30 март көнне мәктәптә мәгърифәтче, тәрҗемәче, акыл иясе, мөгаллим  Ш.Мәрҗанинең тууына 200 ел тулу уңаеннан Республикакүләм Мәрҗани укулары узды. Республикабызның 20 районыннан бу бәйгегә туксаннан артык эш килде. Шуларның 77 се икенче турга узды.  Тантанага ТР Мәгариф һәм фән министрлыгының милли мәгариф бүлеге җиткчесе И.И.Халиков, ТР Мәгарифне үстерү институтының милли мәгариф лабораториясе мөдире Р.Р.Шәмсетдинова, ТР фәннәр академиясенең  Г.Ибраһимов исемендәге тел, әдәбият һәм сәнгать институты доценты , филология фәннәре докторы, профессор Ф.З.Яхин, "Таттелеком" матбугат үзәге җитәкчесе, җәмәгать эшлеклесе, шагыйрь, популяр җырлар авторы Р.Г.Зәкуанов, "Гаилә һәм мәктәп", "Мәгариф", "Безнең мирас"журналлары вәкилләре, Арча муниципаль районы "Мәгариф идарәсе" җитәкчесе А.Р.Ибраһимов, "Казан арты" милли-этнографик музее хезмәткәрләре катнашты. Ш.Мәрҗанинең буынын дәвам итүчеләр - Г.Г.Мостафина, С.А.Мостафина, Р.Габделвалиев, А.Р.Габделвалиевларның бу тантанада катнашуы нур өстенә нур булды.

     Укучылар 5 төрле секциядә үзләренең эшләрен якладылар. "Иң яхшы" дип бәяләнгән эшләрнең авторларына дипломнар һәм истәлекле бүләкләр тапшырылды.

     Ш.Мәрҗани мирасын өйрәнү, аның тормышы белән танышу дәвам итә. Бүген безгә кунакка В.Ежков исмендәге 1нче урта мәктәп укытучылары килде. Аларны тарих укытучысы Р.Р.Хакимзянова Ш.мәрҗани, аның балачагы, тормышы, эшчәнлеге, аңа багышланган музей белән таныштырды. Татар теле һәм әдәбияты укытучысы А.Т.Ахмадуллина Ш.Мәрҗанинең туганы, язучы М.Галәү тормышы, иҗаты, фаҗигале язмышы турында сөйләде. Очрашу бик файдалы булды.

    Мәктәптә "Хуш киләсең, Нәүрүз!" дип аталган кичә оештырылды. Алдан ук Карачкы яндыру, коймак пешерү йолалары үткәрелде. Кичәнең икенче өлеше "Нәүрүз чибәре" дип аталган тамаша булды. Һәрбер класстан берәр укучы кыз бала үзләрен осталыкта, җитезлектә, тапкырлыкта сынады. Ярышта һәр укучы осталыгын күрсәтте.

    Озын 3 нче чирек тәмам. Укучылар каникулга таралачак. Каникул чорында юл йөрү куркынычсызлыгын искә төшерү максатыннан, мәктәпкә Арча районы юл кагыйдәләрен үтәү инспекторы Муллагалиев Фәнил Илхамович һәм юл кагыйдәләрен үтәү профилактикасы буенча начальник  Мухаметзянова Энҗе Газизовналарны чакырдык. Башлангыч класс укучылары аларга "Тылсымлы тамгалар" дип аталган әкият-тамаша күрсәттеләр, юл кагыйдәләрен кечкенәдән үк өйрәнүләрен күрсәттеләр.  Очрашуның икенче өлешендә Фәнил Илхамович юл йөрү кагыйдәләрен үтәү турында чыгыш ясады, укучыларның сорауларына җавап бирде. 

    Бүген мәктәптә ата-аналар җыелышы узды. Җыелышта "Педагог на все времена" район конкурсында катнашкан Р.И.Насибуллина катнашты. Ул ата-аналарны милли традицияләрдә тәрбияләү юллары турында чыгышы белән таныштырды. Бергәләп эшләү юлларын күрсәтте. Рузалия Ибраһимовнага мәктәп директоры И.И.Гибадуллин "Мәгариф бүлеге" муниципаль учреждениесенең грамотасын тапшырды.

      Җыелышта 3 нче чирек нәтиҗәләре, язгы каникул чорында куркынычсызлык кагыйдәләрен үтәү, ОГЭга әзерлек торышы мәсьәләләре каралды.

    Мәктәптә "Без бергә!" акциясе узды. кучылар җырга, биюгә, шигырь сөйләүгә булган осталыкларын күрсәттеләр. Иң яхшы номерлар Ташкичү авылы мәдәният йортында уза торган очет концертта катнашачак

    Мәктәптә "Язгы мәрхәмәтлелек" атнасы дәвам итә. 1-9 класс укучылары бу атналыкта нинди эшләр башкарасын планлаштырдылар. Планда Бөек Ватан сугышында һәлак булганнар истәлегенә куелган һәйкәлне чистарту, сугыш чоры балаларына ярдәм оештыру, башлангыч класс укучыларына юл йөрү кагыйдәлрен өйрәтү планлаштырылды. Шушы көннәрдә 100 яшьлек юбилеен билгеләп үткән Гарифә апада кунакта булып, аның истәлекләрен тыңладылар. Укучылар "Без бергә" дип аталган ациядә катнаштылар. Иң яхшы номерлар Ташкичү авылы Мәдәният йортында узачак смотр концертында авыл халкына тәкъдим ителәчәк.

  8 март бәйрәме уңаеннан, авыл Мәдәният йортында "Яшь киленнәр" бәйгесе узды. Бәйгедә мәктәптән Мостафина Алинә катнашты. Аның авыл Мәдәният йорты сәхнәсенә беренче чыгуы булуга карамастан, ул сынатмады, уңышлы чыгыш ясады. Бәйрәмдә профсоюз комитеты членнары Шамил Борханов, Миләүшә Мостафина, Фирая Валишиналар чыгыш ясадылар. Мәктәпнең укучылар бию коллективы хатын-кызларны дәртле биюләре белән котлады. Иҗади дуслык дәвам итә. 

    * март - бәйрәм көн. Мәктәптә бәйрәм иртәнге 8дә башланды. Бу көнне хатын-кызлар арасында волейбол ярышлары булып узды. Ярышларда әниләр, укытучы хатын-кызлар һәм укучы кызлардан торган 2 команда катнашты. Әниләр командасы җиңеп чыкты. Җиңүчеләргә һәм ярышта катнашканнарга истәлекле бүләкләр тапшырылды.

   6 класс укучылары, класс җитәкчеләре Г.Д.Касимова җитәкчелегендә, әниләр өчен Айгөл Әхмәтҗанованың "Бәхет агачы" дип аталган 2 пәрдәлек драмасын сәхнәгә куйдылар. Спектакль волейбол ярышлары узганнансоң оештырылды. Бәйрәм бик күңелле узды.