28 нче декабрь көнне  мәктәптә Яңа 2014 нче ел-Ат елын каршылауга багышланган бәйрәм чарасы узды.

Укучылар, кайнар чәй эчкәннән соң кечерәеп курчакка әйләнгән Кыш бабайны  “зурайту” маҗарасында катнаштылар. Һәркемгә үзенең сәләтен, яхшы холыклы булуын, укуда, спортта мөмкинлекләрен күрсәтергә туры килде. Рәхмәт йөзеннән, Кыш бабай да бүләкләрен мулдан өләште. Уку алдынгылары, спортта җиңүләре, фәнни-гамәли  һәм иҗади  ярышларда ирешкән уңышлары, Ат елында туучылар, фән олимпиадаларында җиңүчеләр-беркем дә бүләксез калмады.

Укучылар һәм әти –әниләр Яңа ел тамашасының иганәчесе ШЭ Загретдинова Резда апага бик рәхмәтле. Яңа елда балаларны сөендергән өчен Яңа ел аның үзенә дә искәрмәс шатлыклар, зур уңышлар алып килсен, амин.

Узып баручы елның 14 нче декабрендә мәктәбебез базасында район мәктәпләренең хоккей буенча кышкы уен сезонын ачуга багышланган Спартакиада узды.  Мәктәбебез шугалагында барысы 5 команда (Киекле, Кизләү, Иглай, Фомкино, Чулпан мәктәпләре) көч сынашты.  Уен нәтиҗәләрен тәҗрибәле тренерлар хөкемдарлык итте. Кизләү мәктәбе командасы гомуми уен нәтиҗәләре буенча 2 нче урынга лаек булды.

12.12 көнне “Башлангыч сыйныфлар атналыгы” кысаларында “Сәламәтлек сәгате” узды.

“Кояш” һәм “Ай” командаларына бүленгән 1-4 сыйныф укучылары төрле хәрәкәтле уеннар уйнады, спорт турында сорауларга җавап бирде, күңелле стартларда көч сынашты. “Биеккәрәк! Тизрәк! Көчлерәк” олимпия уеннары девизына кечкенәдән тугры алар! 

Мәктәбебезнең 7-9 сыйныф укучылары  Бөтенрәсәй предмет олимпиадаларының муниципаль  этабында көч сынаша. Биология фәненнән 9 сыйныф укучыбыз Ганиев Әлфис  муниципаль  этап призеры булды. Бу җиңү Әлфисне тагын зуррак җиңүләргә рухландырсын иде.

Укучыларыбыз 21.11 көнне Нурлат шәһәрендә оештырылган укучыларның спорт олимпиадасында катнашты. Үзләре катнашкан барлык спорт төрләре буенча алар беренче унлыкка керде. Мәхмутова Эльвина, Сәйфуллин Илнар, Колмөхәммәтов Зөлфәт, Әхмәтова Адилә, Сәйфуллин Ранил- мәктәп данын яклаган һәм сынатмаган өчен рәхмәт Сезгә! Без Сезнең уңышлар белән горурланабыз!

21 нче ноябрь көнне мәктәптә бердәм Паралимпиада дәресләре узды.  Әлеге дәресләр Сочида кышкы Олимпия уеннары башлануга 100 көн калуга багышланды. Балаларга паралимпия уеннарында катнашкан якташларыбыз турында белү бик тәэсирле булды.   Укучыларда көчле рухлыларга соклану, үз мөмкинлекләреңне үстерү, сәламәт яшәү рәвеше алып баруны пропагандалау ягыннан бик әһәмиятле булды бу дәресләр

20 ные ноябрь көнне мәктәбебезнең 6 нчы сыйныф укучысы Колмөхәммәтов Зөлфәт Чистай шәһәрендә  уздырылган «Яшүсмерләрнең язучы, пулицист Кояш Тимбикова исемендәге  зональ фәнни-тикшеренү укулары” нда катнашты. Үзе чыгыш ясаган “Укучыларның иҗади эшләре ” секциясендә ул  2 нче урынны яулады.  Аның әсәрләре “Кулларыбызга китап алыйк...” дип аталган  Яшүсмерләрнең язучы, пулицист Кояш Тимбикова исемендәге  зональ фәнни-тикшеренү укуларыннан материаллар җыентыгында урын алган. Зөлфәтне бу уңышы белән чын күңелдән тәбриклибез, алга таба иҗади уңышлар телибез.

18.11.13 – иртәсе Татарстанда игълан ителгән матәм көненә багышланган линейка белән башланды. Укучылар иртәнге яңалыклардан әлеге кайгылы хәбәрне ишетеп килгән иделәр. Алар йөзендәге җитдилек, уйчан күзләр балаларның бу вакыйгага битараф булмауларын күрсәтеп тора иде. Кайгы-хәсрәт килгән гаиләләрнең авыр хәсрәтен уртаклашабыз, алдагы гомерләрендә аларга сабырлык, сәламәтлек телибез. Бәла-казалардан имин булырга язсын!

Әти-әниләр җыелышка килүгә, укучыларның көндәлекләреннән күргәзмә әзерләнде. Һәр әни, һәр әти үз баласының уңышлары белән генә түгел, ә сыйныфташларның  да көндәлек тотышы, өлгереше белән таныша алды. 

16 нчы ноябрь көнне мәктәбебездә “Хокук бозуларны профилактикалау” айлыгы кысаларында мәктәпкүләм ата-аналар җыелышы узды.  Әти-әниләр килүгә, укучыларның көндәлекләреннән күргәзмә әзерләнде. Һәр әни, һәр әти үз баласының уңышлары белән генә түгел, ә сыйныфташларның  да көндәлек тотышы, өлгереше белән таныша алды.

Җыелыш барышында Рәхимова Таңсылу Атлас кызының “Хокукларны –белү, ә бурычларны үтәү кирәк”  дигән доклады тыңланды, чыгышта хокук һәм бурыч төшенчәсенең гел янәшә йөрүе, бүгенге көндә үз хокукларын даулаучыларның бурычларын үтәүгә салкын каравы анык мисаллар белән күрсәтелде. Бала тәрбияләгәндә гаиләдә әти-әниләргә файдалы киңәшләр әйтелде.  Укыту эшләре буенча директор урынбасары Билданова Гөлнар Исмәгыйль кызы 1 нче чирек нәтиҗәләре белән таныштырды. Укучыларның өлгерешләре һәм тәртибе белән тулырак танышу өчен, җыелышның 3 нче өлешен  сыйныф җитәкчеләре уздырды.