9 декабрь Ватан геройлары көне буларак билгеләп үтелә. Бу - Советлар Союзы геройларын, Россия Федерациясе геройларын, Дан һәм Изге Георгий орденнары кавалерларын хөрмәтләү, мәрхүмнәрне искә алу көне. Шушы уңайдан 6 сыйныф укучылары Cоветлар Cоюзы геройлары турында мәгълүматлар табып чыгыш ясадылар.

Истәлекле дата уңаеннан бүген барлык классларда да чаралар үтте. 5 нче класс укучылары ил һәм халык алдында эшләнгән батырлыклары өчен бик күп шәхесләрнең герой исеменә лаек булуларын белделәр. Кемнеңдер гомерен саклап калу максатыннан үзләрен кызганмаган геройлар язмышы укучыларны таң калдырды.

Гадәттән тыш хәлләр һәм куркыныч очракларны булдырмау һәм эвакуацияләүне  тиешенчә оештыру максатыннан районда ГО буенча өйрәнүләр узды. Мәктәбебез дә әлеге чарага ныклап әзерләнде һәм практик эшне уңышлы башкарып чыкты.

Бүгенге көндә коррупциягә каршы көрәш алып барыла. Чыгарылган законнар, “түгәрәк өстәлләр”, “кайнар элемтәләр” һичшиксез, тормышыбызны бу “чирдән” дәваларга ярдәм итәр дип ышанасы килә. Ришвәтчелек – кешенең сафлыгын, акылын, намусын, оятын, гаиләсен юкка чыгаручы, җәмгыятьнең барлык өлкәләрен дә биләп алган гомуми бәла. Әлеге тема буенча 7 нче сыйныфта "Коррупциягә юк дибез" исеме астында класс сәгате үткәрелде.

4 декабря  в школе прошла  акция «Количество свечек зависит от тебя». Участники проекта «СМС-дети» провели с детьми и взрослыми разъяснительную беседу, в конце мероприятия вручили красную ленту-международный символ солидарности с ВИЧ-инфицированными людьми, раздавали буклеты и памятки с информацией.

Дөнья җәмәгатьчелеге 1 нче декабрьне Бөтендөнья СПИДка каршы көрәш көне буларак билгеләп үтә. Бүген укучылар белән замананың иң яман чире булган авыру - СПИД турында сөйләшүләр уздырылды. ВИЧ вирусының организмда нинди реакцияләр китереп чыгаруы төркемнәрдә уен элементлары аша аңлатылды. Укучыларга тормышка куркыныч янаучы  аянычлы хаталар ясаудан сак булырга кирәклеге төшендерелде.

30 нчы ноябрь көнне мәктәптә Арча муниципаль районы гомуми белем мәктәпләренең физик культура  укытучылары семинары узды. Темасы - “ФДББС шартларында физик культура дәресләрендә укучыларның сәламәтлеген формалаштыру”. Семинар барышында физик тәрбия укытучысы Минһаҗев М.В. 5 нче класс укучылары белән ФДББС буенча ачык дәрес күрсәтте. Семинарга килүчеләр белән блиц-турнир, уеннар оештырылды, “Сау кешегә көн дә бәйрәм” исеме астында укучылар катнашында концерт (оештыручылар - Солтанова И.А., Гайнуллин Б.М.) тәкъдим ителде. Кунакларны мәктәпнең “Туган якны өйрәнү музее” белән Шәфигуллин Н.Ф.таныштырды. Йомгаклау өлешендә мәгариф идарәсе методисты Хәбибуллин И.А. чыгышы тыңланды, фикер алышулар булды, алдагы көннәргә эшләр планлаштырылды.