3 нче март көнне "Арча" спорткомплексында 2002-2003 нче елгы егетләр һәм кызлар арасында волейбол буенча Арча районы беренчелегенә ярышлар булды. Әлеге ярышта мәктәбебезнең кызлар командасы катнашты. Киеренке ярышта кызларыбыз 2 нче урынны яулады. Команда уенчылары: Солтанова К., Мингазова И. Бикбаева А., Бакирова Д., Зәйнетдинова Э., Хөснетдинова И., Габидуллина Г., Нуруллина И. Ярышларга команданы тренер Насыйбуллина А.Ф. әзерләде. Афәрин, кызлар!  Сезгә алдагы ярышларда да җиңүләр насыйп булсын!

Бүген гаиләләр арасында "ГТО ны гаилә белән" дип аталган уеннарның мәктәп туры узды. Гаиләләр чаңгыда йөрү, озынлыкка сикерү, турникта тартылу, этелү  кебек ГТО  төрләре буенча көчләрен сынадылар. Әлеге ярыш гаиләләр арасындагы дуслыкка корылган иде. 

Ватанны саклаучылар көне уңаеннан һәм патриотик айлык барышында 5-9 нчы класс малайлары арасында "Иң көчле егет" бәйгесе узды. Малайлар спортның төрле төрләре буенча көчләрен сынадылар, көчлелектә, җитезлектә үзара ярыштылар. Мәктәпнең "Иң көчле егете" булып 7 нче класс укучысы Вәлиев Илмир танылды. Афәрин, Илмир!

Математика атналыгы кысаларында бүген  6 нчы һәм 7 нче сыйныф укучылары арасында  “Бөек математиклар”  исеме астында кичә  узды. Анда укучылар атаклы математиклар турында күп кенә кызыклы мәгълүматлар тупладылар, презентация карадылар, иптәшләренең чыгышларын тыңладылар, сорауларга җаваплар бирделәр.

Хәрби-патриотик тәрбия бирү айлыгы кысаларында мәктәбебездә 5-9 нчы класс укучылары өчен "Офицерлар" дигән нәфис фильм күрсәтелде. Вакыйгалар 1920-1960 нчы елларда бара.  Әлеге фильм үрнәгендә укучыларга батырлык төшенчәсе аңлатылды. Егетләрнең батырлыгы, максатка нык омтылышы безгә һәрчак үрнәк булсын!..

21 нче февраль -  Һәр милләт, һәр халык өчен бәйрәм көн - Халыкара туган тел көне.  Татар халкының бөек шагыйре Габдулла Тукай иҗатыннан башка татар телен күз алдына да китерүе кыен. Халыкара туган тел көне уңаеннан 2 сыйныф укучылары   Г.Тукай шигырьләренә иллюстрацияләр ясадылар.