Ташкичү төп мәктәбе дирекциясе, 11 октябрь көнне  укытучылар, хезмәткәрләр, әти-әниләр, уку алдынгылары өчен Г.Камал исемендәге Татар Дәүләт академия театрына экскурсия оештырды. Бу көнне Туфан Миңнуллинның “Гөргөри кияүләре” исемле спектакле сәхнәгә куелды. Спектакльдә артистлар – Наил Дунаев, Раушания Юкачева, Ләйсән Рәхимова, Дания Нуруллина, Фирая Әкбәрова, Алмаз Гәрәевләр иҗатына сокланып утырдык.

6нчы сыйныф укучылары Бөек Ватан сугышы кырларында һәлак булган авылдашлар хөрмәтенә куелган һәйкәлне ел буена карап торалар. Бүген исә, һәйкәл әйләнәсендәге  чүпләрне, корган чәчәкләрне  утап,  чистартыллар.

  5 октябрь көнне мәктәптә Ш.Мәрҗани исемендәге тарих институты хезмәткәрләре кунакта булып киттеләр. Алар авыл халкы, тирә-як мәктәпләрнең тарих укытучылары, тарих белән кызыксынучылар, китапханәчеләр белән очрашты. Аларның төп максаты – “Иске Ашыт җыены авыллары тарихы”  дигән китапны тәкъдим итү иде.

ГО айлыгы кысасында 4 октябрь көнне мәктәптә тормыш иминлеге нигезләре буенча   Багавиев Әбүзәр Җәүдәтович  ачык дәрес үткәрде. Дәрес тулысынча укучыларның тормыш иминлеген булдыру сорауларына багышланды. Янгын,  ашыгыч ярдәм, полиция, газ хезмәтләренең эшләре буенча мәгълүматләр әйтелде. Саклану чаралары, ысуллары кабат - кабат искәртелде.Укучыларның тормышын, сәламәтлеген саклауда ачык дәрес үзенең лаеклы урынын алды.

Укытучылар көненә багышлап мәктәптә  “Сез иң гүзәл кеше икәнсез!” дигән темага рәсем күргәзмәсе оештырылды

       Октябрь ае бәйрәм көне - Өлкәннәр көне белән башлана. Ташкичү мәктәбендә бу көн матур чараларга бай булды.  Мәктәп администрациясе  лаеклы ялда булган укытучы һәм хезмәткәрләребез өчен бәйрәм оештырды. Өлкәннәребез ул көнне мәктәбебезнен кадерле  кунаклары булдылар. Авыл клубы хезмәткәрләре, укучылар  көче белән әзерләнгән  концерт-тамаша да өлкәннәребез күңеленә хуш килде. Бу көнне өлкәннәребез яшьлек елларына кайттылар, яшьлек  җырларын тыңладылар һәм кушылып җырладылар. Аларның кузләрендә шатлык яшьләре җемелдәде. Барысы бер теләкне теләде: еллар имин булсын,табыннар мул булсын һәм сезгә дә бу көннәрне күрергә язсын.

  Мәктәбебездә “Көзге композицияләр”   бәйгесе үткәрелде. Бу бәйгедә укучылар бик теләп катнаштылар. Бәйге ахырында балаларга төрле номинацияләрдә урыннар  билгеләнәчәк. 

29 сентября 2018 года для учителей и ветеранов села  Ташкичу и Мамся  была организована экскурсия в историческое место  г. Билярск. Выражаем  огромную благодарность организации «Таттелеком»  за  предоставленную возможность посетить исторические места, увидеть достопримечательности нашей Республики. В связи с праздником с Днем пожилых людей и приближающимся праздником ко Дню учителя организованная экскурсия оставила неизгладимые впечатления.

   Балаларның куркынычсызлыгы атналыгы кысаларында  классларда тәрбия сәгатьләре үздырылды. Укучылар юл йөрү кагыйдәләрен искә төшерделәр. Юлларда игътибарлы булу максатыннан һәр укучы киемнәрендә һәм сумкаларында яктылык кайтаргычлары булдырдылар.