Бүгеннән мәктәбебездә хәрби -патриотик айлык башланды.  Укучылар китапханәдә класс сәгате өчен сугыш чоры турында газета-журналлардан  материал туплады.  

«НУР» профилактика отряды 6-8 нче класс укучылары белән берлектә сәламәтлек темасына класс сәгате үткәрделәр.  Эшлекле уен укучыларда зур кызыксыну уятты. 

Шаулап-гөрләп  башлангычлар атналыгы үтеп бара. Балаларның юл йөрү кагыйдәләрен ни дәрәҗәдә белүләрен, өйрәнүләрен күзәтү максатыннан,  без рәсем һәм инша конкурсы игълан иткән идек. Һәм менә бу конкурсларга йомгак ясар вакыт җитте. Бу рәсемнәр һәм  иншалар, юл йөрү кагыйдәләрен иң яхшы белүчеләрне билгеләргә ярдәм итте.

Юкка гына әйтелмәгән:

Хәрәкәттә-бәрәкәт.

Йөри белсәң тәртип белән,

Күрмәссең һич һаләкәт.

     Юл хәрәкәте кагыйдәләрен төгәл үтәү күнекмәләрен тиз генә формалаштырып булмый. Бу - шактый катлаулы һәм зур түземлелек сорый торган эш. Өйдә, урамда, дәрес вакытларында һәм башка чаралар ярдәмендә юл йөрү кагыйдәләрен баланың күңеленә акрынлап сеңдерә барырга кирәк. Бары шул чакта гына юл билгеләре - ышанычлы ярдәмче, ә эш нәтиҗәле була. Шул максаттан, башлангыч класслар атналыгы кысаларында, башлангыч класс укучылары белән “Юлда сак бул!”, “Юлда булсаң – бул өлгер, юл кагыйдәләрен бел!” темаларына стендгазеталар чыгардык. Балалар зур кызыксыну белән эшләделәр, эш нәтиҗәсе үзләренә дә ошады.

Башлангыч сыйныф укучыларының юл кагыйдәләре , юл билгеләренең  төрләре турында белемнәрен камилләштерү,  игътибарлылык, фикерләү сәләтен үстерү уңаеннан  мәктәптә “Йолдызлы сәгать” дип аталган бәйге оештырылды. Бәйгедә җиңүче булып 4 нче класс укучысы Абдуллин И. калды.  Ул җиңүче сүзе итеп : “Мин җиңү яулый алуыма бик шат. Сезгә дә җиңүләр телим. Барыбызга да юл кагыйдәләрен өйрәнергә кирәк!” –диде.

26 нчы гыйнвар көнне Апаз урта мәктәбендә класс җитәкчеләре конкурсының зона ярышы булды. Барлыгы 6 сыйныф җитәкчесе класстан тыш чара һәм мастер класс тәкъдим итте. Носы төп мәктәбеннән әлеге бәйгедә башлангыч класслар укытучысы Николаева Р.Ф. катнашты. Ул “Яхшылык эшләргә ашыгыйк” дигән темага  тәрбия сәгате һәм “Башлангыч сыйныфларда дәрестән тыш эшчәнлектә укытуның актив методлары” дигән темага мастер – класс үткәрде.  

Бүген мәктәбебездә 2 класс укучыларын “Карлыгач” сафларына кабул итү бәйрәме үтте. Аларга “Карлыгач” значоклары тапшырылды. Укучылар “Карлыгачның” кагыйдәләрен сөйләделәр, аның биеклекләре белән таныштылар. Бәйрәм кичәсе укучыларның күңелле җыр-биюләре белән үрелеп барды. Укучылар үз Ватанын сөя белерләр, куркусыз, намуслы, юмарт, игелекле булырлар дигән теләктә калабыз.

Мәктәптә бүген  “Ачык ишекләр” көне үздырылды.  Әти – әниләр беренче ачык дәресләр  карады, предмет укытучылары әти - әниләрне кызыксындырган сорауларга җавап бирделәр.   Җыелышның гомуми өлешендә укыту – тәрбия эшчәнлеге белән таныштылар. Көн бик уңышлы булды. Без  һәрчак әти – әниләр белән тыгыз  элемтәдә яшибез һәм эшлибез.