муниципальное бюджетное общеобразовательное учреждение «Среднекорсинская основная общеобразовательная школа» Арского муниципального района РТ/Татарстан Республикасы Арча муниципаль районының "Урта Курса төп гомуми белем мәктәбе" муниципаль бюджет гомуми белем учреждениесе
Визитная карточка
| Адрес: | 422024, РТ, Арский район, д. Средняя Корса, ул. Молодежная, д. 11/Татарстан Республикасы Арча муниципаль районы, Урта Курса авылы, Яшьләр урамы,11 нче йорт |
| Телефон: | (884366)53443 |
| E-Mail: | Sskor.Ars@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Среднекорсинская ООШ" |
| Руководитель: | Яруллин Радик Ракипович |
| Год основания учреждения: | 1902 |
| У нас учатся: | 83 учащихся / Бездә укыйлар: 83 укучы |
| У нас учат: | 18 учителей / Бездә укыталар 18 укытучы |
Доска объявлений / Яңалыклар
Страницы: << ( 261 ) 262 263 264 265 266 267 268 269 270 >>
-
Фәнил Гарәфиев истәлегенә чаңгы ярышлары 30.01.2018
27 нче январь көнне Иске Кырлай мәктәбендә Фәнил Гарафиев истәлегенә чаңгы ярышлары уздырылды. Ярышларда мәктәбебез чаңгычылары да катнашты. Укучылар 4 төрле яшь категориясенә бүленеп ярыштылар. Нәтиҗәләр түбәндәгечә булды:2006 нчы елгы һәм аннан яшьрәк малайлар арасында Шагниев Рәмзил – 3 урын, (5 класс), 2004-2005 нче елгы малайлар арасында Яруллин Даниф - 3 урын (7 класс). Бикбаева Алия (6 кл.), Бакирова Диләрә (7 кл.), Мингазова Илүзә (9 кл.), Зәйнетдинов Илмир дә уңышлы чыгыш ясап, беренче унлыкка керделәр. Команданы ярышларга физик тәрбия укытучысы Минһаҗев М.В. әзерләде.Төп гомуми белем бирү мәктәпләре арасында мәктәп командасы 2 нче урынны яулады. Җиңүчеләр кубок, медаль һәм грамоталар белән бүләкләнделәр. Без дә команданы җиңүләре белән котлыйбыз! -
"Дустың булу - зур бәхет!" 24.01.2018
Дуслык - нинди матур сүз! Дус – ул сиңа һәрвакытта да ярдәмгә килүче әниең, әтиең. Дус – ул яраткан китабың, аны укыган саен укыйсы килә. Дус – ул сине белем иленең серләренә төшендерүче укытучың. Дус – ул колаклары өзелгән, сиңа авыр вакытта зарыңны тыңлаучы яраткан йомшак уенчыгың. Дуслык – ул бик кыйммәтле язмыш бүләге. Дуслык безгә укырга, эшләргә, яшәргә ярдәм итә. Ул безне әйбәтрәк, яхшырак, көчлерәк итә. Кешегә дусларсыз яшәү мөмкин түгел. Дустың булу – зур байлык!Бүген 1,3 нче сыйныф укучылары белән "Дустың булу - зур бәхет!" темасына сыйныф сәгате узды. -
Рус теле фәненнән сынау имтиханы 22.01.2018
Бүген 9 нчы класс укучылары рус теле фәненнән сынау имтиханы тапшырды. Мәктәпкә Сеҗе зонасына кергән барлык мәктәпләрнең чыгарылыш класс укучылары килде. Укучыларга мәктәптә имтихан тапшыру өчен барлык шартлар да тудырылды.
-
Республиканское родительское интернет-собрание 19.01.2018
19 января с 12:00-13:30 состоится республиканское родительское интернет-собрание на тему "Виртуальная жизнь ребенка: интернет-друг или враг?". Прямая online-трансляция состоится на сайте киу.рф.
-
Котлыйбыз! 17.01.2018
Бүген атналык линейкада төрле ярышларда, конкурсларда катнашып җиңү яулаган укучылар бүләкләнде. 9 нчы классның 5 егете дә район башлыгы призына уздырылган көрәш ярышында катнашып, призлы урыннарга лаек булдылар, дипломнар һәм медальләр, истәлекле бүләкләр белән бүләкләнделәр.
-
Шиһабетдин Мәрҗанинең тууына 200 ел 16.01.2018
2018 елның 16 нчы декабрендә бөек татар галиме Шиһабетдин Мәрҗанинең тууына 200 ел була. Шушы истәлекле дата уңаеннан бүген класс сәгатьләрендә мәшһүр татар мәгърифәтчесе, фәлсәфәчесе, тарихчысы, дин әһеле, педагог, археолог, этнограф, көнчыгыш халыклар белгече, энциклопедик галим, реформатор, күпкырлы шәхес Шиһабетдин Мәрҗани, аның күптармаклы эшчәнлеге турында укучыларга мәгълүмат җиткерелде.
-
Район башлыгы призына көрәш ярышы 15.01.2018
13 гыйнварда Яңа Кенәр мәктәбе спорт залында район башлыгы призына татарча көрәш буенча ярышлар булды. Биредә 2002—2004 нче елгы мәктәп укучылары бил алышты. Көрәштә барысы 80 ләп яшүсмер, шул исәптән безнең мәктәптән 5 укучы катнашты.Нәтиҗәләр түбәндәгечә булды.65 кг.лы үлчәүдә Илназ Закирҗанов (2 урын), 70 кг.да Илназ Рамазанов (3 урын), 75 кг. да Рәниф Нурисламов (1 урын), 80 кг. нан югары - Айдар Мөхәрләмов (1 урын), Алим Абдуалимов (2 урын). Барлык көрәшче егетләрне һәм аларның тренерлары М.Г.Әхмәдиевне зур җиңүләре белән котлыйбыз! -
Ата-аналар җыелышы 13.01.2018
Бүген мәктәптә ата-аналар җыелышы үтте. Көн тәртибендә "Шәхес тәрбияләүдә гаилә һәм мәктәп бердәмлеге" темасына чыгыш тыңланды (Солтанова И.А.), чирек һәм олимпиадалар нәтиҗәләре буенча мәгълүмат җиткерелде, дәүләт хезмәтендә теркәлү, телефоннарда кирәкле кушымталар булдыру, әлеге хезмәтләрдән файдалану үзенчәлекләре аңлатылды. Җыелыш классларда дәвам итте.
-
Дөрес тукланыйк!
12.01.2018
Башлангыч сыйныф укучылары белән атнага бер көн "Дөрес туклану" темасына занятие уза. Бу занятиедә сәламәтлек нигезләре, файдалы туклану продуктлары, туклану культурасы, режим белән яшәргә өйрәнү һ.б кызыклы темалар бар. Укучылар өчен быел беренче тапкыр "Разговор о здоровье и правильном питании", "Формула правильного питания" дигән эш дәфтәрләре кайтты. Дәфтәрләр бик кызыклы, төсле. Башваткычлар, кызыклы биремнәр дә күп, кисеп ябыштыру, рәсем ясау өчен билгеләнгән урыннары бар, наклейкалар укучыларга аеруча ошады.
-
11 гыйнвар - “Бөтендөнья рәхмәт көне” 11.01.2018
Бүген мәктәп укучылары “Бөтендөнья рәхмәт көне” чарасында актив катнаштылар. Бер-берсенә изге теләкләр теләделәр, матур сүзләр язылган “йөрәкләр” бүләк иттеләр.
