Җиһангирова Миләүшә җитәкчелегендәге озынайтылган көн төркеменә йөрүче  1-2 сыйныф укучылары  дәресләргә  әзерләнү,саф һавада  булу  яки файдалы аралашудан тыш,бик теләп кул эшләре башкарырга да яраталар.Балалар “Аналар көнен”ә аеруча тырышып әзерләнделәр .Үз куллары белән эшләгән бүләкләрен тапшыру  өчен “Аналар көне”н зарыгып көтәләр.

 Республикакүләм  интернет- ата-аналар җыелышы проекты старт алды.Әлеге проект Фән һәм мәгариф министрлыгы  тарафыннан,әти-әниләрдә ата-ана булу культурасы тәрбияләү максатыннан тәкъдим ителде.Беренче  җыелыш “Как учить,а не мучить?”темасына,балаларда укуга карата уңай мөнәсәбәт тәрбияләү мәсьәләләренә багышланды.

Бүген 5 нче сыйныф укучыларының "ЮИД"отряды "Фликерлы киемнәр- замана тәлабе" исемле чыгыш ясады. Юл йөрү кагыйдәләрен, караңгы вакытта җәяүлегә саклану чараларын искәрттеләр. Һәр укучыга яктылыкны кире кайтаручы элементлар булдыруга өндәделәр.

Морзалар урта мәктәбе базасында Укучыларның   хәрәкәтле уеннар буенча II Спартакиадасының район туры үткәрелде.Сөләйманов Илфат Гази улы җитәкчелегендәге  мәктәп командасыәлеге чараның төп этапларында җиңү яулап,командалар арасында 2 урынга лаек булды.Афәрин,укучылар.Котлыйбыз!

Республикабызда «Дети России» дип исемләнгән комплекслы-профилактик операция үткәрелә.Әлеге чараның максаты- яшүсмерләр арасында наркоманиянең таралуын кисәтү,наркотик яки психоактив матдәләрнең зарарлы тәэсире, закон алдындагы җаваплылык турында тулырак мәгълумат бирү.

Районыбызда эшләп килүче педагогик-психологик хезмәт күрсәтү бүлеге психологлары Печкова Р.Х.,Салахова Е.Н. ОГЭ, ЕГЭ алдында торган укучылар,шулай ук укытучылар белән файдалы тренинг үткәрделәр.

Мәгариф бүлегенең 03.11.2017 № 902 номерлы хаты нигезендә ,яшүсмерләр арасында наркоманияне кисәтүгә багышланган чаралар үткәрелә.Физик хәзерлек укытучысы Хәйруллин Айдар ,“Наркотикларга каршы –спорт” темасы астында, 5-6 класс укучылары арасында уен-ярышлар,”Хәрәкәтле уеннар” түгәрәгенә йөрүче башлангыч класс  укучылары  белән күңелле стартлар әзерләп үткәрде.

Балаларның көзге каникулын күңелле дә,файдалы да итү максатыннан,районыбыз җитәкчелеге Казан шәһәренә экскурсияләр оештырды.К.Тинчурин театрына барып балалар өчен махсус  әзерләнгән спектакль карап кайту бәхете безнең мәктәптән бертуган Нуруллиналарга насыйп булды.Иң мөһиме ,укучыларыбыз шатланып,канәгать булып кайттылар.

10 сыйныф укучылары Зәйнуллина И. һәм Хафизова Р.Буа шәһәрендә үткәрелгән  “Шәҗәрәләр-нәсел  агачы”дип исемләнгән фәнни-гамәли конференциядә үзләренең эзләнү эшләре белән чыгыш ясадылар(җит.Дәүләтҗанова М.З.)Кызлар  үз нәселләренең үткәнен,әби-бабаларының  гыйбрәтле  тормышларын,көнкүрешләрен өйрәнүне дәвам итәчәкбез  дигән теләк белән кайттылар.