"Батырлык" дәресләренең икенче өлеше спортзалда узды.Дәресләрдән соң 5-9 класс укучылары төрле спорт төрләре буенча узыштылар, үзләренең көчләрен сынадылар.

   Хәрби-патриотик айлык кысаларында, 12 февраль көнне 7-8 класс егетләре әфганчы-сугышчы Вәис Вәлиев кабере янында булдылар. Ел саен февраль аенда укучылар каберне чистартуда, аның кабере янына сугышчан дуслары килергә мөмкинлекләрне арттыралар. 15 февраль көнне укучылар өчен "Әфган ярасы йөрәктән китми"  дип аталган класстан тыш чара, спорт ярышлары оештырылачак.

    Укучыларны Дәүләт имтиханнарына әзерләү, укучыларның математикадан белемнәрен бәяләү йөзеннән, математика укытучысы Ф.Г.Фаттеров 8 класста "Белемнәргә смотр" дәресе оештырды. Бу дәрескә һәрбер укучының әти-әнисе дә, укытучылар да  чакырылды. Укучылар бирелгән темалар буенча белемнәрен сынадылар, Дәүләт имтиханнарына әзерлекләрен күрсәтеләр. Дәресләр беткәч, 8 класс укучыларының әти-әниләре җыелышы булды. Бу җыелышта ОГЭга әзерлек, укучыларның предметлар сайлау торышы турында сөйләшенде.

   8 февраль - "Яшь антифашистлар" көне. Шушы уңайдан А.Н.Хузиева 5-6 класс укучылары өчен "Батырлык дәресе" үткәрде. Ул бу көнне үткәрү тарихы, һәрбер илнең Законнарын үтәү турында укучыларга аңлатты, үз хокукларыңны якларга кирәклеккә басым ясады.

    Бүген район мәктәпләре яшь вожатыйлары Арчага җыйналды.  Алар "Гаҗәеп вожатый" конкурсының район турында осталыкларын сынадылар. Безнең мәктәптән бу конкурста башлангыч классларда вожатый булган 6 класс укучысы Касимова Алсу катнашты. Алсу - уку отличнигы, җырга-биюгә оста, шигырьләр яза. Шул ук вакытта ул  башлангыч класс укучыларын төрле һөнәрләргә өйрәтә. Укучылар да аны бик яраталар. Алсу бу конкурста да сынатмады, уңышлы чыгыш ясады. "Иң яшь вожатый" номинациясе җиңүчесе булды.

     Бүген илебездз Бөек Ватан сугышында һәлиткеч көрәштә җиңү - Сталинград шәһәре янында җиңүнең 75 еллыгына багышланан тантаналар уза. Мәктәптә шушы уңайдан "Батырлык" дәресләре узды.  "Юнармия", "Профилактик отряд" әгъзалары классларда беседалар оештырдылар. Сталинград янында сугышның әһәмиятен аңлаттылар, батырларны баш иеп искә алдылар.

    Февраль ае истәлекле даталарга бай ай. Шуңа күрә дә февраль аен "Хәрби-патриотик айлык" дип игълан иттек. Укучылар "Үзебез планлаштырабыз, үзебез оештырабыз, үзебез үткәрәбез!" дигән девиз автында айлыкны оештырырга  планлаштырдылар. Бу эштә "Юнармия", "Профилактика отряды" вәкилләре әйдәп баручылар. Алар иртәгә үз көчләре белән Сталинград сугышында җиңүгә 75 еллыкны оештырырга булдылар. Беседа, презентацияләр әзерләделәр. 1-4,5-6,7-9 классларда чыгыш ясау өчен лекторлар билгеләделәр. Лекторларга ярдәм итүне оештыру өчен тарих укытучысы Р.Р.Хакимзяновага мөрәҗәгать иттеләр.

   "Салкын гынвар ае булуга карамастан, без районыбызның күренекле шәхесе Сабиров Наил Закирович белән Ташкичү мәктәбендә оештырылган Ш.Мәрҗани музеен карарга килдек",- дип язып калдырды истәлек дәфтәренә Илдус Габдрахманович Сагъдиев. Бу ике шәхес үзләре дә Арча районын, Татарстан Республикасын үстерү, алга җибәрергә үзләреннән зур өлеш керткән кешеләр. Алар, зур кызыксыну белән, музей экспонатлары белән таныштылар, музейны оештырган "Таттелеком" оешмасы җитәкчелегенә рәхмәтләрен белдерделәр.

    Бүген мәктәптә "Батырлык" дәресләре узды. Тарих укытучысы Р.Р.Хакимзянова һәм ОБЖ укытучысы А.З.Багавиев укучыларны Ленинград блокадасын өзү, сугышчыларның фидакарь батырлыклары белән таныштырдылар. 

    Бүген мәктәптә оешкан Ш.Мәрҗани музеенда Түбән Мәтәскә төп мәктәбе укучылары булды. Бу укучылар Ш.Мәрҗанинең 200 еллыгына багышланган мәктәпкүләм ярышларда җиңеп чыкканнар.  Укучыларга 7 класс укучысы А.Гараев Ш.Мәрҗани, аның тормыш юлы, хезмәтләре турында мәгълүматләр бирде, экспонатлар белән таныштырды. Татар теле һәм әдәбяты укытучысы А.Т.Ахмадуллина Ш.ММәрҗанинең кардәше язучы М.Галәү иҗаты, аянычлы язмышы турында сөйләде. Тарихи чыганаклар белән таныштырды.