Республикада, районда "Язгы мәрхәмәтлелек атналыгы" старт алды. Бу атналык мәктәптә сугыш чоры баласы Мөнирә Габидуллина белән очрашудан баланды. Мөнирә апа гомере буе авылда яшәгән, колхозда эшләгән. Бүген дә ул тик утырмый. Яше 80 нән артса да, сыер асрый. " Мине ул яшәтә, хезмәт итегез!"- дип белдерде ул укучыларга. Мөнирә апа бик зур кыенлыклар күргән. Очрашуда ул балаларга шулар турында ачынып сөйләде. "Сугыш афәтләре яңадан кабатланмасын иде!"- дип бетерде ул очрашуда сүзен. 

1987 нче елның апрель ае. Ташкичү авылында күптән көтелгән мәктәп эшли башлауга 7 ай. Табигатьнең ң пычрак вакыты. Шушы чорда Камил Якуб исемендәге колхоз комсомол секретаре Р.Г.Камалиев, яшь физкультура укытучысы Н.А.Магсумов яшьләрне, колхоз эшчеләрен, укучылардан команда төзеп, волейбол ярышлары үткәрергә булалар. “Җиңүчегә бүләккә нәрсә бирергә?”- дигән сорауга да тиз генә җавап табалар: ачтан кырып кубок ясыйлар. Ярышка Ташкичү, Мәмсә, Кысна, Ашытбаш авылларыннан 1 әр, һәм мәктәптән 3 команда катнаша. Кубокны мәктәп укытучылары яулый. 30 ел вакыт үтеп тә киткән. Ә кубок – яши, исән. Мәктәп дирекциясе тәкъдиме белән “Габбасов” исемендәге фермер крестьян хуҗалыгы белән берлектә шушы кубокның 30 еллыгы уңаеннан, спортзалга 6 команда җыелды. Шушы кубокны яулаган командадан М.М.Гайфуллин, бүгенге көндә Әтнә районында эшләүче Н.А.Магсумов та кубок өчен көрәшергә килгәннәр. 1987 нче елда мәктәптә укыган һәм шушы ярышларда катнашкан Ильшат һәм Айрат Ибатуллин, Арча электр челтәре директоры Н.Ф.Нурмухамметов та ярышта актив катнаштылар. Әтиле уллы Фәрит һәм Айбулат Гарипов, Азат һәм Илназ Гумеров, Нияз һәм Илсаф Нурмухаметов, Рафис һәм Ханафиевлар төрле командаларда бер-берсе белән көч сынашты. Бәйрәмгә Арча районы волейбол федарациясе президенты Р.А.Муллагалиев та килде. Ул ярышта катнашучыларны котлады һәм мондый ярышларның яшьләргә дә, өлкәннәргә дә бик кирәк булуын белдерде.

    Өлкән буын педагогик хезмәткәрләрнең мирасын барлау йөзеннән, районда "Гасырларга тиң хезмәт" темасы астында ачык чаралар, дәресләр оештыру башланды. Безнең мәктәптә күп еллар өлкән пионервожатый, укыту эшләре буенча директор урынбасары, мәктәп директоры булып эшләгән Рузалия Ибраһим кызы Насибуллина "Серле сандык серләре" дип аталган класстан тыш чара оештырды. Ул аны "Татар халкының онытылып бара торган изге бәйрәмнәрен, гореф-гадәтләрен хәтердә яңарту һәм саклау, элеккеге чорның матурлыгын күрсәтеп, бер хәтер сандыгын актарып алыйк! Әби-бабаларыбызның , әти-әниләребезнең яшьлегенә кайтып әйләник эле!"- дип башлады. Дөрестән дә, халык авыз иҗатының барлык жанрлары да педагогик кыйммәткә ия. Алар, телдән телгә сөйләнеп, буыннан-буынга күчеп, безнең көннәргә килеп җиткәннәр. Рузалия Ибрагимовна шушы кыйммәтләр аша укучыларда матурлыкка соклану, туган як сәнгатен ярату, арттыру мөмкинлекләрен күрсәтергә тырышты. Ни өчен мендәр тышларын матур итеп чиккәннәр икән соң? Йортка кергән кешенең күзе матур бизәкләргә төшән. Бизәкләр күз тиюдән саклаган. Ни өчен кызларның итәкләре озын булган? Озын итәк балтырларны яман күзләрдән саклаган. Чиккән сөлге, кулъяулык, ап-ак баш яулыгы- татар халкының күрке булган. Түбәтәй, калфак, читек турында бик күп мәгълүматлар алып килгән Рузалия апа. Укучылар аны бик игътибар белән тыңладылар, рухи байлык алдылар.

