Бүген "Көлке көне" - отрядлар арасында КВН узды. Барыбыз да тапкырлыкта, зирәклектә сыналдык.

Бүген «Мин һәм минем дусларым»  темасына фотосессия узды. «Мин - иң остасы!» исемле чара үткәрелде. 

Иртәнге линейкадан соң саф һавада уеннар оештырылды. Аннары "Малайлар көне" оештырылды. Малайлар үзләренең физик мөмкинлекләре, тапкырлыклары, зирәклекләре буенча ярыштылар. Көндезге аштан соң Урта Курса Мөхәммәтвафа мәчетенә экскурсиягә керделәр. Көн бик уңышлы узды.

Бүген "Беркем дә онытылмый, бернәрсә дә онытылмый" девизы астында укучылар "Чиста обелиск" акциясендә катнаштылар.

Бүген лагерьда безнең тема  - "Әкияттә кунакта".  Отрядлар арасында әкиятләрне белү һәм сәхнәләштерү буенча конкурс оештырылды. Аннары  Г. Тукай әкиятләрен сәхнәләштерү буенча үзебезне сынадык..

16 июнь - "Син үзеңне беләсеңме?" - үзеңнең физик мөмкинлекләрең, белемең, иҗади осталыкларыңны сынау көне.

  "Яшь буын сәламәт яшәү рәвеше сайлый" темасына әңгәмә узды, начар гадәтләрне куллануга каршы пропаганда чаралары үткәрелде. Отряд газеталары, рәсемнәр, шигырьләргә конкурс оештырылды. 

"Сәламәтлек минутлары" көндәлек режим темасына багышланды. Саф һавада уеннардан соң туган авылыбыз урамнары буйлап сәяхәткә чыктык. Чишмәләрне карадык, изгеләр чишмәсенең тирә-ягын чүп-чардан чистарттык, чишмә тирәсендә дару үләннәре җыйдык. 

Балалар белән янгын куркынычсызлыгы буенча әңгәмә үтте. Аннары бергәләшеп бу темага карата "Кошкин дом" мультфильмын карадылар. 

Укучылар белән "Россия -минем Ватаным!" темасына әңгәмә үтте. Россия символлары, Россиянең истәлекле урыннары буенча виртуаль сәяхәткә бардык. "Һәрвакыт булсын кояш! темасына рәсемнәр конкурсы үтте.