Татарстанда һәм районыбызда  «Мәктәпкә җыенырга ярдәм ит!» республика акциясе старт алды. Акция балалары беренче сыйныфка баручы мохтаҗ гаиләләргә ярдәм итү максатында хәйриячеләр игътибарын җәлеп итүгә юнәлдерелгән.

Бүген безнең җирлектә Татар конгрессы делегатлары кунак булды. Алар татар авылы өйләренә таралыштылар, җирлекнең яшәү рәвеше белән таныштылар. Мәгариф, мәдәният учреждениеләренең эшен күзәттеләр. Мәктәптә аларны укучылар һәм укытучыларыбыз, техник хезмәткәрләр  махсус төзелгән программа буенча кунак иттеләр. Алар өчен мәктәбебез укучылары авылдаш язучыбыз Г.Бакирның “Сабый чак истәлекләре” әсәрен сәхнәләштерделәр, кунакларга тәкъдим иттеләр. Делегатларга әлеге күренешләр бик ошады. Алар мәктәп музее, бакча белән таныштылар, изге теләкләрен әйттеләр. Соңыннан истәлеккә фотога төштеләр.

28 нче июль көнне район хакимияте, мәгариф идарәсе, янгын күзәтчелеге, газ идарәсе, Роспотребнадзор, район эчке эшләр бүлеге, балигъ булмаган балалар белән эшләү комиссиясе һ.б. оешма вәкилләреннән торган махсус комиссия мәктәпнең яңа уку елына әзерлеген тикшерде. Комиссия мәктәпнең әзерлегеннән канәгать булып китте.

Мәктәпнең укытучылар коллективы, техник хезмәткәрләр мәктәпне яңа уку елына әзерлек эшләрен башладылар. Хәзерге вакытта класс-коридорларны чистарту, территорияне тәртипкә китерү эше алып барыла.

Мәктәп бакчасына укучылар көче белән бик күп яшелчәләр утыртылды. Хәзерге вакытта укучылар түтәлләрдәге чупләрне утыйлар, яшелчәләргә су сибәләр.

Бүгенге сәламәтлек минутларын "Кояш, һава һәм су" исеме астында үткәрдек. Төшке ашка кадәр кызыклы уеннар уйнадык, кроссвордлар чиштек. Төшке аштан соң укучылар белән табигать кочагында фотосессия ясадык, аннары, шул фотосурәтләрдән альбом ясап, проектордан карадык. Укучылар бүгенге көннән бик канәгать калдылар.

Бүгенге сәламәтлек минутлары "Түтәлдәге витаминнар" исеме астында утте. Укучылар белән спорт, сәламәт яшәү рәвеше һәм танылган Россия спортчылары турында әңгәмә үткәрелде, "Кыюрак, тизрәк, ераграк" дип аталган ярыш оештырылды. Төшке аштан соң укучылар спорт төрләре турында мултьфильм карадылар