Җәйге табигать искиткеч матур. Авылыбызның гүзәл урыннарын, киң болыннарын күреп соклану өчен бүген походка чыктык. Уеннар уйнадык, рәхәтләнеп күңел ачтык.  

Бүген укучылар белән юлда йөрү кагыйдәләре буенча әңгәмә үтте. Бергәләшеп "Смешарики" мультфильмын карадылар. Юл кагыйдәләре буенча интеллектуаль уен үтте, темага карата рәсемнәр ясалды. 

Бүген  лагерьда спорт көне. Спорт-ул сәламәтлек. Бары тик сәламәт кеше генә Туган илен саклый һәм яклый алырга сәләтле. Бүген укучылар белән "Күңелле стартлар" уены оештырылды. Балалар үзләренең иң кыю, иң җитез, иң тапкыр икәнлекләрен күрсәттеләр. Көн азагында актив уен күрсәткән балалар бүләкләнде. Молодцы!

Бүген балалар белән җәмәгать урыннарында үз-үзеңне тоту кагыйдәләре темасына әңгәмә үтте. Аннары тематик уен оештырылды. Укучылар төрле ситуацияләрдә үзләрен ничек тотарга икәнен уйнап күрсәттеләр.

Бүген балалар белән спорт темасына әңгәмә үткәрелде. Стадионда спорт ярышлары оештырылды. Лагерь почмагы ясалды.

1 июньнән 15 балага исәпләнгән көндезге мәктәп яны лагере  эшли башлады. Мәктәп яны лагере программасы балаларның яшь үзенчәлекләрен исәпкә алып төзелде. Ул үз эченә акцияләр һәм рухи-әхлакый, патриотик тәрбия бирү, сәламәт яшәү рәвешен пропагандалауга юнәлтелгән төрле кызыклы ярышларны алган. 

Алда җәйге яллар көтә. Мәктәп күләмендә уздырылган линейкада укучыларга тагын бер мәртәбә җәйге чордагы куркынычсызлык, үз-үзеңне тоту кагыйдәләре искәртелде. Уку елы дәвамында төрле конкурсларда, ярышларда катнашкан укучылар диплом һәм грамоталар белән бүләкләнде.