Иртәнге аштан соң асфальтка  рәсем ясау конкурсы оештырдык. Конкурсыбыз “Игътибар – балалар !” дигән  тема  астында узды. Матур рәсемнәргә  урыннар да бирелде. Җиңүче итеп  Габдрахманова  Гөльяр билгеләнде.

     Бүген көн кояшлы, җылы.     Иртәнге ашны тәмләп ашадык hәм  көнне үсемлекләр дөньясын өйрәнүгә багышладык. Үзебезнең мәктәп бакчасыннан башлап , елга буйларындагы, тау башында үсүче дару үсемлекләрен күзәттек. Бездә дә үсә торган иң киң таралган үсемлекләрне  һәм сирәк очрый торган үсемлекләрне билгеләдек, презентация карадык.

Бүгенге көнебезне без сәламәт  яшәү рәвешен пропагандалауга багышладык.  Көнебез иртәнге зарядка ясаудан башланды.  Аннары шәфкать туташы Рәзинә апа белән очрашу үткәрдек. Соңыннан бакчада эшләдек,  хәрәкәтле уеннар уйнадык.

Бүген,көнебезне туган авылыбызны өйрәнүгә багышладык.География укытучысы Раушания Равилевна безгә Минзәләбаш авылы һәм  таулары  тарихын сөйләде. Күренекле шәхесләре белән таныштырды.  Аннан соң тауда күңелле уеннар уйнап,мәктәбебезгә кайттык. Без кайтуга хезмәт һәм ял лагере укучылары мәктәп территориясен матур итеп җыештырганнар иде.

Көтеп алган җәйге каникуллар җитте. Җәйге лагерь быел эзтабарлар һәм варислар өчен оештырылды, аңа «Сәйлән» дигән исем куелды.

Лагерьга 30 бала җыелды. Балалар отрядларга бүленделәр.  «Дружба», «Лунатики»  дигән исемнәр сайладылар  . Һәр отряд үзенә командир сайлады.

    Юлда сак йөрү  буенча инструктаж  үткәрелде. Җәйге каникуллар вакытында   hәрвакыт үтәлергә тиешле  куркынычсызлык кагыйдәләре белән тагын бер кат таныштырылды.  Елга буйларында, табигатьтә  үзеңне ничек тотарга кирәклеге   искә  төшерелде һәм куллар куйдырылды.

                 Беренче көн шулай күнелле генә үтеп тә китте.  

23 нче май көнне А. Тимергалин исемендәге Иске Минзәләбаш урта мәктәбендә 11 нче һәм 9 нчы класс укучылары өчен соңгы кыңгырау чыңлады.

22 нче май көнне А. Тимергалин исемендәге Иске Минзәләбаш урта мәктәбе укучылары һәм укытучылары урманга экскурсияга бардылар. Барыбыз да табигать кочагында рәхәтләнеп ял иттек һәм спорт уеннары уйнадык.

13 нче май көнне А. Тимергалин исемендәге Иске Минзәләбаш урта мәктәбендә экологик дәрес үтте. Авыл чишмәләренә багышланган ачык дәресне Әлфия Нәҗибовна җитәкчелегендә 10 нчы класс укучылары әзерләде.

А. Тимергалин исемендәге Иске Минзәләбаш урта мәктәбе 8 нче май көнне авылда ФАП ачылу тантанасында катнашты һәм яу кырында ятып калган авылдашларыбыз хөрмәтенә венок салды. Соңыннан авыл халкын, Бөек Җиңүнең 70 еллыгы белән котлап, бәйрәм концерты күрсәтте. 

30 нчы апрель көнне Иске Минзәлзбаш урта мәктәбендә Бөек җиңүнең 70 еллыгы уңаеннан “Сугыш белән көлләнгән хатлар...” дигән шигъри-музыкаль композиция булды. Аны рус теле һәм әдәбияты укытучысы  Шаяхметова Миләүшә Милисовна һәм 7, 8, 10 нчы класс укучылары әзерләде. Шулай ук һәр класс та үзләренең чыгышлары белән: шигырь, җыр һәм бию белән катнаштылар. Бу эчтәлекле һәм йөрәкләргә үтеп керерлек иртәне әзерләгән укучыларга һәм аларның җитәкчеләренә бик зур рәхмәтләребезне белдерәбез.