Бүген, 2019 нчы елның 19 январе мәктәп тирәсе шау-гөр килеп торды. Укучылар, әти-әниләр кышкы ГТО нормативларын тапшыру ярышларына җыйналды. Башта чаңгы ярышлары үткәрелде. Аннан соң спорт залында нормативлар тапшыру оештылылды.

     Чаңгы ярышында җиңгән һәм призлы урын яулаган һәрбер төркем вәкилләренә һәм ярышларда катнашучыларга истәлекле бүләкләр тапшырылды. Соңыннан кунаклар һәм укучылар ашханәдә коймак белән чәй эчтеләр.

С 16 по 18 января на базе МБОУ «АСОШ №6» Университет Талантов провел обучающие модули для школьников и учителей Арского муниципального района.  Университет Талантов - это коммуникационная площадка, где школьники раскрывают потенциал и развивают компетенции. Здесь школьники учатся проектировать и управлять своим развитием. Из нашей школы в обучении  активно участвовал ученик 8 класса Гараев Асгат.

​Бүген Мәмсә мәкт​әбендә ата-аналар җыелышы уздырылды.Әти-әниләр 2нче чирек нәтиҗәләре, алда торган бурычлар белән таныштырылдылар.Тәрбия мәсьәләсенә аерым басым ясалды.Әти-әниләрнең фикерләре тыңланды,киңәшләр бирелде.

    16 январь – Ш.Мәрҗанинең туган көне .Шул уңайдан мәктәптә Мәрҗани турында истәлекләрне кабат искә төшердек. Музей экскурсоводлары 1-6 класс укучыларына галимнең балачагы, мәдрәсәдә укыган еллары турында сөйләделәр.

     Бу көннәрдә “2018 нче ел - Ш.Мәрҗани елын йомгаклау” рамкасы астында эш бара. Укучылар һәм укытучылар шушы истәлекле елны йомгаклау конференциясенә әзерләнәләр.

Хөрмәткә һәм  данга лаек була,

                                                                      Саф намуслы хезмәт кешесе.

                                                                   Җирдә үз урынын таба ала

                                                                   Йөрәген ул бирсә эш өчен.

Бүген,  12 январь көнне, Ташкичү төп гомум белем  мәктәбендә зур бәйрәм уздырылды. Үзенең  40 елдан  артык гомерен балаларга белем һәм тәрбия бирүгә багышлаган хөрмәткә лаек олы шәхес – Гарифжанов Мәсхүт Зариф улы үзенең 60 яшьлек юбилеен билгеләп үтте.  Юбилярны котлауда  Арча районы мәгариф идарәсе начальнигы Мөхәммәдияров Рамил Данил улы, мәгариф хезмәткәрләренең  профсоюз оешмасы рәисе  Харисов Вакыйф Вагыйз улы, Ташкичү авыл җирлеге  ветераннар советы рәисе Насыйбуллина Розалия Ибраһим кызы, Г. Тукай исемендәге  Ашитбаш урта мәктәбенең элеккеге директоры Шавалиева Рәмзия Азат кызы һәм ветеран укытучылар  катнаштылар.

6 нчы класс укучыларына ел буена Бөек Ватан сугышында һәлак булганнар истәлегенә куелган һәйкәлне карап тору йөкләнелгән иде. Алар бу эшне башкаруда бик зур җаваплылык тоеп һәм тырышлык куеп башкаралар. Буген дә алар һәйкәл әйләнәсен кардан чистарттылар.

Карлы кыш - балаларга   күңел ачу  өчен  иң яхшы вакыт.Балаларга хәрәкәтле һәм кышкы уеннар саф һавада күңел ачу  зур шатлык китерә. 7 январь көнне мәктәбебездә укучылар, әти-әниләр катнашында “Күңелле кышкы уеннар”  исемле гаилә бәйрәме үткәрелде. Кыш бабай һәм  Кар кызы белән кызыклы уеннар уйнап күңел ачтылар. Бүгенге уеннар барлык укучыларга һәм әти-әниләргә бик ошады.

Спорт ул – сәламәтлек. Сәламәт булуның юлы бер - хәрәкәт итү. Озак hәм бәхетле яшисең килсә, булган сәламәтлекне ныгыту, саклау турында кайгыртырга, үзең өстендә бик күп эшләргә кирәк. Шуңа күрә укучыларыбызны һәрдаим спортка тартырга тырышабыз. Шул уңайдан спортзалда укучылар һәм әти-әниләр катнашында “Күңелле стартлар” ярышы үткәрелде. Ярыш бик күңелле, мавыктыргыч үтте

4 январь көнне мәктәп укучылары һәм студентлар арасында волейбол ярышлары уздырылды. Һәр ике команда да оста һәм матур уен курсәттеләр.