3 нче октябрь көнне  А. Тимергалин исемендәге Иске Минзәләбаш урта мәктәбендә өлкәннәр һәм укытучылар көнен билгеләп үттек. Бу бәйрәмгә төрле елларда шушы мәктәптә эшләп, лаеклы ялга чыккан 34 укытучыбыз һәм хезмәткәребез чакыру алдылар. Укучылар аларны матур бәйрәмнәре белән тәбрик иттеләр. Соңыннан, укытучылар һәм профсоюз оешмасы көче белән әзерләнгән табын янында, килгән кунакларның һәрберсе үзләренең истәлекләре белән уртаклашты. 

Бүген, 30 нчы сентябрь көнне, А. Тимергалин исемендәге Иске Минзәләбаш урта мәктәбендә өлкән класс укучылары өчен “Сәламәтлек сәгате” дәресе узды.  Бу дәрес эчкечелекнең асылын ачу, укучыларны бу куркыныч чирдән кисәтү, аларда үз-үзләренә хөрмәт, әйләнә-тирәдәгеләргә ышаныч, сәламәт яшәү рәвеше тәрбияләү максатыннан үткәрелде. 

Шушы көннәрдә 2014-2015 нче уку елы өчен мәктәп күләмендә олимпиадалар башланды. А. Тимергалин исемендәге Иске Минзәләбаш урта мәктәбе укучылары да район мәгариф бүлеге җибәргән олимпиада эшләрендә һәр фәннән үзләренең көчләрен сынап карадылар.

Бүген , 11 нче сентябрь көнне, А. Тимергалин исемендәге Иске Минзәләбаш урта мәктәбендә ДПС хезмәткәрләре башлангыч класс укучылары белән очрашты. Алар юл йөрү һәм велосипедта йөрү кагыйдәләрен аңлатып киттеләр һәм һәр укучыга брошюралар тараттылар.

В соответствии с письмом    АНО ДПО «Институт развития финансовых рынков»  Президенту Республики Татарстан Р.Н.Минниханову   «О Дне финансиста и Всероссийской акции «День финансовой грамотности  в учебных заведениях 5-6 сентября 2014года» в МБОУ «Старомензелябашская СОШ имени А. Тимергалина» 5 сентября 2014 года провели беседу с агентом страховой компании «Росгосстрах» Нугмановой Региной Римовной на тему «Страхование от несчастных случаев»

3 нче сентябрь көнне Адлер Тимергалин исемендәге Иске Минзәләбаш урта мәктәбендә практик эвакуация үткәрелде. Янгын чыганагын читтә калдырып, барлык укучылар, укытучылар һәм эшчеләр исән-имин мәктәп ишек алдында җыелдык.

Ямьле җәйге каникуллар үтеп тә китте. Бүген - 1 сентябрь. Адлер Тимергалин исемендәге Иске Минзәләбаш урта мәктәбендә бүген Белем бәйрәме. Бу көн быел укырга кергән 1 сыйныф укучыларының күңелләрендә истә калыр дип өметләнәбез, чөнки 11 сыйныф укучылары аларны Белем капкасын атлап үтәргә һәм укучылар булырга ярдәм иттеләр.

Мәктәбебезнең барлык классларында рәсәйнең тарихы һәм мәдәниятенә багышлангын истәлекле даталарга тематик дәресләр үтте.

Бүген мәктәбебездә яшьлекнең иң гүзәл бәйрәмнәренең берсе – чыгарылыш кичәсе.Укучыларыбызның иртәгәдән башланасы тормыш юллары сикәлтәләрсез булсын иде дигән теләктә калабыз.

Бүген лагерьның соңгы көне. Бу көн һәрвакыттагыча иртәнге зарядка   белән башланып китте. Аннан соң линейкага җыелдык. Линейкада смена буена эшләнгән эшләргә нәтиҗә ясадык, актив катнашкан укучыларны котладык, аларга истәлекле бүләкләр тапшырылды. Безгә шундый матур ял оештырган өчен тәрбияче, пешекче апаларга , оештыручыларга зур рәхмәт! Сау бул, лагерь! Алда каникуллар дәвам итә…. У р р а!