   Гади генә кешетүгел ул Рузалия апа. Үзе гармунда уйный, тегә, чигә, шигырьләр иҗат итә, китап яза... "Өммегөлсем" фольклор ансамбле төзеп, авыл, район халкына борынгы ядкәрләребезне кире кайтару өстендә дә эш алып бара ул. Сүнмәс дәрт, сәламәтлек телибез сезгә, Рузалия апа!

   12 апрель - космонавтика көне. Бүген мәкәптә шушы уңайдан төрле чаралар үткәрелде. Иртән физика укытчысы М.М.Гайфуллинукучылар белән космос, космосны өйрәнү, космоска очу тарихы белән таныштырды. Тәнәфестә укучылар белән викториналар оештырырылды, кызыклы сорауларга җаваплар алынды. Дәрестән соң Ю.А.Гагарин тормышына багышланган кинохроника каралды.

  "2017 нче ел - экология елы" кысаларында мәктәптә табигать, аны саклау турында күпкырлы эш оештырыла. Шуларның берсе - урманнарны саклау, кәгазь эшләү өчен икенчел чимал - макулатура җыю эше оештырылды. Бүгенге көнгә кадәр 400 кг кәгазь җыелды. Шушы ике көндә бу эш төгәлләнергә тиеш.

    Апрель ае бөек Тукай көннәре белән истәлекле булып кала. Бу чарага күптән әзерлек эше бара. Тукайның тууына 131 еллыкны каршылау буенча план төзелде, Г.Тукай укулары өчен Яңа Кырлай мәктәбендә узачак тантанага әзерлек бара.Шулай ук авыл китапханәсендә дә башлангыч класс, 5-6 класс укучылары өчен  Г.Тукай тормышы һәм иҗатына багышланган чара узды.Чараны китапханә мөдире В.Ф.Мостафина әзерләде һәм алып барды.

   Ташкичү авылында туып үскән язучы М.Галәүнең мирасын өйрәнү дәвам итә. Бүген безгә кунакка М.Галәүнең оныгының кызлары Ольга Олеговна кызы Александар белән Иркутск, Анастасия Олеговна Мәскәү шәһәреннән кунакка килделәр. Алар мәктәптә "Таттелеком" оешмасы алып бара торган музей торышы белән таныштылар, үзләренең фикерләре белән уртаклаштылар. Р.Зәкуанов Ташкичү авылында Ш.Мәрҗани, М.Галәүләр истәлеген торгызу турында сөйләде.  Ольга Олеговна һәм Анастасия Олеговналар музей оешу торышы, эш барышы белән бик канәгать калдылар. Мәктәп директоры И.И.Гибадуллин кунакларны районда музейлар, истәлекле урыннарны торгызу торышы белән таныштырып йөрде. Яңа Кырлайда "Таттелеком" оешмасы реставрация ясаган Сәгъди абзый утарында булу, Г.Тукай музеен күрү кунакларда зур тәэсирләр калдырды.

   Ташкичү балалар бакчасында мәктәпкәчә яшьтәге балаларны мәктәпкә әзерләү буенча нәтиҗәле эш алып барыла. Шушы максаттан, бүген анда Яңа Кенәр зонасы балалар бакчалары тәрбиячеләре өчен ачык шогыль үткәрелде. Балалар китап, аның барлыкка килү тарихы белән таныштылар, үзләре дә практик рәештә китап ясап карадылар, төрле сорауларга җавап бирделәр. Бу шогыльдә 2017нче елда бу балаларны 1 нче класска алучы укытучылар да катнашты. Шогыльдән соң тәрбиячеләр фикер алыштылар, тәрбияче М.А.Валиеваның иҗат лабораториясе белән таныштылар, үзләренә кирәкле материалларны таратыштылар.

    Бер татар халык мәкалендә "Сабанда сайрашмасаң, ындырда ыңгырашырсың",- дигән сүзләр бар. Әйе, иртә яздан көзгә кадәр мәктәп бакчасында да эш кайный. Көзге уңыш мул булсын өчен, яздан ук әзерләнергә кирәк. Мәктәптә февраль аенда ук помидор, борыч, төрле чәчәк орлыкларын утырттылар, инде уҗымнар матур булып үсеп килә. Үсентеләрне үстерү серләренә укытучылар технология дәресләрендә, дәрестән тыш чараларда төшендерәләр. Башлангыч класс укытучысы Г.З.Фазуллина укучыларны помидор үстерү серләренә өйрәтә.

     Терроризмга каршы көрәш кысаларында мәктәптә линейка, инструктажлар, беседалар узды. Санкт_Петербург шәһәрендә булган теракт өйрәнелде, гадәттән тыш вакыйгалар булган очракта үз-үзнңне тоту юллары өйрәнү буенча эш дәвам итә.