Мәктәптә бу атнада дежур торучы 6 нчы класс укучылары үз вазифаларына җаваплы карыйлар. Алар мәктәптә ныклы тәртип булдыруны контрольдә тоталар, укучыларның дәресләргә әзерлеген, класстагы чисталыкны тикшерәләр.

14-15 нче октябрьдә мәктәбебез кызлары Минһаҗева И., Садриева А. район командасы составында республикакүләм волейбол ярышында катнаштылар һәм уңышлы чыгыш ясадылар. Кызларыбызны әлеге уеннарда катнашулары, уңышлары белән котлыйбыз!

Хәзеге заманда интернеттан файдаланмаган кеше бармак белән санарлык кынадыр, мөгаен. Ә бит аның куркыныч очраклары да күп. Укучылар бу хакта кече яшьтән үк белеп үсәргә тиеш. Шушы максаттан 4 нче сыйныфта “Интернет – дусмы, дошманмы?” темасына тәрбия сәгате үткәрелде. Укучылар презентация, видеоролик карадылар, үз фикерләре белән уртаклаштылар, интернетта үз-үзеңне дөрес тоту кагыйдәләрен төзеделәр. Ахырдан. ике командага бүленеп, “Интернет – дусмы, дошманмы?” темасына ярыш оештырылды. Укучылар: “Дөрес куллана белсәң дус, ә дөрес кулланмасаң – дошман!” дигән нәтиҗәгә килделәр.

В рамках " Грантовой поддержки профессионального роста учителей общеобразовательных организации РТ" молодым педагогам МБОУ «Среднекорсинская ООШ» Шагниевой Р.Р., Бухараевой Р.И. была оказана методическая помощь учителем физики МБОУ "Большеатнинская СОШ" Атнинского района Мухарлямовой Гульнур Азалевной.

2 нче сыйныф укучылары белән Бөтендөнья хайваннарны саклау көненә багышланган әңгәмә үтте. Укучылар үзләренең яраткан хайваннары турында сөйләделәр, аларның кеше тормышындагы әһәмиятен ачыкладылар. Кеше ярдәменә мохтаҗ булган кыргый хайваннар турында презентация карадылар. "Тирә-ягыбызга игътибарлы булыйк!" дигән нәтиҗә ясалды.