Бүген укучылар белән очрашуга районның балигъ булмаганнар белән эшләүче инспекторы Диярова Р.Г. килде. Ул укучыларга җәмәгать урыннарында үз-үзеңне тоту кагыйдәләре, зарарлы гадәтләрнең зыяны, аларны кисәтү чаралары турында сөйләде, законнар белән таныштырды. Очрашу укучылар өчен бик файдалы булды.

Продолжается школьный этап олимпиад.Сегодня ученики 5-9 классов выполняли задания по литературе.

    4 нче сыйныф укучылары белән "Законнар кайда туа?" темасына парламент дәресе узды. Укучылар белән хокуклар һәм бурычлар, дәүләтнең законнар җыелмасы - конституция, конституциянең үтәлешен контрольдә тотучы - президент, федераль җыен - парламент турында мәгълүмат бирелде.

 Иртәнге линейкада укучыларның тәртибенә, укуларына анализ ясалды. "Иң күп бишле" алучы класс һәм укучылар билгеләп үтелде. Спорт буенча актив укучыларга рәхмәт белдерелде.

       Ничек табигатьнең матурлыгын күрә белергә, серенә төшенергә, тылсымлы авазын ишетергә?...Моның өчен ерак сәяхәтләргә чыгып, эзләнүләр үткәрергә кирәк түгел. Үзебезне чолгап алган табигатькә күңел күзе белән карасаң, һичшиксез аның матурлыгын күрерсең, серенә төшенерсең һәм тылсымлы авазын ишетерсең.

    12 нче октябрь көнне Сарай-Чокырча башлангыч мәктәбендә спорт темасына класс сәгатьләре үткәрелде. Укучылар белән спорт һәм сәламәтлек, ГТО нормаларын тапшыру турында сөйләшенде.  Соңыннан “ГТО – глазами ребёнка” Республика конкурсына рәсемнәр ясалды. 

Буген укучыларыбыз мәктәп бакчасында соңгы көзге уңыш - кишер һәм чөгендер алдылар.

   Дүшәмбе көнне мәктәбебезнең һәр классында  политинформация үтә. Укучылар газета- журналлардан тапкан кызыклы мәгълүматлар белән классташларын да таныштыра.

     Хөрмәтле Укытучыларыбыз! Сезне һөнәри бәйрәмегез белән чын күңелдән котлыйбыз. Авыр, әмма җаваплы һәм мактаулы эшегездә зур уңышлар, саулык-сәламәтлек, бәхет, шатлык, озын гомер телибез.