12 июнь – илебез тарихында аеруча үзенчәлекле дата. Бүген Россия көне! Әлеге көн Ватаныбыз, аның тарихы, бүгенгесе һәм киләчәге белән өзлексез элемтәне гәүдәләндерә. Без илебездәге игелекле үзгәрешләргә чын күңелдән сөенәбез, Россия кебек бөек державаның гражданнары булу белән горурланабыз!

Буген җәйге лагерьның 6 нчы көне. Көндәлек план буенча  "Халкыбызның йолалары һәм гореф-гадәтләре" диеп исемләнгән чара  каралган иде. Балалар кызыклы концерт номерлары әзерләделәр, җырлар, биюләр башкардылар. Һәр  чыгыш алкышларга күмелде. Бу чарага әниләр дә чакырылды. Лагерьда йөрүчеләр  әзерләгән концерт барысына да ошады һәм әниләрнең күңелендә җылы хисләр калдырды. 

"Чишмәкәй" лагерендә кызу эш кайный. Балалар тәрбияче апалары ярдәмендә һәр көнне үзләре өчен  яңа дөнья ачалар биредә. Алар өчен төрледән- төрле кызыклы, мавыктыргыч уеннар, чаралар оештырыла бит монда. 7 нче июнь - "Әйләнә- тирә мохитне саклау көне"  лозунгы астында үтте, шул ук көнне укучылар  "Айболит"ка кунакка бардылар. 8 нче июнь "Күңе матурлыгы көне" ("Экология души") темасы астында үтте. Укучылар әлеге темага проект ясадылар -  "яхшы кеше" моделен төзеделәр. Үзалларына киләчәктә яхшы балалар булырга дигән максат куйдылар. 9 нчы июнь - "Экологияне саклау буенча иң фантастик проект" дигән темага багышланды. Укучылар авылыбыз табигатенә хозурланырга дип экскурсигә дә чыктылар. 

6 июня отмечается Международный день русского языка. В нашей школе для посещающих пришкольный лагерь "Чишмэкэй",  Хасанова Эльмира Галимулловна, учительница русского языка и литературы провела мероприятие "Великий могучий русский язык". Дети соревновались, разделившись на две команды, объясняли значения выражений, собирали пословицы. Мероприятие сопровождалось презентацией о детстве А.С.Пушкина. 

Бүген безнең мәктәптә "Чишмәкәй" җәйге сәламәтләндерү лагере үз эшчәнлеген башлап җибәрде. Лагерьга 1 - 5 нче сыйныф укучылары, барлыгы 15 бала йөри. Балалар ике командага бүленеп ярышалар. Көннәр яңгырлы һәм салкын тору сәбәпле әлегә мәктәп эчендә генә уйныйлар, шөгыльләнәләр. Тәрбияче апалары исә балаларның ялларын күңелле үткәрү өчен күп төрле, яңадан-яңа уеннар уйлап табалар һәм оештыралар

"Чишмәкәй" лагеренең беренче көне күңелле узды. Укучыларның каникулларга таралуларына әле аз гына вакыт үтсә дә, алар инде бер-берсен, мәктәпне сагынып та өлгергәннәр. Болытлар артыннан кояш елмаеп карауга, урамга чыгып асфальтта рәсемнәр конкурсы оештырдык. "Тынычлык төшенчәсе балалар күзлегеннән" ("Мир глазами детей") темасына багышлаган әлеге конкурста балалар бик теләп катнашты. 

Ел дәвамында укучыларыбыз республика мәктәптән тыш эшләр үзәге (РЦВР) үткәргән төрледән - төрле конкурсларда катнашып тордылар. Шуларның кайберләренең нәтиҗәләре дә билгеле булды. 6 нчы сыйныф укучысы Хөсәенова Илгизә Россиякүләм яшь фото төшерегә яратучылар конкурсы -"Юность России" конкурсында катнашып Республика этабында 1 нче урынга ия булды (җитәкчесе Гыйләҗева Г.И.), III нче Республикакүләм "Яңа ел әкияте" ("Новогодняя сказка") конкурсында 3 нче сыйныф укучысы Кәлимуллина Нәргизә "Иҗади якын килү" өчен бүләкләнде ( җитәкчесе Габидуллина Л.Ә.) шул ук конкурста 8 нче сыйныф укучысы Габидуллин Илмир 2 нче урын яулады (җитәкчесе Хәйретдинова Л.Р.), V нче Республикакүләм  "Ветераннарның оныклары Җиңүне ясыйлар!"("Правнуки ветеранов рисуют Победу") рәсемнәр конкурсының муниципаль этабында 7 нче сыйныф укучысы Гаттаров Рамиль - 2 нче урын яулады (җитәкчесе Гыйләҗева Г.И.) Республикакүләм балалар халык иҗаты "Без бергә" конкурс- фестивалендә "Салават күпере"  вокаль ансамбле кызлары 3 нче дәрәҗә лауреат исемен яулап кайттылар (җитәкчеләре Габидуллина Л.Ә.). Укучыларны һәм аларның җитәкчеләрен чын күңелдән котлап аларга рәхмәтебезне белдерәбез, яңа зур җиңүләр теләп калабыз.  

Бүген безнең мәктәп тарихында истәлек вакыйга булды- мәктәп территориясендә яңа спорт мәйданчыгын ачтык. Әлеге мәйданчык өчен без иң беренче чиратта Республикабыз президенты Миннеханов Рөстәм Нургали улы, авыл хуҗалыгы министры Әхмәтов Марат Гата улы һәм Кайбыч муниципаль районы башлыгы Рәхмәтуллин Альберт Илгизәр улына рәхмәтле. Әлеге тантанада район башлыгы Альберт Илгизәрович, мәгариф бүлеге башлыгы Шакиров Илдар Абдуллович та катнашты.  

Бүген илебезнең барлык мәктәпләрендә уку елын тәмамлау билгесе буларак соңгы кыңгырау чыңлады. 2016-2017 нчы уку елының соңгы бәйрәмендә бездә зур кунаклар- район башлыгы Рәхмәтуллин Альберт Илгизәр улы, район мәгариф бүлеге башлыгы Шакиров Илдар Абдуллович, район ветеринария бүлеге башлыгы Зиядиев Илсур Мөдәррис улы,  ветеран укытучылар, лаеклы ялдагы мәктәп һәм балалар бакчасы хезмәткәрләре, ата-аналар катнашты. Алар барысы да укучыларны уку елын уңышлы тәмамлаулары, ә 9 нчы сыйныф укучыларын мәктәпне тәмамлау көне белән котладылар. Чарада ел дәвамында төрледән-төрле конкурсларда мәктәп данын, район данын яклап катнашучы укучыларны бүләкләү тантанасы да булды. 

Тиздән баскетбол мәйданчыгын официаль төстә ачу көтелә. Ә аңа кадәр әлеге мәйданчык тирәсендә чистарту эшләрен тәмалыйсы бар. Менә бүген өелеп торган кара туфрак өемен тараттык. Моның өчен ярдәмгә укучыларыбызның әтиләрен һәм абыйларын чакырдык. Бергә эшләгәч әлеге эш тиз тәмамланды.