5 декабрь көнне Россиядә волонтёрлар көне билгеләп үтелә. Шул уңайдан тәрбия эшләре буенча директор киңәшчесе – Заляева Г.А. һәм Алдынгылар Советының “Волонтёрлык” юнәлеше 5 сыйныфларга “Игелекле эшләр агентлары” исемле уен үткәрделәр.

Чара катнашучыларга уен формасында волонтёр эшчәнлеге белән танышырга һәм иҗадилык потенциалын ачарга мөмкинлек бирде.

Атмосфера чын мәгънәсендә илһамландыра торган иде:

командалар актив рәвештә фикер алыштылар, бәхәсләштеләр, креатив идеяләр тәкъдим иттеләр;

волонтерлар оешмасының һәр «бүлегендә» катнашучылар волонтёрлыкның реаль тәҗрибәсе белән уртаклаштылар;

катнашучылар биремнәрне үтәп кенә калмадылар, «Ә волонтёрлык нәрсә ул?», «Нинди акцияләр була?», «Онлайн ярдәм итәргә мөмкинме?» дигән сораулар да җавап бирделәр.

4 декабрь көнне 1б сыйныфы укучысы Хасанова Ралинә Бөек Җиңүгә багышланган  “Яшь алып баручы” шәһәр конкурсында актив катнашты.

Ралинәгә уңышлар телибез!

3 декабрь көнне, Инвалидлар декадасы кысаларында,  актлар залында юл йөрү кагыйдәләренә багышланган “Җир планетасында Актүш маҗаралары” спектакле күрсәтелде. Чараны “Тимерюлчылар” мәдәният сарае “Клаксон” халык театры әзерләде.

Актерларның чыгышлары кызыклы, мавыктыргыч театральләштерелгән тамаша аша балаларны юл хәрәкәте кагыйдәләренә өйрәтте. Балалар бик күп файдалы мәгълүмат алдылар. Спектакль башланганчы укучылар алдында Казан шәһәре территориаль идарәсенең профилактикалау бүлеге әйдәп баручы белгече Мозафарова З.В. "Юлларда куркынычсызлык кагыйдәләре” темасы белән чыгыш ясады. Барлык укучыларга да ут кайтаручы элементлар (брелки) тапшырды.

3 декабрь Халыкара инвалидлар көне уңаеннан гимназиябездә "Игелек формуласы" исемле кинолекторий узды. Чара кысаларында катнашучыларга "Музыка внутри" фильмы күрсәтелде. Анда инвалидлыкны җиңеп чыгучы һәм төрле тормыш сынауларына бирешмәүче төп геройның тарихы ачыла.

Бу фильм кыенлыкларны җиңү, алга таба атлау  итү өчен үзеңдә эчке ресурслар табу һәм куелган максатларга ирешүнең көчле мисалы булып тора.

3 декабрь көнне, Билгесез солдат көне кысаларында, гимназиябездә “Кызыл канәфер” исемле мастер-класс үткәрелде. 6а сыйныфы шефлык итә торган 3а сыйныфында укучыларга кызыл канәфер ясау серләре өйрәтелде.

Һәр бала, күңел җылысын биреп, үз канәферен ясады. Процесс детальләргә игътибарлылык, бай фантазия таләп итте.

#Минпросвещения #Росдетцентр #НавигаторыДетства #НавигаторыДетства16 #МинОбрНаукиРТ #КомандаВоспитанияРТ #оДнеНеизвестногоСолдатаНД
#КалендарьПервых #ДвижениеПервых #ПервичкаВДеле
#1татаргимназиясе
#МБОУтатарскаягимназия1имГТукая

3 декабрь көнне гимназиябездә Билгесез солдат көненә багышланган радиоэфир узды.

Алып баручылар укучыларны истәлекле көннең тарихы, символлары һәм кызыклы фактлар белән таныштырдылар. Шулай ук эфирда туган ил, сагыну, тынычлык темаларына татарча җырлар яңгырады.

Чара тарихи хәтерне сүз һәм музыка аша сакларга ярдәм итә, әби-бабаларыбызның батырлыкларына хөрмәт тәрбияли.

2 декабрь көнне Татарстан Республикасының дәүләт телләрен һәм ТРда башка телләрне саклау, өйрәнү һәм үстерү буенча дәүләт программасын гамәлгә ашыру максатында 7б сыйныфы укучылары “Халыклар дуслыгы йортында” экскурсиядә булдылар.  Сәяхәт вакытында “Дуслык һәм татулык дәресе” үткәрелде.

Балалар өчен дуслык йорты буйлап экскурсия үткәрелде һәм викторина оештырылды. Шулай ук призлар уйнатуда катнаштылар, биючеләр һәм җырчыларның чыгышларын карадылар, үзләре дә җырладылар һәм биеделәр.

1 декабрь көнне, Инвалидлар декадасы кысаларында, 5б сыйныфында “Цветик-семицветик» фильмы күрсәтелде. Әлеге фильм укучыларны берләштерүче һәм яхшылык атмосферасын тудыручы вакыйга булды.

Шулай ук китапханә җитәкчесе Фирая Разыйховна “Игелеклелек” темасына әңгәмә үткәрде.

Китапханәдә СПИДка каршы көрәш көненә багышланган китаплар күргәзмәсе оештырылды. Күргәзмәнең максаты – тулырак мәгълүмат бирү, инфекция белән бәйле уйдырмаларны кире кагу, үз сәламәтлегеңне кайгырту турында искәртү.

28 ноябрь көнне Инвалидлар декадасы кысаларында 1Б,2Б,3Б, 3В, 4А, 4Б, 5А, 5Б, 5В, 6А,7А,8А,8Б, 9А сыйныфлары “Круг друзей” акциясендә актив катнаштылар. Шулай ук акциядә Алдынгылар Советының “Волонтерлык” юнәлеше дә катнашты. Мөмкинлекләре чикле балалар өчен уку кирәк-яраклары алып килделәр. Җыелган кирәк-яракларны Казан шәһәре Вахитов районы Балалар иҗаты үзәгенә тапшырдылар.

Ярдәмегез өчен бик зур рәхмәт! Алга таба да акцияләрдә актив катнашырга чакырабыз!

Бүген, 1 нче декабрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес йорт хайваннарының кеше тормышындагы роле, хайваннарга карата җаваплы караш, йорт хайваннарын асрау буенча cоциаль җаваплылык, дәүләт чаралары турында күзаллаулар формалаштыру, хайваннарны йортта асрауны җайга салу һәм табигатьне саклау турында иде.  “Йорт хайваннары” дип аталды.

Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.