Куркынычсызлык кагыйдәләрен өйрәнүебезне дәвам итәбез - буген көнебезне эвакуация темасына багышладык. Укучылар янгын вакытындагы куркынычсызлык кагыйдәләрен искә төшерделәр, командаларга бүленеп темага кагылышлы ярыш үткәрелде. Көн күңелле һәм файдалы үтте.

3 июнь көнне лагеребездә юл йөрү кагыйдәләрен өйрәнү буенча “Юлда бул өлгер, юл кагыйдәләрен бел!” дигән уен – ярыш кичәсе үткәрелде.  Юл кагыйдәләре, юлдагы билгеләр турында сөйләшенде, укучыларның юлда йөрү кагыйдәләрен ничек белүләре тикшерелде, төрле-төрле кызыклы уенннар уйналды.  

"Кояшкай" лагере  үз эшен дәвам итә. Бүгенге көнебез "Минем кече Ватаным" темасы астында узды. Шушы форсаттан файдаланып, укучылар әйдәманнары белән авылыбыз буйлап экскурсиягә чыктылар. Экскурсия азагында укучылар гадәти тыелган авылыбызның  без игътибар итеп бетермәгән гүзәл урыннары да бик күп икән дигән нәтиҗәгә килделәр. Көн кызыклы уеннар, лагерь плакатлары әзерләү белән үрелеп барды. Бүгенге көннән барлык укучылар да канәгать калдылар.

1 июнь - Балаларны халыкара яклау көне. Бу көн уңаеннан мәктәбебездә лагерьга йөрүче укучылар белән "Бәхетле безнең балачак" кичәсе үткәрелде. Кичәне авыл китапханәсе мөдире Гайнуллина Алия Т. оештырды. Ул әдәби сәяхәт формасында барды. Укучылар табышмаклар чиштеләр, шигырьләр укыдылар, "Әкәмәт мәйданчык" китап күргәзмәсендәге яңа нәшер ителгән китаплар белән таныштылар. Актив укучыларга бүләкләр бирелде. Кичә бик җанлы үтте. 

     Җәй - иң күңелле, сәяхәтләргә бай вакыт. Менә бүген - Балаларны яклау көне уңаеннан Сарай-Чокырча башлангыч мәктәбе укучылары да велосипедлар белән сәяхәткә чыктылар. Туган як табигатенең гүзәллегенә сокланып, укучылар бу сәяхәттән бик канәгать калдылар.

Бүген башлангыч класс укучылары һәм аларның  класс җитәкчеләре Тукай - Кырлайда музейда булдылар. Биредә аларны Тукай әкиятләре геройлары каршы алдылар. Укучылар музей-комплекста экспонатларны күзәттеләр һәм фильм карадылар. Экскурсия эчтәлекле узды.

29 май көнне башлангыч сыйныф укучылары Казан шәһәренә сәяхәткә барды. Казан - зур, матур, күпмилләтле шәһәр, заманча . Шәһәр истәлекле урыннарга бай. Укучылар кинотеатрда "Трио в перьях" мультфильмы карадылар, Бауман урамындагы истәлекле урыннар белән таныштылар, метро белән Казан Кремленә бардылар, андагы тарихи урыннарга сәяхәт кылдылар. Сәяхәт балаларга бик ошады.

7 сыйныф укучылары класс җитәкчесе Солтанова И.А. һәм укытучы Бохараева Р.И. белән Казан шәһәренә бардылар. Укучылар Казан Кремле, Кол Шәриф мәчетендә, музейда булдылар, шәһәрнең истәлекле урыннарына сәяхәт кылдылар, кино карадылар. 

Соңгы вакытта мәктәп бакчасында эш аеруча күп. Укучылар технология дәресләрендә мәктәп бакчасын тәртипкә китерәләр, чәчәкләр утырту өчен җир әзерлиләр.

Бүген 1-4 нче,  6 нчы класс укучылары класс җитәкчеләре белән берлектә табигатькә чыктылар. Аларга куркынычсызлык кагыйдәләре искәртелде, куллар куйдырылды. Күңелле поход һәркемнең күңелендә матур тәэсирләр калдырды.