6 класс укучысы Вәлиәхмәтова Илзирә  Буа шәһәренең 5 нче гимназиясе базасында  төрле фәннәр буенча үткән “Эрудит” республикакүләм  олимпиадада катнашты(укытучысы Музаффарова С.А.) Олимпиаданы МО и Н РТ һәм Республика Олимпиада үзәге оештырды.

Бүген 9 класс укучылары җәмгыять белеменнән имтихан биреп карадылар.Сынауларга әзерлекнең әлеге формасын ата-аналар да,укучылар да уңай бәялиләр.

“Татар теле һәм әдәбияты атналыгы” кысаларында, Миннебаева Альбина мәктәп күләмендә “Без татарлар- туган телебез татар теле” дип исемләнгән бай эчтәлекле чара әзерләп үткәрде.Укучылар туган телебез,аның әһәмияте  турында шигырьләр укыдылар,әдипләребезнең акыллы фикерләрен,киңәшләрен җиткерделәр.Соңыннан туган телебез гимнына әйләнгән “Туган тел” җырын бергәләп башкардык.

Апас үзәк китапханәсендә Ш.Галиевнең 90 еллыгына багышланган “Нәфис сүз осталары бәйгесе” булды.Әлеге бәйгедә 10 класс укучысы Зәйнуллина Илүзә икенче урынга лаек булды һәм мактау грамотасы,истәлекле бүләкләр белән кайтты.

Ватанны саклаучылар көне уңаеннан хәтер чарасы узды.Мәктәбебезнең Хәйруллин Айдар җитәкчелегендәге ЮНАРМИЯ хәрәкәте әгъзалары авылыбыз уртасындагы һәйкәлгә венок салдылар.Хәрби бурычын үтәгәндә һәлак булган батыр солдатларыбызны онытырга хакыбыз юк!

Ватанны саклаучылар көне уңаеннан мәктәп күләмендә үткәрелгән  “Бәйрәмегез белән,әтиләр! “дип исемләнгән кичәгә  укучыларыбызның әтиләре,абыйлары килде.Әтиләр ял да иттеләр,педагогик-психологик ситуацияләр дә чиштеләр һәм төрле фәннәр буенча көч тә сынаштылар.Кичәне 7 класс җитәкчесе Миннебаева А.Ф. әзерләп үткәрде.

Финанс грамоталылыгы көне уңаеннан  укучылар белән очрашуга Ак Барс банк хезмәткәрләре килде.Уукучылар банк карточкаларының өстенлекләре,кредит алу һәм түләү мәсьәләләре хакында тулы мәгълумат  алдылар,укучыларның,укытучыларның күпсанлы сорауларына җаваплар бирделәр.Соңыннан булачак студентлар белән аралаштылар,үзләренә экскурсиягә чакырдылар.

23 февраль Ватанны саклаучылар көне уңаеннан 2б һәм 3б класс укучылары "Әти дә солдат  булган!" дигән кичә үткәрделәр.  Бәйрәмдә төрле ярыш - конкурслар, җыр- биюләр белән үрелеп барды. Әтиләр бер ярыштада да сынатмадылар, ә балалар әтиләре белән горурланып, сокланып тордылар. Бәйрәмнән әтиләр дә, укучылар да яхшы кәеф белән таралдылар.

Ватанны саклаучылар көне уңаеннан районыбызда эшләп килүче педагогик-психологик үзәк оештырган “Минем әти иң әйбәте” психологик акциясенә, беренчеләрдән булып, башлангыч класс укучылары кушылды. Акция дәвам итә.

Туган тел көне уңаеннан,китапханәче Сәлимуллина Ф.В. һәм  Хәмидуллина Г.Н. , озынайтылган көн төркеме укучылары белән “Тел-рухи дөнья көзгесе” дип исемләнгән чара әзерләп үткәрделәр.Тел һәм аның кыйммәтенә,тел турында аксакалларыбыз,әдипләребез фикерләренә зур урын бирелде.