“ФГОС кысаларында проект эшчәнлеге аша универсаль уку гамәлләрен формалаштыру” темасына педагогик киңәшмә үтте.Көн тәртибендә I-яртыеллыкка йомгак,алда торган бурычлар һәм аларны хәл итү юллары һ.б.мәсьәләләр каралды.Киңәшмә эшлекле шартларда үтте.

Кышкы каникулларны имин  үткәрү мәсьәләләренә багышланган ата аналар җыелышы булды.Көн тәртибендә I- яртыеллык йомгаклары, 9,11 классларның имтиханнарга әзерлек торышы,каникул чорына эш планы белән таныштыру да бар иде.

9 сыйныф укучылары математикадан имтихан эше башкарып карадылар.Ата-аналар да,укучылар үзләре  дә мондый сынаулар узеңнең мөмкинлекләреңне реаль бәяләргә,имтиханга барганда стрессларны киметергә бик ярдәм итә диеп исәплиләр.

Бүген  мәктәбебездә Яңа ел бәйрәме гөрләп үтте.1-5 класс укучылары “Хуш киләсең,яңа ел!” дигән тамаша әзерләгәннәр иде.Иске елны озаттылар,яңа елны,Кыш бабай һәм Кар кызын каршы алдылар.

11 класс укучысы Мингалиева Динара ,уку алдынгысы һәм җәмәгать эшләрендә дә иң актив катнашучы буларак,президент  елкасында булып кайтты.”Бик күңелле булды,югары дәрәҗәдә оештырылган иде,ошатмыйча мөмкин түгел,шундый бәйрәмгә эләгүем белән мин бик бәхетле !”,-диде ул шат елмаеп.Син моңа лаек,Динара!

Миннебаева Альбина җитәкчелегендә 7 сыйныф укучылары Апас район үзәгендә Үзәк чыршы ачу тантанасында катнаштылар. Зур әзерлек белән оештырылган бәйрәм балалар күңеленә хуш килде.Алда Яңа ел балмаскарады һәм күңелле кышкы каникуллар!

Район күләмендә, ТИН укытучылары арасындагы  конкурсның сайлап алу туры  үткәрелеп,6 укытучы финалга узган иде.Районкүләм финал ярышында мәктәбебезнеңТИН укытучысы Хәйруллин Айдар Әнвәр улы Гран-Призга лаек булды һәм ул Казанда үтәчәк “Ел укытучысы” конкурсы финалында Апас данын яклаячак.Афәрин,Айдар!Уңышларың дәвамлы булсын!

Ак барс банк хезмәткәрләре укытучылар белән очрашып,окей-доктор хезмәте турында тулы мәгълумат бирделәр,өстенлекләрен һәм кеше өчен уңайлы якларын аңлаттылар.Читтән торып ничек специалистлар белән аралашып,кирәкле мәгълуматны алып була икәненә дә инандырдылар.

ПДН начальнигы Михайова Рания Ришат кызы,укучылар белән очрашып,профилактик әңгәмә үткәрде.Имин интернет,71нче  закон үтәлеше,җәмәгать урыннарында уз-узеңне тоту һәм башка мәсьәләләренә тукталды.Күп кенә киңәшләрен бирде,таләпләр куйды.Тормыштан гыйбрәтле мисаллар китерде.

Математика атналыгының чираттагы бәйгесе 5 классларда "Тамчы-шоу" уены белән дәвам итте. Укучылар уендага сорауларны, биремнәрне бик теләп башкардылар.