муниципальное бюджетное общеобразовательное учреждение «Среднекорсинская основная общеобразовательная школа» Арского муниципального района РТ/Татарстан Республикасы Арча муниципаль районының "Урта Курса төп гомуми белем мәктәбе" муниципаль бюджет гомуми белем учреждениесе
Визитная карточка
| Адрес: | 422024, РТ, Арский район, д. Средняя Корса, ул. Молодежная, д. 11/Татарстан Республикасы Арча муниципаль районы, Урта Курса авылы, Яшьләр урамы,11 нче йорт |
| Телефон: | (884366)53443 |
| E-Mail: | Sskor.Ars@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Среднекорсинская ООШ" |
| Руководитель: | Яруллин Радик Ракипович |
| Год основания учреждения: | 1902 |
| У нас учатся: | 83 учащихся / Бездә укыйлар: 83 укучы |
| У нас учат: | 18 учителей / Бездә укыталар 18 укытучы |
Доска объявлений / Яңалыклар
Страницы: << 261 262 263 264 265 266 267 ( 268 ) 269 270 >>
-
Волейбол ярышы 28.09.2017
Бүген мәктәбебезнең кызлар командасы Яңа Кенәр мәктәбендә уздырылган волейбол ярышында катнашты, уңышлы чыгыш ясады. Кызларыбыз 4 нче урынга лаек булды. Афәрин, кызлар!
-
ТР Яшь Гражданнар Форумы 25.09.2017
24 нче сентябрьдә районда Татарстан Республикасы Яшь Гражданнар Форумы узды. Анда балалар оешмаларының иң актив укучылары һәм педагоглар җыелды. Бу Форумда укучылар 9 станциядә шөгыльләнделәр. Пленар утырышта Осина Любовь Михайловна катнашты. Соңыннан иң актив укучыларга бүләкләр тапшырылды. Мәктәбебез укучысы Солтанова Камилә “Иң позитив фотография” номинациясендә беренче унлыкка керде.
-
“Тынычлык күгәрченнәре” 21.09.2017
21 нче сентябрь көнне укучылар “Тынычлык күгәрченнәре” акциясендә катнаштылар. Илебез иминлеге өчен яу кырында башларын салган ветераннарыбызның исемнәре язылган ак күгәрченнәрне, шарларга бәйләп, күккә очырдылар.
-
Укучыларга мәдәни көндәлек ташыру 20.09.2017
Башлангыч сыйныф укучылары кулларына кабат "Мәдәни көндәлек" алдылар. Төсле, матур, шул ук вакытта эчтәлекле әлеге басма аларны уку елы буенча кызыклы биремнәре, мавыктыргыч сәхифәләре белән сөендерәчәк.
-
“Поделись улыбкой! - Елмаю бүләк ит!” акциясе 18.09.2017
“Мөстәкыйль балалар” республика проекты кысаларында мәктәбебезнең “Ritm” отряды әгъзалары “Поделись улыбкой!-Елмаю бүләк ит!” акциясе үткәрделәр. Акциядә катнашучылар авыл кешеләре белән очрашып, сәламәт яшәү рәвешен пропагандаладылар, һәр кешегә елмаюлы смайликлар бүләк иттеләр, күтәренке кәеф теләделәр. Укучылар да, авыл халкы да шатлыкларын бүлеште.
-
Көзге уңышны җыю 14.09.2017
Укучылар, укытучылар көче белән мәктәп бакчасында бик күп төрле яшелчә, җиләк-җимеш, бәрәңге үстерелде. Хәзер бакча мул уңыш белән сөендерә. Көннәр матур, кояшлы торганда укучылар бакчада үстерелгән бәрәңгене алалар.
-
"Экстремизмга - юк!" айлыгы 11.09.2017
Бүген укучылар алдында авыл мәдәният йорты директоры Гатауллина Р.Р. “Экстремизмга – юк!” дигән тема буенча чыгыш ясады. Аның чыгышы укучыларда милләтара дуслык, хөрмәт һәм түземлелек тәрбияләүгә юнәлдерелгән иде. Гатауллина Р.Р. шулай ук укучылар белән эчүчелеккә каршы әңгәмә уздырды, киңәшләрен бирде, сәламәт яшәү рәвешен пропагандалады.
-
Инспектор белән очрашу 07.09.2017
Бүген укучылар белән очрашуга район администрациясенең әйдәп баручы белгече, мәктәпләр инспекторы Нигъмәтуллин М.К. килде. Ул укучыларга җәмәгать урыннарында үз-үзеңне тоту, юлда йөрү кагыйдәләрен тагын бер кат искәртте, "Экстремизмга - юк!" айлыгы барышында укучылар белергә тиешле мәгълүматларга тукталды, киңәшләрен бирде. Әлеге очрашу укучылар өчен бик кирәкле һәм файдалы булды.
-
Гриппка каршы вакцина 06.09.2017
Татарстан Сәламәтлек саклау министрлыгы белгечләре әйткәнчә, грипп – балаларны да, олыларны да аямый торган йогышлы авыру. Аннан саклануның иң ышанычлы юлы – гриппка каршы вакцина ясату. Прививкадан соң кеше организмында гриппка каршы иммунитет барлыкка килсен өчен ике-дүрт атна вакыт кирәк, шуңа да табиблар вакцинаны авыру эпидемиясе башланганчы, көз көне, ягъни сентябрь-ноябрь айларында ясатырга киңәш итә.Хәзерге вакытта Татарстанда гриппка каршы прививка ясау кампаниясе башланды. Барлыгы 1 млн 69 мең кешене вакциналаштыру планлаштырыла. Татарстанда бары тик Россиядә җитештерелә торган олылар өчен “Гриппол” һәм балалар өчен “Гриппол плюс” вакциналары гына кулланылачак.Прививка ясату турында яшәү урыны буенча һәрбер сырхауханәдә белешергә була. Ул федераль бюджет чараларыннан бушлай ясала. Быелгы планлы күрсәткечләргә килгәндә, 7 яшькә кадәрге 55 мең балага, 173 мең мәктәп укучысына, студентларга, медицина хезмәткәрләренә, хезмәт күрсәтү өлкәсендә эшләүчеләргә гриппка каршы прививка ясау ниятләнә. Бүген безнең мәктәптә дә фельдшерлар укучыларга гриппка каршы вакцина ясадылар. -
“Экстремизмга – юк!” айлыгы старт алды 05.09.2017
Әлеге акция Татарстанда дүртенче ел рәттән Республикада халыкара һәм конфессиональара килешүләрне ныгыту, террорчылык һәм экстремизмны профилактикалау, шулай ук җәмәгать фикерен булдыру өчен уздырыла.Айлык план Президент боерыгы белән расланган. Аны уздыруда прокуратура, тәртип саклау органнары, иҗтимагый оешмалар, белем бирү һәм мәдәният учреждениеләре, ММЧ, җәмәгатьчелек актив катнаша. Айлык барышында экстремизмга каршы юнәлештәге чаралар– гомуми белем дәресләре, рәсемнәр һәм иншалар бәйгесе, укучылар катнашында түгәрәк өстәлләр, спорт уеннары, халык лекцияләре һ.б. уздырылачак. Ул 30 сентябрьгә кадәр дәвам итә – бу чорда экстремизмны профилактикалау чаралары көчәйтелә.
