24 нче март көнне мәктәп укучылары авыл мәдәният сараенда уздырылган Нәүрүз бәйрәмендә чыгыш ясадылар. Бәйрәм чараларын Нәүрүзнең төрки халыкларда тоткан урыны, әһәмияте турында мәгълүмат һәм хәер -дога белән авылыбыз имамы Вазыйх абый Мостафин ачты. Авыл халкын әлеге бәйрәм белән мәктәп директоры Валиар Минсалих улы Халитов котлады.  Укучылар исә үз сәләтләрен сәхнәләштерелгән тамашада күрсәтте. Бәйрәм күңелле һәм файдалы узды.

Бүген, каникулга чыгар алдыннан, 3 нче чиректә башкарылган эшләргә нәтиҗә-йомгак ясалды. Рус теле атналыгының иң актив катнашучылары булып Колмөхәммәтов З., Исмоилова А., Рәхимов Ә. танылса, математика атналыгында үзләренең уңышлары белән Ганиев Ф., Ганиев Ә., Муртазин М. аерылып торган. Шулай ук башлангыч сыйныф укучыларының интернет ярыш һәм олимпиадаларда призлы урыннарга лаеклылырга   грамота һәм дипломнар тапшырылды. Линейканың икенче өлешендә каникул чорында үз иминлегеңне һәм исәнлегеңне саклау һәм кайгырту буенча инструктаж уздырылды. Линейканы директорның укыту эшләре буенча урынбасары Г.И. Билданова алып барды

Нурлат шәһәре һәм районы ЮХИДИ оешмасы юл һәлакәте иминлеге  пропаганда бүлеге хезмәткәре Ринат Гайнетдин улы Мөгайнетдинов- мәктәбебездә иң көтеп алынган кунакларның берсе. Юл йөрү кагыйдәләре үтәлеше турында мәгълүмати блок, викторина һәм җиңүчеләргә бүләкләр- болар Ринат Гайнетдинович белән очрашуның иң күңелле мизгелләре. Бүгенге очрашу исә юл һәлакәте иминлеген тәэмин итү, һәлакәтләрне кисәтү буенча инструктаж, балигъ булмаганнарның руль артына утыруының аяныч нәтиҗәләргә китерүен  ассысызлауга багышланды.   Юл йөрү кагыйдәләренең велосипедчыларга һәм җәяүлелергә кагылышлы кагыйдәләре буенча викторина узды.  Барлык укучылар да календарьлар, яшь җәяүле көндәлеге, магнитиклар һәм памяткалар белән бүләкләнде. Каникул алдыннан белгеч катнашында үткәрелгән бу инструктаж нәтиҗәле булыр дип өметләнәбез

9 нчы сыйныф укучысы Исмоилов Хәбибрахман Казан шәһәрендә уздырылган К.Насыйри исемендәге фәнни-эзләнү эшләре конференциясендә җиңү яулады.   Курамшин Р.Х. җитәкчелегендә авылыбызның әйләнә-тирәсендәге туфрак составын өйрәнү, аны яхшырту алымнарын ачу темасына багышланып, күпсанлы тәҗрибәләргә нигезләнгән эшнең Хәбибрахманга җиңү китерәчәгенә без шикләнмәгән идек. Булдырасың, Хәбибрахман, фән дөньясында синең үз йолдызың кабынсын иде!

21.03.2014 №21(10452)- "Дуслык " Нурлат шәһәре һәм районы газетасында мәктәбебез тормышы турында "Кизләүдә биатлончылар үсә" һәм мәктәбебезгә һәрдаим ярдәм итүче Кабиров Ә.З. турында "Юмарт авылдашыбыз" исемле язмалар басылды. Язма авторы- Әхмәтова Адилә, "Яшь"иҗатчы түгәрәгенең актив члены. Адиләгә иҗади уңышлар телибез, мәктәп тормышын яктыртуны район белән генә чикләмичә, республика офыкларына чыгуын телибез. 

Сыйныф җитәкчеләренең РМБ утырышы мәктәптә укучылар үзидарәсе эшчәнлеген нәтиҗәле оештыру һәм аның белән нәтиҗәле идарә итү темасына багышланган иде. Утырышта Колмөхәммәтова З.Э. катнашып,мастер классларда  тәҗрибә туплап кайтты. 

5-6 сыйныф укучылары катнашында математик аукционда дуслык җиңде. Катнашучы укучыларга рәхмәт белдерәбез, зирәк акыллы, зиһенле һәм сау-сәламәт булыгыз, укучылар.

Директорның тәрбия эшләре буенча директор урынбасары Колмөхәммәтова З.Э. район мәктәпләрендә юл һәлакәте иминлеге өчен җавалылар белән бергә Нурлат районы һәм шәһәре ЮХИДИ  пропаганда бүлеге җитәкчес Гөлфия Харисовна каршында киңәшмәдә катнашты. Киңәшмәне мәгълүмати методик үзәк методисты Зарипова С.В. оештырды. Киңәшмә барышында район һәм республикабызда юллардагы һәлакәтләр буенча статистик күрсәткечләр бәян ителде, мәктәпләрдә пропаганда эшен активлаштыру кирәклегенә басым ясалды. Мәктәпләрдә юлда йөрү кагыйдәләре буенча өстәмә дәресләр булачагы һәм аңа җитди әһәмият бирергә кирәклеге ассысызыкланды.

 Мәктәптә маиематика атналыгы башланды. Укытучы Зарипова Гөлүсә Марат кызы укчыларны атна дәвамында планлаштырылган чаралар анаонсы белән таныштырды. һәр сыйныфка атналыкта чыгыш ясау өчен махсус биремнәр дә бирелде. Стендларга математик биремле кроссвордлар, башваткычлар  урнаштырылды, ә җаваплар исә махсус тартмаларга җыелып, нәтиҗә ясалачак.

Кизләү һәм Киекле мәктәпләренең хоккей уйнау тарихында зур яңалык! Быел кызлар җыелма командалары арасында хоккей буенчы иптәшләрчә турнир уздырылды. 2:0 исәбе белән хуҗалар җиңү яулады. Уразгилдиева И., Әхмәтова А. көндәшләр капкасына берәр гол кертте. Уенның иң яхчы капкачысы исеменә 7 сыйныфтан Мәхмүтова Э. лаек дип табылды. Ә егетлә исә, бу көнне җанатар ролен үтәделәр һәм сынатмадылар: көчле сызгырулар, уеннар арасында кызларга киңәшләр бирү, җиңү шатлыгын уртаклашу аша алар кызлар өчен бик борчылуларын бөтен тамашачыларга күрсәттеләр. Ә кызларга көч бирергә хәтта зур әни һәм зур әтиләре дә (Әти-әниләр иртәдән үк каток тирәсендә иде инде!) килгән иде. Авылдашларның хоккей өчен шулай җан атуы безне бик сөендерә, ә кызларга бу көчлеләр уенында тагын да зуррак уңышлар телибез, без алар белән горурланабыз. Булдырдыгыз, Кызлар!