Уку елын чынлап торып тәмамланды дип әйтеп була. Чөнки 9 нчы сыйныфны тәмамлаучы 7 кыз һәм 3 егетебез, барлык имтиханнарын уңышлы тапшырып, кулларына төп мәктәпне тәмамлау аттестатларын алдылар. Аларны әлеге шатлыклы вакыйга белән котлау өчен район вәкиле -  район башлыгы урынбасары Хәялиев Рәмис Рәфис улы, әти-әниләре, беренче укытучылары  һәм  фән укытучылары килгән иде. Алар барысы да укучыларны әлеге вакыйга уңаеннан котлап, киләчәк тормышларында зур уңышлар теләделәр.  

26 июнь - Халыкара наркотикларга каршы көрәш көне. Бу көнне "Чишмәкәй" лагреренә йөрүче балалар "Наркотикларсыз тормыш" акциясенә кушылдылар. "Без бәхетле балалар!"  дигән темага асфальтта рәсемнәр ясау конкурсы һәм "Без тормышны сайлыйбыз" дигән чара  оештырылды. 

22 июнь – Хәтер һәм кайгы көне. Әлеге көн илебез тарихына канлы хәрефләр белән язылган - Бөек Ватан сугышы башланган көне. Шул уңайдан безнең "Чишмәкәй" лагере "Хәтер уты" ("Свеча памяти") дип аталган республикакүләм акциягә кушылды. Балалар Бөек Ватан сугышында һәлак булган һәм исән әйләнеп кайткан авылдашларыбыз истәлегенә куелган яңа һәйкәлгә һәм иске һәйкәлгә  барып чәчәкләр салдылар, андагы чәчәк түтәлләренең чүпләрен утадылар. "Кирәкми безгә сугыш!" дигән темага рәсемнәр ясадылар. Көн ахырында  сугыш китергән  фаҗигаләр турында әңгәмә оештырылды, презентация каралды. 

Бүген без зур эш башкардык. Кыш өчен малларга витаминлы азык -  яфраказык әзерләп үзебезнең авыл җирлегендәге "Дубрава" җәмгыятенә тапшырдык. Әлеге эшне мәктәп коллективы күмәкләшеп эшләдек. 

Укучылар җәйге каникулларга китсәләр дә мәктәп участогында җәйге практикаларын үтүләрен дәвам итәләр.  Чиратта 9 нчы һәм 8 нче сыйныф укучылары. Бүген укытучылар коллективы белән бергәләшеп помидор, кәбестә, борыч рассадаларын җиргә күчереп утырттык.

12 июнь – илебез тарихында аеруча үзенчәлекле дата. Бүген Россия көне! Әлеге көн Ватаныбыз, аның тарихы, бүгенгесе һәм киләчәге белән өзлексез элемтәне гәүдәләндерә. Без илебездәге игелекле үзгәрешләргә чын күңелдән сөенәбез, Россия кебек бөек державаның гражданнары булу белән горурланабыз!

Әле кичә генә башланган иде кебек, инде "Чишмәкәй" лагереның да 4 нче көне узып китте. Үзенә 15 баланы җыйган әлеге лагерьга балалар бик яратып йөриләр. Бүген лагерьдагы көн "Күңел экологиясе" исеме астында үтте. Урман һәм аның байлыклары турында әңгәмәдән соң укучылар урман байлыкларын пластилиннан ясадылар. Авыл эчендәге балалар мәйданчыгына уйнарга бардылар. Ераклыкка кәгазь самолет очырту ярышында һәм "Могҗизалы үзгәрешләр" викторинасында катнаштылар. 

Бүген илебезнең барлык мәктәпләрендә уку елын тәмамлау билгесе буларак соңгы кыңгырау чыңлады. 2017-2018 нче уку елында безнең мәктәпне 10 укучы - 7 кыз һәм 3 егет тәмамлый.  Соңгы кыңгырау бәйрәмендә район башлыгы урынбасары Бәдретдинова Д.Ә., район мәгариф бүлеге башлыгының тәрбия эшләре буенча урынбасары Зиннәтуллин Р.С., Кайбыч авыл җирлеге башлыгы Сафин Р.Б., ветеран укытучылар, лаеклы ялдагы мәктәп һәм балалар бакчасы хезмәткәрләре, ата-аналар катнашты. Алар барысы да укучыларны уку елын уңышлы тәмамлаулары, ә 9 нчы сыйныф укучыларын мәктәпне тәмамлау көне белән котладылар. Чарада ел дәвамында төрледән-төрле конкурсларда мәктәп данын, район данын яклап катнашучы укучыларны бүләкләү тантанасы да булды. 

Сегодня, фельдшер села,  Сафина Люзия Хадиевна провела беседу с учащимися 9 класса, в рамках Всероссийской акции "СТОП ВИЧ/СПИД", приуроченный к Международному дню памяти жертв СПИДа.

Җиңү көне! Халкыбыз өчен иң зур бәйрәмне быелгы яз безгә 73 нче тапкыр бүләк итә! Әлеге  бәйрәм уңаеннан, бүген, 8 май көнне, авылыбызда Бөек Җиңүнең 73 еллыгына багышланган чара булып узды. Һәйкәлгә мәктәп һәм балалар бакчасы коллективлары "Үлемсез полк" ("Бессмертный полк") акциясенә кушылып зур колонна белән төштеләр. Шунысы куанычлы, авылыбызда әлеге дәһшәтле сугышны кичкән 3 сугыш ветераны яши. Аларның безнең арада булулары, бәйрәм чарасында катнаша алулары безнең өчен зур куаныч.