Татарстан Республикасының Мәгариф һәм фән министрлыгы Арча муниципаль районы белән берлектә үткәргән, башлангыч сыйныф укучылары өчен "Яңгыравык шигырь тамчылары" - "Капели звонкие стихов" дигән Республикакүләм  шигырь сөйләүчеләр бәйгесендә актив катнашулары өчен, 1 нче сыйныф укучысы Гирфанова Нәзилә (җитәкчесе Хәсәнова Ф.Г.) һәм 4 нче сыйныф укучысы Сибгатуллина Язилә (җитәкчесе Мөхетдинова А.Н.) министрыбыз Э.Н.Фәттахов имзасы куелган сертификат белән бүләкләнделәр. Укучыларыбызның  киләчәктә дә актив булып калуларын телибез! 

2 апреля на базе МБОУ " Лицей №9 им. А.С.Пушкина"   г. Зеленодольска прошел региональный этап Всероссийского конкурса чтецов "Живая классика".   Со всей республики   более 100 участников   выступали перед   жюри. Члены жюри отметили высокую подготовку   участников и   разнообразный выбор тематики читаемых наизусть произведений.   Было выбрано 1 6 финалистов, из которых 3   победителя   будут представлять Татарстан в России. Из нашей школы участвовал Шамсутдинов Ильназ, ученик 7 класса (руководитель Хасанова Э.Г. - учитель русского языка и литературы). Он прекрасно   выступил с рассказом "История про маму и сына" Романа Золотухина. Награжден Грамотой участника конкурса.

Язгы каникулларда ял вакытын күңелле һәм файдалы үткәрү- укучыларыбызның кызыксынуларын арттыра. Нәкъ шушы каникуллар вакытында, 5 сыйныф укучысы Хәсәнов Баязит   Казан шәһәрендә  "Сәләт"  яшьләр иҗтимагый фонды уздырган шахмат турнирында катнашып кайтты. Ул төрле яшьтәге һәм төрле  разрядтагы   7 шахмат уенчысы белән көч сынашып, шулардан 4 уенчыны җиңеп  "II нче Әдип Әлмир кубогына "Атлант"  шахмат клубы турниры"нда катнашу таныклыгы белән бүләкләнде. Баязитка киләчәктә зур уңышлар һәм яңа җиңүләр телибез!

"Йолдызлык 2016" республикакүләм телевизион конкурсның зона туры быел 27 -28 март көннәрендә Апаста узды. Быелгы елны да безнең укучыларыбыз сынатмады, үзләренең бик тә сәләтле балалар икәнлекләрен жюрига да,  әлеге конкурсны күзәткән күпсанлы тамашачыларга да дәлилләп күрсәттеләр. "Конферанс" номинациясендә Илгизә Хөсәенова-Баязит Хәсәнов дуэты (җитәкчеләре Э.Р.Гильманова)  үз төркемнәрендә - 3 нче урынга, ә "Вокал" номинациясендә "Салават күпере" вокаль ансамбле кызлары (җитәкчеләре Л.Ә.Габидуллина)  үз төркемнәрендә -1 нче урынга лаек булдылар.  Афәрин балалар, афәрин җитәкчеләр! Без сезне котлыйбыз, сезнең белән горурланабыз. Ә инде,  11- 15 нче апрель көннәрендә Казанда узачак суперфиналдан  яңа җиңүләр көтеп калабыз.

Бүген бездә математикадан сынаулык имтиханы.

Бүген 9 нчы сыйныф укучылары татар теленнән сынаулык имтиханы тапшырдылар.

Язгы каникуллар чорына каралган чаралар планы нигезендә 9 нчы сыйныф укучылары рус теленнән кабат имтихан тапшырып карадылар.

Бүгеннән укучыларыбыз язгы каникуллары башланды. Әмма мәктәп балалар тавышыннан тынып тормаячак, әлбәттә. Чөнки каникулларның һәр көненә чаралар планлаштырылган. Бүген укучыларыбыз 3 нче чирек билгеләре белән танышып,  сыйныф бүлмәләрен җыеп, сыйныф җитәкчеләре тарафыннан инструктажлар үтеп кайтып киттеләр. "Нәүрүз" бәйрәме каникуллар вакытына туры килү сәбәпле, язны каршылау бәйрәмен дә бүген уздырдык. Күңелле яллар сезгә, укучыларыбыз!

15 нче март көнне район мәдәният  йортында 16 нчы Республикакүләм "Созвездие.Йолдызлык" фестиваленең  район туры гала концерты узды. Әлеге концертта безнең укучылар да катнашты, шулар арасыннан  "Вокал" номинациясендә Ралинә Адиятуллина, "Салават купере" вокаль ансамбле (җитәкчеләре Габидуллина Л.А.), Илсөя Хисамова (җитәкчесе Хисамова Р.М.), "Конферанс" номинациясендә Илгизә Хөсәенова - Баязит Хәсәнов (җитәкчеләре Гильманова Э.Р.) 1 нче дәрәҗә дипломга лаек булдылар. Алар районыбыз данын 26-27 нче мартта Апаста узачак республика этабының зона турында яклаячаклар. Укучыларыбызга һәм аларның җитәкчеләренә уңышлар теләп, яңа,  зур җиңүләр көтеп калабыз. 

Әйе, чыннан да, 10 нчы һәм 12 нче март көннәрендә безнең укучылар Республикакүләм "Дулкыннар" фестивалендә  "дулкынландылар". 11 нче тапкыр үткәрелүче әлеге бәйгенең быелгысы шагыйрә Клара Булатованың 80 еллык юбилеена багышланган иде. Конкурсның таләпләре буенча катнашучылар үзләренең чыгышларын Клара Булатова иҗаты белән бәйләргә тиешләр. "Нәфис сүз" номинациясендә уртанчылар төркемендә, Хөсәенова Ләлә (җитәкчесе Э.Р.Гильманова)  200 дән артык катнашучы арасында 2 нче урынны яулады. Жюриларны - Республикабызның танылган артистларын үзенең чыгышы белән таң калдырды ул.

"Салават күпере" ансамбле кызлары исә, үз номинацияләрендә 1 нче урынга лаек булдылар. Жюри рәисе Миңгол Галиев ансамбльнең җитәкчесе Габидуллина Люция Әгъзам кызына үзенең тирән рәхмәтләрен белдерде. Композитор Риф Гатауллин да кызларыбызның чыгышын бик яратты, алардан үзенең җырларын өйрәнүләрен сорады.