Мәктәбебез Бөек Җиңүнең 73 еллыгы алдыннан "Георгий лентасы" акциясенә кушылды. Укучыларыбыз авылыбызда яшәүче сугыш һәм тыл ветераннарын бәйрәм белән котлап, аларга георгий тасмасы бүләк иттеләр. 

"Язгы эшләр-2018" дәвам итә. Территорияләрне җыештырып бетердек, кишерләрне утырттык. Инде менә бүген чәчәклекләрне казып, беренче орлыкларны җиргә салдык. Тиздән, бик тиздән бакчабыз ут кебек бәрхет гөлләргә күмелер.  

Бүген, 5 май көнне безнең мәктәп  "Халыкара урман утырту көне" акциясенә кушылды. Әлеге дата уңаеннан укучыларыбыз белән бергә авыл уртасындагы, Бөек Ватан сугышында катнашкан һәм һәлак булган аылдашларыбыз истәлегенә куелган яңа һәйкәл тирәлегенә агачлар утырттык. 

Бөек Җиңүнең 73 еллыгы якынлаша.Шул уңайдан мәктәптә төрле чаралар оештырыла: "Үлемсез полк" акциясе өчен бабайларның фотолары яңартыла, "Хәтер вахтасы" акциясенә кушылучыларга кизү торучылар исемлеге төзелә.  Һәйкәл янындагы чара "Җиңү көне" бәйрәменә репитицияләр бара. Ә бүген исә, башлангыч сыйныф укучылары авылыбыз һәйкәлләрен чистартырга дип өмәгә чыктылар. 

"ЭКОяз -2018" акциясе дәвам итә. Бүген без зууууур өмәгә чыктык. Мәктәп территориясен җыештырганнан соң, авыл эчендәге сулыкларны чүп-чардан арындыру эшен башкардык. 

"Салават күпере" вокаль ансамбле кызлары (җитәкчеләре Габидуллина Л.Ә.) чираттагы конкурстан җиңү белән кайттылар. Бу юлы күршеләребез - Чувашия Республикасыннан. 26 нчы апрель көнне  Халыкара "Урмай-зәлидә" фестивалендә "Ахун авылы" көен башкарып, кызларыбыз 1 нче дәрәҗә лауреат исеменә ия булдылар. Кызларыбызны һәм аларның җитәкчеләрен әлеге җиңүләре белән котлыйбыз!

Бүген халкыбызның сөекле улы, бөек шагыйрь - Габдулла Тукайның туган көне. 26 апрель татар җанлы һәр кешенең күңеленә - "Тукай көне" дип уелгандыр мөгаен. Без һәр елны, мәктәптә, әлеге көнне укучыларыбыз белән билгеләп үтәбез. Бүген дә әлеге датага багышланган чаралар үткәрелде. Татар теле һәм әдәбияты укытучысы Гайнетдинова Алсу Газиз кызы Габдулла Тукайның тормыш юлын һәм иҗатын үз эченә алган интеллектуаль уен оештырды, укучылар шагыйрьнең шигырьләрен яттан сөйләделәр. Китапханәче һәм сәнгать укытучысы Хәйретдинова Лилия Рифкать кызы  "Тукай иҗаты балалар рәсемнәрендә" дигән темага рәсемнәр һәм китаплар күргәзмәсе оештырды. 

Бүген, тарих һәм җәмгыять белеме укытучысы Айрат Азатович Кәлимуллин 5-9 нчы сыйныф укучылары өчен  ачык чара- Парламент дәресе үткәрде. Әлеге дәрестә районыбыз депутаты Хәялиев Рәмис Рәфис улы һәм Кайбыч авыл җирлеге башлыгы Сафин Рәмис Бәгъдетдин улы катнашты. Рәмис Рәфис улы үзенең чыгышы ахырында укучыларыбыз һәм укытучыларның күпсанлы сорауларына җавплар бирде. 

4-6 нчы сыйныф укучыларының Россиякүләм тикшерү эшләре (ВПР) ниһаять ахырына якынлашып килә. Бүген 5 нче сыйныф укучылары тарих фәненнән, 4 нче сыйныф укучылары математикадан тикшерү эшләрен башкардылар. Алда тагын берничә фәннән тикшерү эшләре бар әле. Укучыларыбызга уңышлар телибез! 

20 апреля ученики 7 класса Галиуллин Ильфар и Ибрагимов Ильвир (руководитель Галиуллина А.С.)  участвовали во II (очном) туре Х Республиканского конкурса "Эрудит Татарстана", проводимого среди учащихся 7-9 классов. Оба участника награждены сертификатами участника, а Галиуллин Ильфар награжден Почетной грамотой за активное участие в очном туре. Ему до призового 3 места не хватило всего лишь, 0,5 баллов. Поздравляем наших мальчиков и желаем им дальнейших успехов!