Бүген Габдулла Тукай исемендәге Әтнә дәүләт драма театры коллективы укучыларга  "Кәҗә белән Сарык маҗарасы" исемле спектакль тәкъдим итте. Сәхнә бизәлеше, костюмнар, әкият геройлары, җырлы-биюле тамаша укучыларга бик ошады. Әлеге театр коллективына зур рәхмәтебезне белдерәбез!

12 нче май көнне мәктәпнең 2006-2007 нче елгы яшүсмерләрдән торган командасы Кукмара районының "Зилант" спорткомплексында узган волейбол ярышында катнашты. Нәтиҗәләр куанырлык: команда лаеклы рәвештә 2 нче урынны яулады. (Тренерлары Насыйбуллина А.Ф., Гарифуллин Г.В.)

Шушы ук көнне "Арча" спорткомплексында  кызлар арасында волейбол ярышлары үтте. Мәктәбебезнең кызлар командасы да бу ярышта сынатмады, 3 нче урынны алды. (Тренерлары Насыйбуллина А.Ф., Мингазов М.В.) Афәрин, егетләр, кызлар! Аларга алдагы ярышларда да сезгә җиңүләр телибез.

Бүген 8-9 нчы класс укучылары «Арча аграр-сәнәгать һөнәр көллияте» ндә ачык ишекләр көнендә катнаштылар. Әлеге уку йорты турында аларга тулы мәгълүмат җиткерелде. Укучылар төрле кабинетларда булдылар, материаль-техник база белән таныштылар.

Укучылар шарлар, чәчәкләр, транспарантлар, бабаларының, авылдашларыбызның фотоларын тотып "Үлемсез полк" акциясенә кушылдылар. Тантаналы төстә атлап, һәйкәл янына килделәр.

Бөек Җиңүнең 73 еллыгы уңаеннан бүген авылдашлар истәлегенә салынган һәйкәлгә венок салынды һәм  авыл мәдәният йортында тантаналы митинг үтте. Укучылар тыл ветераннарын, сугыш чоры балаларын котлап чыгыш ясадылар. Бәйрәм концерты ветераннар хөрмәтенә әзерләнгән табын янында дәвам итте.

Бүген Арча агро сәнәгать көллиятеннән килгән педагоглар мәктәпнең 8-9 нчы класс укучылары белән очраштылар. Укучыларга көллият турында, укырга керү шартлары, белгечлекләр турында тулы мәгълүмат бирелде.

Тирә-якны яшеллеләндерү максатыннан уздырылган агач утырту акциясендә бүген укучылар да катнашты. Алар барлыгы 600 төп яшь үсенте утыртты. 

Бүген мәктәп тирәсе җыештырылды.  Өмәдә барлык укучылар да актив катнашты.

28 нче апрель көнне "Арча" спорткомплексы спортзалында 2006-2007 нче елгы яшүсмерләр командалары арасында волейбол буенча ачык турнир үтте. Әлеге ярышта Теләче, Биектау, Кукмара районнарыннан да командалар катнашты. Безнең мәктәп командасы составында Абдуллин Илсаф, Ахунҗанов Айзат, Гатауллин Радик, Зәйнетдинов Илмир, Мингазов Камил, Шагниев Рәмзил, Шәфигуллин Камил, Яруллин Рәниф уйнады. Бик киеренке уенда команда (тренеры - Насыйбуллина А.Ф.) призлы 2 нче урынны яулады. Команда уенчыларын, аларның тренерларын зур җиңүләре белән котлыйбыз!