28 нче декабрь көнне мәктәп коллективы Урта Курса авыл җирлеге, "Курса МТС" ы белән берлектә Арча шәһәрендә уздырылган бәйрәм алды ярминкәсендә катнашты. Сатуга бик күп төрле товар, шул исәптән бәйләнгән әйберләр дә тәкъдим ителде.

Бүген мәктәптә зона буенча шашка, шахмат ярышы үтте. Әлеге ярыш мәгариф профсоюз оешмалары арасында уздырылды. Җиңүчеләр ахырдан дипломнар белән бүләкләнде. 

Бүген Арча мәдәният йортында район башлыгы чыршы бәйрәме булды. Бик матур чыгышлардан сәхнә гөрләп торды.  Бәйрәмгә килгән укучыларны да тик тотмадылар, төрле уеннар уйнатылды. Бу бәйрәмдә катнашу бәхете мәктәбебезнең 4 нче класс укучысы Закирҗанов Кәрим белән 8 нче класс укучысы Яруллин Дәнифкә эләкте. Әлеге бәйрәм балаларга истә калырлык чын Яңа ел бүләге булды. 

24 декабрь көнне мәктәбебездә Яңа ел бәйрәме булып узды. Укучыларыбыз җырга, биюгә, нәфис сүзгә булган осталыкларын күрсәттеләр. Чыршы тирәли Кыш бабай һәм Кар кызы белән җырлап күңел ачтылар, алар белән уеннар уйнадылар. Киләсе  Яңа ел безгә бары яхшы хәбәрләр, муллык, тазалык, гаиләләребезгә иминлек, тынычлык алып килсен иде.

Бүген Арчада чаңгы сезоны ачылуга багышланган район беренчелегенә ярышлар узды. Әлеге ярышта мәктәбебездән 2007-2008, 2009-2010 нчы елгы малайлар һәм кызлардан торган командалар катнашты. Нәтиҗәләр буенча мәктәп командасы 1 нче урынга лаек булды. Барлык ярышта катнашучыларны һәм физик тәрбия укытучысы Минһаҗев М.В. зур җиңүләре белән котлыйбыз! Алдагы ярышларда да җиңүләрен теләп калабыз.

6 нчы сыйныф укучылары белән “Кызыклы математика” дигән сыйныфтан тыш чара үткәрелде. Укучылар командаларга бүленеп, төрле  кызыклы сорауларга җавап бирделәр. Сыйныфтан тыш чараның максаты: 1. Укучыларның танып белү эшчәнлеген активлаштыру; уйлаган фикерне дөрес итеп формалаштырып әйтеп бирү сыйфатын үстерү; математика фәненә иҗади кызыксыну уяту; кызыксынучанлык, эзләнүчәнлек, тырышлык кебек сыйфатлар тәрбияләү. 

Математика атналыгы уңаеннан 5-9 класс укучылары арасында “Иң пөхтә математика дәфтәре” конкурсы узды. Конкурсның төп максаты - укучыларның дәфтәрләрен чиста, пөхтә йөртүләре иде. Нәтиҗәләр түбәндәгечә: Кызлар арасында: 1 нче урын -Хөснетдинова Инзилә (9 класс), 2 нче урын- Бикбаева Адилә (9 класс), 3 нче урын -Гайнуллина Зилә (8 класс). Егетләр арасында: 1 урын -Шагниев Рамзиль (6 класс), 2 урын -Ахунзянов Айзат (6 класс) 3 урын- Хәмзин Ришат (9 класс).

Мәктәптә Арча сәнгать мәктәбенең филиалы эшли. Шушы көннәрдә баян һәм вокал түгәрәгенә йөрүче  укучылар «Яшь талантлар йолдызлыгы» X Бөтенроссия музыкаль башкаручылар конкурсында катнашып, уңышлар белән кайтты. 5 нче класс укучысы Самат Минһаҗев 1 дәрәҗә, 4 нче класс укучысы Кәрим Закирҗанов ll дәрәҗә (укытучылары Б.Гайнуллин) лауреат исеменә лаек булдылар. Укучыларны һәм аларның укытучыларын зур җиңүләре белән котлыйбыз!