Симетбаш авылында "Таттелеком" җәмгыяте зур тантана оештырды. Бөек Ватан сугышы елларында зур батырлык күрсәткән, батырлыгы бары тик соңгы елларда гына ачылган Нургали Шәфигуллин туганнарын хөрмәтләү оештырылды. Бу батырлык Нургали абый үзе үлгәннән соң гына ачыла. Тантанага Нургали Шәфигуллинның уллары-кызлары, мәктәп укучылары, авыл халкы, читтән кунаклар җыелды. Чын мәгънәсендә "Батырлык дәресе" булды бу чара.

   6 класс укучылары авыл уртасында Бөек Ватан сугышы кырларында һәлак булган авылдашлар хөрмәтенә салынган һәйкәлне ел буена карап тордылар. Җәй көне чәчәкләрне карап үстерделәр, көз көне чүп-чардан, кыш көне карын көрәп тордылар. Менә Бөек Җиңүнең 72 еллыгы якынлашкан көннәрдә һәйкәл кырыена чәчәкләр утырттылар.

   Мәктәптә Бөек Җиңүнең 72 еллыгын каршылау буенча эш оештырылды. Укучылар ялгыз яшәүче сугыш чоры балаларына шефлык эше оештырды. 6 класс укучылары Бөек Ватан сугышында һәлак булганнар истәлегенә куелган һәйкәлне чистартып торалар. Классларда шушы темага багышланган класс сәгатьләре, беседалар уза. педагог-организатор Г.Д.Касимова һәм 9 класс җитәкчесе А.Н.Хузиева 5класс укучыларына кәгазьдән чәчәк, тынычлык кошы - күгәрчен ясау буенча мастер-класс оештырдылар.

   Ташкичү авылы тирәсе чишмәләргә бай. Авыл халкы элек-электән чишмәләрне чистартып торган. Мәктәп укучылары да бу эштән читтә калмыйлар.  Чишмәләрне гел чистартып торабыз. Бүген 8 класс укучылары төп трассадагы "Симетбаш чишмәсе" дип аталган чишмәне чистарттылар.

   2017 нче елның 29 апреле - өмә көне. Кар шушы көннәрдә генә бетте. Кар астындагы чүпләр чыкты. Бүген тирә-юньне чистарту буенча өмә үткәрдек. Башту укучыларга тирә-юньне саклап тоту, пычратмау, чүпләрне җыеп бару турында әңгәмә оештырылды. Шуннан соң класслар бүленеп, Ташкичү, Мәмсә, Симетбаш авылларын чистарту эшенә кереште. Башлангыч класслар мәктәп тирә-юнен чистарттылар. 5 класслар Ташкичү-Мәмсә юлын чистарттылар.  Нәрсә генә ташламаганнар шоферлар юл буена! 6-7 класслар Ташкичү авылы урамнарын карап чыктылар, 8 класслар Ташкичү-Мәмсә, 9 класслар ташкичү-Симетбаш трассасын чүпләрдән арындырдылар.  Бары тик тирә-юньне пычратмаганда гына табигать чистабула! Шушы хакыйкатьне аңлап бетерә алмый, кеше! табигатьне саклау үзебездзн тора.

   Ташкичү авылы Культура йортында "Тукай - безнең күңелләрдә" дип аталган кичә булып узды. Кичәгә ветеран-педагоглар, авыл ветераннары килде. Башта ветеран-педагог Р.И.Насибуллинага"Педагог на все времена" конкурсында катнашканы, яшь буынны тәрбияләүдә үзеннән зур өлеш кертүе өчен ""Мәгариф идарәсе" мактау хаты тапшырылды. Шуннан соң Г.Тукай, аның тормыш юлы, моңарчы халыкка билгеле булмаган эшчәнлеге турында сөйләшү оештырылды. Сөйләшүне Р.И.Насибуллина, В.Ф.Мустафиналар оештырды. Кичәдә Тукайның шигырьләре, җырлары яңгырады. Тукай рухына дога укылды.  Кичә бәйрәм өстәле артында чәй эчү белән тәмамланды. Ветераннар рухи көч алып, яңадан очрашырга сүз куешып таралыштылар.

   Бүген Тукай-Кырлай авылында шигырь бәйрәме узды. Кунакка Казаннан, Башкортстаннан мәртәбәле кунаклар кайткан иде. Алар арасында Рәзил Вәлиев, Роберт Миңнуллин, Хәнәфи Бәдигый, Наиль Касыймов, Фәйрүзә Мөслимова, Рифә Рахман, Сания Әхмәтҗановалар бар иде.2017 нче ел Тукай бүләге лауреатлары да Арча , Тукай җирлегенә аяк бастылар. Тукайга, ул торган җиргә дан җырланды, Тукайның шигырьләре укылды, җырлары тыңланды. Олуг шагыйрьләр үзләренең шигырьләрен укыдылар.

   Бүген иртәдән мәктәптә татар рухы хөкем сөрде. Г.Тукайның тууына 131 ел уңаеннан мәктәптә "Бердәм көн"үткәрелде. Укучылар, укытучылар, техник хезмәткәрләр  милли киемнәр киделәр. Ирдәдән мәктәп ишегеннән укучыларны милли киемнәр кигән кызлар, егетләр каршы алды. музыкаастында биюләр оештырылды. 7 сәгать 30 минутта укучылар һәм укучылар Г.Тукайның тууына 131 елга багышланган тантанага җыелды. Тукайның үлмәс шигырьләре, җырлары яңгырады.

   Көннең икенче яртысында укучыларга һәм укытучыларга "Милли моңнар" дип аталган конерт программасы тәкдим ителде. Татар гармунында, курайда, баянда милли көйләр яңгырады, балалар музыка тыңладылар, биеделәр, баянга кушылып җырладылар. Бу конертны аларга Казан шәһәреннән килгән кунак - Солтан Шигапов оештырды.