Бүгенге көнебез "Рекордлар көне" исеме астында үтте. Укучыларга төрле кызыклы рекордлар куйган кешеләр турында сөйләнелде, видео-язмалар күрсәтелде. Төшке аштан соң укучылар үзләре дә скакалкаларда сикереп рекорд куярга тырыштылар. Нәтиҗәдә кызлар арасыннан беренче урынны Бикбаева Айзилә, ә малайлар арасыннан Камалиев Раяз алды. Аларны котлыйбыз!

5 июнь көнне лагерьда сәламәтлек минутлары үтте. Укучылар белән тешләрнең сәламәтлеге, теш авыруларының сәбәпләре турында әңгәмә оештырылды, тешләрне саклау буенча киңәшләр бирелде. Аннан соң укучылар "Дөнья тирәли" сәяхәткә кузгалды. Евразия материгының Түбән Курса авылы буенча сәяхәт укучыларга аеруча ошады. Төшке аштан соң "Җырлыйк әле" конкурсы үтте. Барлык укучылар актив катнашып үзләренең җырга сәләтләрен күрсәтергә тырыштылар. Конкурсның җиңүчесе - мәктәбебез сандугачы Закирҗанов Кәрим. Котлыйбыз!

Куркынычсызлык кагыйдәләрен өйрәнүебезне дәвам итәбез - буген көнебезне эвакуация темасына багышладык. Укучылар янгын вакытындагы куркынычсызлык кагыйдәләрен искә төшерделәр, командаларга бүленеп темага кагылышлы ярыш үткәрелде. Көн күңелле һәм файдалы үтте.

3 июнь көнне лагеребездә юл йөрү кагыйдәләрен өйрәнү буенча “Юлда бул өлгер, юл кагыйдәләрен бел!” дигән уен – ярыш кичәсе үткәрелде.  Юл кагыйдәләре, юлдагы билгеләр турында сөйләшенде, укучыларның юлда йөрү кагыйдәләрен ничек белүләре тикшерелде, төрле-төрле кызыклы уенннар уйналды.  

"Кояшкай" лагере  үз эшен дәвам итә. Бүгенге көнебез "Минем кече Ватаным" темасы астында узды. Шушы форсаттан файдаланып, укучылар әйдәманнары белән авылыбыз буйлап экскурсиягә чыктылар. Экскурсия азагында укучылар гадәти тыелган авылыбызның  без игътибар итеп бетермәгән гүзәл урыннары да бик күп икән дигән нәтиҗәгә килделәр. Көн кызыклы уеннар, лагерь плакатлары әзерләү белән үрелеп барды. Бүгенге көннән барлык укучылар да канәгать калдылар.

1 июнь - Балаларны халыкара яклау көне. Бу көн уңаеннан мәктәбебездә лагерьга йөрүче укучылар белән "Бәхетле безнең балачак" кичәсе үткәрелде. Кичәне авыл китапханәсе мөдире Гайнуллина Алия Т. оештырды. Ул әдәби сәяхәт формасында барды. Укучылар табышмаклар чиштеләр, шигырьләр укыдылар, "Әкәмәт мәйданчык" китап күргәзмәсендәге яңа нәшер ителгән китаплар белән таныштылар. Актив укучыларга бүләкләр бирелде. Кичә бик җанлы үтте. 

     Җәй - иң күңелле, сәяхәтләргә бай вакыт. Менә бүген - Балаларны яклау көне уңаеннан Сарай-Чокырча башлангыч мәктәбе укучылары да велосипедлар белән сәяхәткә чыктылар. Туган як табигатенең гүзәллегенә сокланып, укучылар бу сәяхәттән бик канәгать калдылар.

Бүген башлангыч класс укучылары һәм аларның  класс җитәкчеләре Тукай - Кырлайда музейда булдылар. Биредә аларны Тукай әкиятләре геройлары каршы алдылар. Укучылар музей-комплекста экспонатларны күзәттеләр һәм фильм карадылар. Экскурсия эчтәлекле узды.

29 май көнне башлангыч сыйныф укучылары Казан шәһәренә сәяхәткә барды. Казан - зур, матур, күпмилләтле шәһәр, заманча . Шәһәр истәлекле урыннарга бай. Укучылар кинотеатрда "Трио в перьях" мультфильмы карадылар, Бауман урамындагы истәлекле урыннар белән таныштылар, метро белән Казан Кремленә бардылар, андагы тарихи урыннарга сәяхәт кылдылар. Сәяхәт балаларга бик ошады.