Рамил Курамшин – татар баян музыкасын үстерүдә фидакарьләрчә хезмәт итүче баянчыларның берсе.

Күптән тугел Арча балалар сәнгать мәктәбендә Рамил Курамшин исемендәге VI республика баянчылар һәм гармунчылар конкурсы узды. Әлеге мәртәбәле конкурста мәктәбебезнең 4 нче класс укучысы Минһаҗев Самат та катнашты. “Баян” номинациясендә 12 яшькә кадәргеләр арасында Самат Минһаҗев 1 нче урынга лаек булды. Саматны һәм аның баян укытучысы Гайнуллин Б.М. зур җиңүләре белән котлыйбыз!

Укучылар тарафыннан бик күп изге эшләр башкарыла. Каникул вакытында авылдашларыбызның сугыш вакытында төшкән фотоларын барласалар, бу юлы "Мөстәкыйль балалар" төркеме активистлары һәйкәл янын кардан чистарту эшендә катнаштылар.

Бүген "Барыбыз да чаңгыга! акциясенә кушылып, мәктәбебез укучылары һәм укытучылары массакүләм чаңгы шууда катнашты. Күңел күтәренкелеге алып, чаңгы эзе буйлап барыбыз да рәхәтләнеп шудык, бергәләп фотога да төштек.

Каникул көннәрендә 9 нчы класс укучылары график буенча консультацияләргә йөриләр. Бүген алар рус теле фәненнән төрле катлаулылыктагы биремнәр эшләделәр.

Кыш - тылсымлы вакыт. Кыш - хуш исле чыршылар, күңелле бәйрәмнәр вакыты. Зарыгып көткән кышкы каникул көннәрендә балалар чана-чаңгыда шуалар, кар атышып уйныйлар, тәгәрәтеп, Кар бабай ясыйлар. Саф һавада күмәк уеннар белән ялларын күңелле уздыралар.

26 декабрь көнне мәктәбебезнең 9 сыйныф укучылары Солтанова Камилә һәм Мөхәрләмов Айдар Арча районы администрация башлыгының чыршы бәйрәмендә катнаштылар. Бәйрәм бик күңелле узды.

21 декабря члены отряда  «Ritm» проводили  акцию «Подари чудо». Ребята побывали в детском саду «Лейсан», подарили детям подарки, вместе с ними  выучили песни. Поздравили всех учителей и учащихся с Новым годом,  подготовили своими руками новогодние игрушки. Все, кто участвовал в акции,  остались довольные.

Укучылар каникулга таралыр алдыннан бүген авыл китапханәсе мөдире Гайнуллина А. укучылар белән очрашты һәм аларга бик күп татар һәм рус телләрендә матур әдәбият китаплары тәкъдим итте. 

Әнә шундый матур шигырьләр сөйләп, җырлар җырлап, күңелле биюләрен биеп бәйрәм итте бүген укучыларыбыз.  Башта Яңа елны бик яхшы билгеләренә генә укып каршылаган, төрле олимпиадаларда, класстан тыш чараларда, конкурсларда, спорт ярышларында актив катнашкан укучыларыбыз бүләкләнде. Кыш бабай һәм Кар кызы катнашу бәйрәмгә тагын да ямь өстәде. Алар мәктәп тирәсен сыннар белән бизәүдә, Яңа ел уенчыларын матур итеп ясауда актив катнашкан классларны төрле номинацияләрдә бүләкләде.  Бизәлгән чыршы тирәсендә  укучылар төрле әкият геройлары булып уйнадылар, тамаша күрсәттеләр. Шушы кичәне әзерләүдә катнашкан һәркемгә зур рәхмәтебезне җиткерәбез! 

Яңа ел бәйрәме якынлашуга, мәктәп тирәсе ел саен кардан ясалган сыннар белән бизәлә. Быел да укучылар һәм укытучылар фантазияләрен эшкә җигеп, төрле әкият геройларыннан матур мәйданчык ясап куйдылар. Молодцы!