче егетебез һәм волейболчы кызларыбыз бүләкләнде.

Бүген 9 нчы класс укучылары өчен география фәненнән белемнәрен тикшереп карау максатыннан сынау имтиханы уздырылды.

Урта Курса мәдәният йортында узган “Тормыш яме – әнкәй, хатын-кыз” дип исемләнгән очрашу кичәсендә мәктәбебез укучылары да катнашты һәм кызларыбыз яраткан биюләре белән чыгыш ясадылар. 

9, 10 марта наш учитель русского языка и литературы, Зайнуллина Фильсина Габдулхаевна, участвовала на Ежегодной  стратегической  сессии Университета Талантов и партнеров - "А-Форум"е, где соорганизаторы вместе спроектировали  дорожные карты реализации всех проектов и мероприятий Госпрограммы, «упаковали» технологии и продукты и прошли  первый модуль обучения Курса «Управление продюсированием талантов».

Бүген чыгарылыш класс укучылары белән очрашуга Арча агросәнәгать көллиятенең филиалы җитәкчесе Хидиятуллин Р.Т. килде. Ул укучыларны уку йортына керү тәртибе, шартлары белән тулы итеп таныштырды.

Ана! Әни! Нинди бөек исем! Дөньяда әниләрдән дә газиз, изге зат юктыр. Әни -  һәрбер кеше өчен дә иң кадерле, иң яхшы, иң матур, гомумән, тормышта иң-иң әһәмиятле кеше. Бүген 3 нче класс укучылары (кл. җитәкчесе - Насыйбуллина Ф.К.) үзләренең әниләрен бәйрәм кичәсенә чакырдылар, аларга матур шигырьләр сөйләделәр, җырлар җырладылар, матур теләкләрен җиткерделәр.  Әниләр үзләре дә төрле конкурсларда катнаштылар. 

Бүген Сарай-Чокырча башлангыч мәктәбендә “Гаилә бәйрәме” узды. Гаилә учагы – иң җылы учак. Ул – безнең таянычыбыз, ышанычлы сыеныр урыныбыз. Балалар әти-әниләре белән бергәләп төрле уеннар уйнады, ярышты,аларга үзләре ясаган бүләкләрне тапшырды. Бүгенге көн мәктәп тарихында матур мизгелләре белән истә калды.

Нигә бүген мәктәптә

Бик күңелле һәм ямьле?

Чөнки безгә кунакка

Әти-әниләр килде.